الموضوع: انطباعات الثلاثة الاف الأولي " 3000 كم " ... Xv 2016

ما حستش وانا باقرا التقرير بتاع حضرتك بان الدفع الرباعى فارق فى اداء العربية الxv ولا آيه

المشاركة الأصلية كتبت بواسطة scientist9508

بسم الله الرحمن الرحيم

الزملاء المحترمين

كل سيارات سوبارو . . . سيارات الأحلام حقآ

و لكننى أتمنى الآتى من شركة سوبارو

1 - تعديل التابلوه الذى لا يشعر قائد السياره بأن السياره تستحق ثمنها (تابلوه فقير و شكله قديم منذ سنوات)

2 - تعديل المحرك ليصبح أكثر توفير للوقود

3 - زيادة حجم خزان الوقود لتستطيع السياره قطع مسافه طويله على الصحراوى دون الحاجه للتوقف للتزود للوقود

4 - الضغط على الوكيل المصرى إنشاء مراكز خدمه و صيانه خارج القاهره و الإسكندريه

السلام عليكم ورحمة الله وبركاته

و عليكم السلام و رحمة الله و بركاته ..اسمحلي اعلق سريعا علي النقاط اللي حضرتك كتبتها ..
* لتابلوه شكله تقليدي الي حد ما ..بعيد عن البهرجة و الاختراعات .. البعض بالفعل بيشوفوه قديم .. لكنه مريح للعين بالنسبة لي شخصيا ..موضوع فقير ده مش مستوعبه اوي ..لان فيه كل الوظائف اللي ممكن تكون موجودة في أي عربية تانية .
* المحرك مع الفتيس بالفعل موفرين جدا للوقود عند السير بدون تكييف .. الفتيس السي في تي يعتمد علي تكنولوجيا موفرة للوقود في الأساس ..الاحد بس محتاج يتعامل معاه صح علشان ياخد منه فايدته .. الدفع الكلي طبيعيا بيزود استهلاك البنزين قليلا .

* خزان الوقود 60 لتر .. مش عارف ده كتير و اللا قليل بس اعتقد انه مناسب جدا .. الالنترا كانت 45 تقريبا ..
* معاك قلبا و قالبا ف موضوع الوكيل .. و اتمني قبل ما يفتح فروع جديدة انه يحسن الخدمة و الأداء و شكل فروع الصيانة القائمة بالفعل ..
تقبل تحياتي

المشاركة الأصلية كتبت بواسطة wasfy

ان شاء الله بفكر اشريها ، سؤالى فى الحر ده والعربية جديدة عادى ان اشغل التكييف اول ما اشتريها ولا ما ينفعش ، طبعا مش هجرى بيها فوق ال١٠٠ لغاية اول ١٠٠٠كيلو ولا آيه

يفضل طبعا انك متشغلش التكييف في الالف كم الاولي .. و ده لجميع السيارات مش للسوبارو بس .. لكن ممكن ترجع لمهندسي التوكيل في الموضوع ده او تكلمهم علي الخط الساخن بتاعهم و هما يوصلوك بمهندسي التوكيل .. و بكرر مهندسي التوكيل مش المبيعات .. متخدش أي كلمة عن معلومة فنية من المبيعات ..
و طبعا الجري لحد 90-100 مش اكتر من كده ..
بالتوفيق :)

المشاركة الأصلية كتبت بواسطة wasfy

ما حستش وانا باقرا التقرير بتاع حضرتك بان الدفع الرباعى فارق فى اداء العربية الxv ولا آيه

الدفع الكلي فارق بوضوح في ثبات العربية علي السرعات العالية .. فارق و انت ماشي علي ارض مش مستوية او رمال .. ذكرت في التقرير اني مشيت بيها اوف روود لفترة بسيطة و كانت ممتازة ..و كان في مكان مش قوي جدا لكن مكنتش اقدر اقربله باي عربية تانية .. فيه ملاك بيطلعوا الصحرا بانتظام في ايفنتات و بيشكروا في أدائها المناسب لحجم المحرك .. عشان محدش ينتظر أداء انك جيب رانجلر أو لاند كروزر

شكراً على التقرير أستاذ حسن. أنا معايا الفئة التالتة 2016 و عامل أقل من 4,000 كيلومتر لو حد برضو عنده أي أسئلة.
بخصوص تقل الدركسيون ده عادي في معظم الياباني مقارنة بالكوري. أنا سوقت فرنا و النترا و و صني و كورولا و سيفيك و xv و فعلاً الفرق دايماً ملحوظ في الموضوع ده. أنا بشوف أنها ميزة و بفضل يبقى الدركسيون تقيل.
برضو استهلاك البنزين أنا شايفه كويس، أنا مشغل التكييف على طول و مشاويري زحمة جداً. العربية عاملة بمتوسط 9.6 لتر لكل 100 كيلومتر. ده في تقديري مقبول جداً على وزنها و أنها awd

المشاركة الأصلية كتبت بواسطة Hassan Khalil

يفضل طبعا انك متشغلش التكييف في الالف كم الاولي .. و ده لجميع السيارات مش للسوبارو بس .. لكن ممكن ترجع لمهندسي التوكيل في الموضوع ده او تكلمهم علي الخط الساخن بتاعهم و هما يوصلوك بمهندسي التوكيل .. و بكرر مهندسي التوكيل مش المبيعات .. متخدش أي كلمة عن معلومة فنية من المبيعات ..
و طبعا الجري لحد 90-100 مش اكتر من كده ..
بالتوفيق :)

You can use the AC and drive the car normally in the first 1500KM.
You just have to watch out for the following:
- Avoid pressing the breaks to the end and sudden stops for the first 1000 miles
- Avoid revving the engine above 3000 rpm

Enjoy

اخترت التيفولي لسببين
الأول ان شكلها احلى ودي مسألة اذواق
التاني ان الموتور اقوى وده لمسته من اول ماحطيت رجلي على الدواسة بعد ماأشتريت
الحقيقة مفيهاش غلطة