الموضوع: انضف انواع البنط للشنيور

طيب اسم البنط المتخصصة في ثقب السيراميك يعني لو عايز اخرم في سيراميك حيطة المطبخ، ايه هو اسمها او لونها وياريت كمان لو صورة لشكل البنطة دي علشان اعرفها وانا بجيبها وسعرها في حدود كام النوع النضيف منها

المشاركة الأصلية كتبت بواسطة amr011111

أرخص بنطه هتخرم فى السيراميك وتقضى الغرض بس الاول قبل ما تخرم هات مسمار صلب ودق دقه بسيطه بالشاكوكش علشان لما تيجى تخرم بالشنيور الشنيور ميروحش يمين وشمال لان سطح السيراميك املس

للاسف جربت كذا بنطة من الي لونهم ابيض واسود، وعملت زي ما حضرتك بتقول بالظبط وتخيل النتيجة ان راس البنطة نفسها بتسيح من الحرارة والراس بدل ما تبقى مدببة بقت مدورة لما اتاكلت لدرجة ان راس البنطة بتطلع نار فعلا من الاحتكاك ومحاولة الحفر في السيراميك

عشان كدة بسأل على نوع معين او اسم معين متخصصة اكتر للسيراميك

بص على الطقم ده ، ممتاز جدا انا اشتريته من شهرين فيه جميع انواع البنط للخشب والمعادن والحوائط وكمان فيه لقم للمسامير
ونوعه بوش أصلي وسعره ١٠٠ جنيه

Bosch 33 Pieces X-line Accessory Set price, review and buy in Egypt, Amman, Zarqa | Souq.com

المشاركة الأصلية كتبت بواسطة a_h_m_a_d

بص على الطقم ده ، ممتاز جدا انا اشتريته من شهرين فيه جميع انواع البنط للخشب والمعادن والحوائط وكمان فيه لقم للمسامير
ونوعه بوش أصلي وسعره ١٠٠ جنيه

bosch 33 pieces x-line accessory set price, review and buy in egypt, amman, zarqa | souq.com

الف شكر لحضرتك وبفكر فعلا اشتري نفس المنتج الي رشحتهولي

سؤال باه لأني خبرتي متواضعة جدا في الموضوع ده، من الصورة الموجودة في بنط لونها اسود والتانية فضي، ازاي هعرف افرق ما بين البنطة الخاصة بالسيراميك او الخشب او الحفر في الاسمنت الحيطة العادية او خلافه، وهل المجموعة دي فيها كل الانواع ولا مقتصرة على نوع معين

السؤال التاني ياريت من خلال موقع سوق ترشحلي شنيور ماركة بوش برضه أو apt للاستعمال المنزلي الخفيف يعني شغل بتاع مسمارين في المطبخ او في حيطة اسمنت انك بتعلق مواسير ستاير او خلافه، يعني مش عاوز هيلتي عاوز حاجة استعمال منزلي خفيف فياريت ترشحلي شنيتور يكون فيه تحكم في السرعات ودقاق