حد غير زيت الفتيس للسيراتو 2015 ال 6 سرعات
فين وبكام وباخد قد اية زيت
وهل بتحتاج فلتر زيت ولا لا
عرض للطباعة
حد غير زيت الفتيس للسيراتو 2015 ال 6 سرعات
فين وبكام وباخد قد اية زيت
وهل بتحتاج فلتر زيت ولا لا
زيت الفتيس ال6 سرعات بتاع السيراتو مواصفته ATF SP-IV (أو SP-4)
الزيت بيتغير على 100 ألف كيلومتر في الحالات الشاقة
الكمية حوالي 7 لتر
ودي صفحة الكتالوج اللي فيها كل المواصفات
http://nileup.com/up/uploads/nilemotors_14089717191.jpg
حضرتك هتشتريه من التوكيل.. بس أعتقد إنه موجود بره بردو..
ودي صورة العبوة الأصلية من هيونداي/كيا
http://www.ato24.de/media/catalog/pr...0115_1_l_3.jpg
ونصيحة من أخوك.. ما ترميش كتالوج العربية.. الكتالوج فيه كمية معلومات مفيدة ليك وللي هيشتري العربية من بعدك.
http://www.nilemotors.net/Nile/434256-a.html
...
جزاك الله خير جزاك اخ بوريو شرحك وافى ومحترم جدا تحياتى ليك ويارب الاخ الكريم متابع معاك وبيقرا كلامك كويس
بس التوكيل بيقول انهم 4 لتر بس؟؟؟
لسه فاضلك 20 ألف.. ما تستعجلش...
أصلا.. الزيت المفروض ما يتغيرش خالص لو العربية استخدامها خفيف..
بس واضح إن العربية بتشتغل إيجار أو حاجة زي كده.. وفي الحالات اللي زي كده... التغيير يتم على 100 ألف كيلومتر.
بالنسبة لكمية الزيت.. فهي 7.3 لتر... مش 4...
لو غيرت 4 لتر فحضرتك كده غيرت حوالي 60% من الزيت بس... يعني هتبقى ماشي بزيت نص عمر.
...
طيب ماهو التورك كونفرتر جزء أساسي في نقل الحركة.. لو ما غيرتش الزيت اللي فيه هتفقد جزء كبير من عزم الموتور بالإضافة إلى إن عمر التورك كونفرتر نفسه هيقصر جدا.
عموما.. زي ما قلتلك حضرتك مش محتاج تغير الزيت أساسا إلا في حالات الاستخدام الشاق المتكرر..
وحالات الاستخدام الشاق الخاصة بالفتيس الأوتوماتيك مكتوبة في صفحة 7-20 في الكتالوج..
والحالات دي هي:
1- القيادة بصفة متكررة لمسافات قصيرة أقل من 8 كيلومترات في درجات الحرارة المعتادة (أو أقل من 16 كيلومتر في درجات الحرارة تحت الصفر).
2- القيادة على الطرق الوعرة أو المتربة أو الموحلة أو غير المعبدة أو التي ينتشر بها الحصى أو حبيبات الملح.
3- القيادة في مناطق الازدحام المروري في درجة حرارة تزيد عن 32 درجة مئوية.
4- القيادة على المنحدرات صعودا أو نزولا .. أو على الطرق الجبلية.
5- القيادة بالنسبة لسيارات الشرطة أو الأجرة أو السيارات التجارية .. أو قطر سيارة.
أتوقع إن حضرتك مش بتمر بالحالات دي كتير.. وبالتالي ممكن ما تحتاجش تغير زيت الفتيس...
ومع ذلك.. فالاحتياط واجب أكيد.
...