العربية بتبطل ونا على سرعة 140 كم افيدونى

اتفاجئت وانا ماشى على طريق الكريمات الغربى رايح الاقصر
لما جيت اهدى عند البوابات بتاعت حلوان
كنت ماشى على سرعة 120 تقريبا ف مورت العربية وبدأت احمل على الفرامر
وفاجئه لقيت العربيه بطلت
بصراحة اتخضيت خصوصا ان الدركسيون بور زى منتو عارفين والفرامل
المهم حولت اتصرف بسرعة
وانا فى وضع المور حولت ادور من المفتاح مرتين ما دريتش
بسرعه رحت معشق الرابع ورافع رجلى من على الدبرياج لانى كنت على سرعة 100 كم
قامت العربه دايرة وعمله صوت جامد جدا
دست على الدبرياج تانى هدى الصوت بس الحمد لله فضلت دايرة والدركسيون فك وقدرت اتحكم فى السيارة
بس كانت ثوانى عصية والله
المهم ما اطولش عليكم
كملت مشوارى الى الاقصر
واتكرر الموقف عند كل مره اهدى فيها او افصل الحركة وادوس فرامل
مثلا عند مدخل اسيوط
وعند بنزينة وطنية وعند كارتة سوهاج
حد يعرف اية الى بيجصل
على فكرة
العربية رينو لوجن 2011
كل الصيانة فى التوكيا
عاملة صيانة 120 الف من حوالى اسبوعين فى توكيل العبور
وياريت لو فى حد فى الاقصر
علشان خايف ارجع بيها القاهرة كده بصراحة
وافادكم الله

فيه شوية حاجات بسيطة حاتكشف عليها :
١- لو لمبة التشيك انجن منورة اكشف سكانر وشوف السبب ايه
٢- قيس زيت الموتوروزيت الفتيس ممكن يكون ناقص .
٣- البطارية تكشف عليها عند كهربائى يقيسها ويحدد حالتها .
٤- فلتر البنزين يتغير
٥- بعد ماتغير فلتر البنزين تعمل تجربة بالعربية ولو عملت كده تانى يبقى احتمال كبير تكون طلمبة البنزين ابتدت تودع .

البوابة جرب تنضفها لو مظبطتش يبقى لازم تتغير احسن
فى ناس بتغير حساس الايدل بس