افضل سعر لشيرى انفى و محتار بين لونين و استلام مفيد للجميع

ازيكم
طبعا كلكم عارفين انى رايح جى ببحث فى سيارة انفى
المهم
لقيت العربية بسعر 98 الف فى معرض الابيض بس لون فضى
و توكيل غبور لما وريتهم فاتورة و انىخلاص هستلم عرض علية سعر 99500 و ساعتها هقدر اخد اللون الفيرانى

قلتلة بس انته اغلى الف و نص عن المعرض
قالى بس احنا توكيل و العربية مش متهانة و اضمن ليك انك تستلمها من التوكيل مش من معرض

كمان
المعرض هيسلمنى فى يومها
التوكيل هيسلمنى كمان اسبوع من الدفع


ممكن رايكم

انا كان نفسى فعلا فى اللون الفيرانى لكن معرفتش الاقية و لكن ربنا كرمنى فى السعر

دلوقتى بقة محتار اجيب من التوكيل و لا المعرض

المعرض هو
معرض الابيض فى اول فيصل

انتظر ردكم و شكرا

انا شايف انك تجبها من الوكيل نفسه افضل وتختار اللون اللى نفسك فيه ومش هتفرق الف زياده بس الميزه انك ممكن تستلمها من المصنع كمان فى ابو رواش واللون تختاره وخدمة بعد البيع افضل لانك شارى من المصنع والعربيه بكوتش لم يلمس الارض مميزات كتير هات من الوكيل افضل وربنا يوفقك ؟

اوكى جارى التنفيذ
و ياريت تتابع ردى هنا و هقولكم تفاصيل الفاتورة هتفيدكم على فكرة

اقتباس:

---

المشاركة الأصلية كتبت بواسطة mohamed desoky

انا شايف انك تجبها من الوكيل نفسه افضل وتختار اللون اللى نفسك فيه ومش هتفرق الف زياده بس الميزه انك ممكن تستلمها من المصنع كمان فى ابو رواش واللون تختاره وخدمة بعد البيع افضل لانك شارى من المصنع والعربيه بكوتش لم يلمس الارض مميزات كتير هات من الوكيل افضل وربنا يوفقك ؟

---

شكرا لانى دايما اعتمد على رايك فلك العديد من المشاركات و فعلا كنت انتظر رايك بشدة
شكرا استاذ محمد دسوقى

اقتباس:

---

المشاركة الأصلية كتبت بواسطة engphp

شكرا لانى دايما اعتمد على رايك فلك العديد من المشاركات و فعلا كنت انتظر رايك بشدة
شكرا استاذ محمد دسوقى

---

العفو انا شايف حاجه غريبه ان سعر العربيه فى غبور اغلى من الوكلاء بفرق من 2 الى 3 الف ج طيب يبقى فى ايه ؟:049:مش كده الموضوع يخلى اى حد يقلق يبقى غبور بايعها بكام ؟ وهما مكسبهم كام ؟ وعملين تخفيض عن المصنع ليه ؟كل دى تسئولات يمكن حد من الزملاء عنده اجابه ؟لان انا اجابتى واحده انهم واخدين عربيات فرز تانى والوكيل بيحتفظ لنفسه بلدرجه الاولى يبقى انا اشترى من المصنع او المجمع ليها احسن من المعارض لان كده فى علامة استفهام كبيره ؟

هذه تفاصيل الفاتورة بالضبط

سعر السيارة انفى 2017
75512.35 جنيه

15% ضريبة مبيعات = 11326.85 جنية

لسة فية نسبة ضمان تقريبا 1%
و رسم تنمية

اية رايك انته
يبقى انا اجيب من الوكيل
لانه قالى هتستلم عربية ملمستشى الارض و لا جات متساقة فى الشارع و مشغلة التكييف او حد قرص عليها او اتهانت
و افهم انته بقى

كمان انته لو حسبتها هتلاقى انك لو قرصت على المعرض هتجيب اقل من 98 الف

و الى رحمنا حاليا اننا فى فترة ركود فى رمضان لكن احنا معرضين ان العربية تغلى اكتر و اكتر و انا نفسى حاسس انها هتغلى و هتوصل لسعر مش هيقل عن 115 الف

العربية انا ركبتها
عالية و تحسها قوية مش ورق
مجرد الاحساس ده ان يجيلك من ملاكى مانيوا يبقى تخيل بقى ممكن تعمل بها
زى السعوديين كده بيقولوا تفحيط يعنى شقاوة كمان بيها

توكيل

تفحيط بالانفي ازاي يعني ؟؟؟؟
العربية كويسة لكن مش اسبورت كار وسعرها هيعدي وبحلول 2019 هتكون من 135 الى 150 :)
استلم من الوكيل .
وتأكد ان العداد لونه متغير ابيض في ازرق عشان دا موديل 17 العداد الاحمر دا موديل لحد 16 .

لون عداد التيجو القديم كان برضه ابيض ؟