-
مشكلة كبيرة
الان يا شباب و انا على طريق سريع حدث صوت احتكاك شديد ثم توقفت السيارة عن العمل
و اصبحت السيارة لا تشتغل الا اذا كان التكييف مفصول
الجزء الخاص بالكمبرسور لا يدور نهائى و السير بيلف عليه لكن عند تشغيل الكمبرسور يتوقف السير و السيارة تنطفىء
الخبراء الذين لا اثق بهم و هم اصلا لم يكلفوا انفسهم بالكشف على السيارة قرروا ان الكمبرسور ودع
انا خايف تكون المشكلة فقط فى البكرة الخارجىة(bulley( , فقط و بالتالى اغيره و تخلص المشكلة
كيف افرق بين حالة تلف الكمبرسور و تلف البكرة الخارجية المتصلة بالسير؟
-
البكرة بتاعة السير اللى على الكومبريسور بتبقى بتلف على الفاضى مع الموتور عن طريق السير وبيبقى جواها بكرة تانية هى اللى بتلفف الكمبريسور علشان يشتغل والبكرة الداخلية بتشتغل بالكهربا عن طريق الزرار بتاع التكييف اللى بتدوس عليه فى اللوحة بتاعة مفاتيح التكييف داخل السيارة ولما بتشغل مفتاح التكييف البكرة الداخلية بتعشق مع البكرة الخارجية اللى بتلف على الفاضى علشان الكومبريسور يلف - البكرة الداخلية بيطلق عليها الكلتش واللى بيحصل غالبا إن الكلتش ده بيبوظ او الرولمان بلى بتاع البكرة الخارجية اللى بتلف على الفاضى يكون باظ - بتتفك البكرتين الداخلية والخارجية والكومبريسور راكب على الموتور عادى وبيتم اختبار البكرتين واللى بايظ بيتغير - لو الرولمان بلى بايظ بيتغير عادى ولو الكلتش بايظ بيتغير لو كان موجود فى السوق لكن لو مش موجود بتضطر تغير الكمبريسور بواحد كامل بالبكرة والكلتش استعمال - بس الاول انصحك تكشف على كهربة الكلتش وده بيبقى ليه ريلياى فى علبة الفيوزات ومتحدد ومرسوم مكان كل ريلية ووظيفته على غطا علبة الفيوزات - اللى بتعمله بتشوف ريلية تانى بنفس رقمه فى علبة الفيوزات وبتبدلهم مع بعض ولو الكمبريسور اشتغل يبقى الريلياى بايظ وتشترى واحد جديد .
-
حسب وصفك... كده الكمبريسور قافش..
ﻹن البكرة الخارجية بتدور عادي على الفاضي لما بتبقى فاصل التكييف.. ولما بتشغل التكييف الكلتش بيعشق البكرة الخارجية مع الكمبريسور... وهنا بيحصل التوقف.
لو تقدر تشوف حد عنده كمبريسور قديم وتركبه هيبان علطول إذا كان العيب من الكمبريسور أو أي حاجة تانية.
...
-
هل انت حليت الكباس ؟ عشان تقيم الحاله هتحتاج تحل الكباس وتقيم حالته
عندك احد احتمالين دا على حسب وصفك
بليه الكلاتش قافشه متحجره ( ساعتها حظك حلو بتتغير او بتغير الكلاتش كله مش حوار يعني بس هاتحتاج تشحن فريون طبعا نصيحه طالما طلعت الكباس غيرله زيت ( من هنا تقدر تعرف حالة الكبس لو حلوه غيرله زيت لو فريون 134 غالبا دا اللي عندك( اعتقد عربيتك صني 2004 صح ؟) حط له زيت تخليقي لو 12 هايبقى زيت معدني)
الاحتمال التاني الكباس قفش او ودع ورزع وعمل رايش ( او الزيت اللي نازل منه لونه اسود او رمادي غامق) هنا بقا هاتجيب واحد استيراد على التجربه او جديد ( انت ومقدرتك) وهاتغير معاه سربنتيه الكوندسر جديده وفلتر فريون او الرسيفر دراير جداد ( عشان كل دا الكباس بيرمي عليهم الرايش فاميش فايده انك تركب عليهم الا لو حالتهم نضيفه ومافيش سدد فيهم ) وهاتنضف بقية الدايره والخراطيم جوا المواسير قبل ماتشحن التفريغ ياخد وقت على الاقل ساعه او اكتر
-
بالفعل بكرة الكمبرسور لا تدور
و لانه لا يوجد شيء اسمه تصليح لدى الصنيعية فاضطريت شراء كمبرسور
كما نصح الفنى بتغيير كوندنسر المكيف ايضا لان رايش الكمبرسور القديم بيسد الكوندنسور
-
وضروري تغيير فلتر الفريون او الرسيفر دراير بواحد جديد مع الكباس (الكومبروسر) والكوندسر
Content Relevant URLs by
vBSEO 3.6.0 PL2