خايف من السرطان ...مش عايز حد يكدب عليا ويطمنى وخلاص

اظن فى ناس مش قليلة هنا عارفة قصة تعبى .. هحكيها بختصار شديد عشان لما اخش فى الموضوع حد يساعدنى

بس اتمنى الاقى دكتور متخصص فى التحاليل او الجهاز الهضمى

من خمس سنين وانا تعبان بمعدتى وبلف بيها على طول برجع وعندى غثيان وحرقان من اول فم المعدة لحد الزور ودا خاصة لما اول مصحى من النوم

من 3 سنين اتشخصت الحالة انها بكتريا فى المعدة اسمها البكتريا الحلزونية وعملت بسببها التهاب فى المعدة وارتجاع فى المرئ وعشان تموت لازم اخد كورس مضاد حيوى اسبوعين

.. خدت الكورس دا لحد دلوقتى فى خلال التلات سنين اكتر من اربع مرات ومش بتروح بردة لسة تعبان

المهم انا عملت مناظير قبل كدا . وكانو بيخدو من المعده عنية يحللوها. كان دايما يطلع النتيجة المكتوب فيها وجود بكتريا حلزونية ..

للاسف النهردة استلمت تحليل مكتوب فيها كلام زيادة

.. التهاب مزمن
.. ضمور بؤرى
.. بكتريا حلزونية

مش تعبنى ولا همنى غير كلمة ضمور دى وللاسف عشان انا مثقف وبقرا كتير دخلت قريت مقالات بالانجليش بتقول ان الضمور دا عبارة عن موت خلايا جدار المعدة . بمعنى اوضح . بداية تحول خلايات المعدة لخلايا سرطانية
محتاج دكتور هنا يرد عليا بكل وضوح الكلام دا صح ولا غلط ولو صح اية الاجراات الى ابدء اعملها



دى صورة نتيجة عينة المنظار

http://i.imgur.com/Jgr6jh3.jpg

أسأل الله العظيم رب العرش العظيم أن يشفيك و يعافيك شفاءاً تاماً لا يغادر سقماً
أخي الكريم واظب على قول رب اني مسني الضر و أنت ارحم الراحمين
و الإستغفار كل يوم ١٠٠٠ مره لن تأخذ منك ساعة
لكن والله لها مفعول لا يعلم سره الا خالق السماوات و الارض العزيز الخبير

قل لن يصيبنا الا ما كتب الله لنا....انا مش دكتور عشان افيدك ...حتي لو عندك دمور ...لا تيأس من روح الله انه لا ييأس من روح الله الا القوم الكافرون.

الله يشفيك عن قريب واعلم ان الله هو الشافي

السلام عليكم ورحمة الله وبركاته

كمل قراءة التقرير طيب !!

مكتوب لا يوجد آثار تحول للخلايا وهو أول خطوة للسرطان، ولا يوجد تحور للخلايا أيضا وهو خطوة أخرى تجاه السرطان ، ولا يوجد سرطان...كاتبها صريحة

دا اللي مكتوب فالتقرير


أما مشكلتك الطبية فربنا يشفيك من كل داء وبلاء

السرطان ليس هو ضمور الخلايا ...السرطان هو نفس خلايا الجسد عندما تترك القواعد المعروفة في حياتها وتكاثرها واحترامها لجيرانها وأداءها لمهمتها وموتها بشكل طبيعي ومتوقع. بتتجنن يعني ...وتقل أدبها على جيرانها...وتغتصب حقوق أخواتها من أكل وشرب ومساحة وتأكل اكلهم وتضغط عليهم تفعصهم وتتكاثر بدون حساب وعيالها بيطلعوا مجانين وقلالات الأدب وشرهين ومجانين تكاثر زي أمهم....وطبعا الشغل بتاعها الأصلي مابتعملوش...كدا خلايا الجسد الطبيعية بقت سرطانية...كل حسب موضعه..لو خلية كبد ..يبقى سرطان فالكبد. .لو جلد يبقى سرطان جلد..وهكذا.

طبعا في جزئيتين كمان الدكتور طمنك عليهم قبل ما يطمنك عن السرطان الصريح .. وهو مراحل قبلية بتكون الخلية مجنونة لكن محترمة..مجنونة شغل وتكاثر..عمالة تشتغل شغلها زيادة عن الطبيعي وتتكاثر زيادة عن الطبيعي. دا ميتابلازيا. .وقال انه مش عندك.

التاني هو أن الخلية تتغير عن اللي حواليها..تختلف عنهم...ماتشتغلش زيهم ولا تتكاثر زيهم....ولا يكون شكلها زيهم...ودي ديسبلازيا برضه مكتوب مش عندك..

انت في فرصة عظيمة في الشهر التاسع وداخلين عالعشر الأواخر...هل تعتقد أن الله يبخل عليك بالشفاء العاجل ؟

أنا عند ظن عبدي بي فليظن عبدي بي ما شاء.

طبعا توب عن ذنب انت عارفه وطلع صدقة من مال انت بتحبه وتعلق بالله حيث لا يراك أحد.

الله الله يا أخي الكريم

اسأل الله العظيم رب العرش العظيم ان يشفيك
واعتقد الزميل طمنك خالص

شفاك الله و عافاك يا أخى
أسأل الله أن يأجرك خيرا و أن يكتب لك الشفاء العاجل الذى لا يغادر سقما

اولا

اعمل كشف ضرورى عند جراح لمعرفة هل عندك فتق فى الحجاب الحاجز ام لا لانة من اهم اسباب ارتجاع المرئ والشعور بالحموضة المفرطة فى فم المعدة والزور

ثانيا

اسمع كلامى فى شئ بسيط جدا ولا تستهان بكلامى ... هتشرب كوب ينسون مركز مغلى كويس جدا مرتين يوميا ..هتقلل الحموضة جامد جدا من غير الادوية المعروفة المضادة للحموضة والاعراض الجانبية للادوية

ثالثا

تخفيف كامل للدهون والزيوت و الاملاح والمسبكات فى الاكل والاكثار من الزبادى

بعد شهر اعمل تحليل وظائف كلية وكبد ونتقابل وانت بتسجد لله شكرا على شفائك باذن الله الاحد الصمد

وربك كريم

انا مش طبيب
بس هو كاتبلك no malignancy
يعني مفيش ورم خبيث

الحمد لله الذي بنعمته تتم الصالحات ...........

أسأل الله العظيم رب العرش العظيم أن يشفيك و يعافيك

there is no dysplasia or metaolasia-no malignancy
بينفى السرطان

ما توسوسش نفسك

لو فيه اي احتمالية كان طلب فحوصات زيادة عشان يتاكد او خد عينة و حللها

Gastric mucosal inflammation, Helicobacter pylori infection, atrophy and metaplasia(s) were classified according to their presence in individual biopsy specimens into grade 1 (focal) and grade 2 (occupying the entire width—distance across—of individual sections)
اللي في التقرير بيقول ان في التهاب جدار الامعاء من الدرجة الاولى بسبب المكروب الحلزوني ولا يوجد تحول خلايا

اقتباس:

---

المشاركة الأصلية كتبت بواسطة د.محمود صلاح

gastric mucosal inflammation, helicobacter pylori infection, atrophy and metaplasia(s) were classified according to their presence in individual biopsy specimens into grade 1 (focal) and grade 2 (occupying the entire width—distance across—of individual sections)
اللي في التقرير بيقول ان في التهاب جدار الامعاء من الدرجة الاولى بسبب المكروب الحلزوني ولا يوجد تحول خلايا

---

الدرجة الاولى دى الدرجة الاعلى ولا الدرجة الادنى ؟

وكلمة الضمور البؤرى دى مش معناها حاجة خطيرة حاليا او على المدى البعيد

سرطان ايه بس .... و الله بدعيلك

اقتباس:

---

المشاركة الأصلية كتبت بواسطة 3abdo.it

الدرجة الاولى دى الدرجة الاعلى ولا الدرجة الادنى ؟

وكلمة الضمور البؤرى دى مش معناها حاجة خطيرة حاليا او على المدى البعيد

---

الدرجة الاولى هي الأقل .. وادي مدرسة طبية تاني بتقسم الالتهاب بالميكروب الحلزوني الى اربع مراحل :-
Staging
There is no staging system for H pylori infection, but the following steps in the disease process are well described:

• Chronic gastritis
• Atrophic gastritis
• Intestinal metaplasia: May evolve into dysplasia
• Gastric adenocarcinoma: Consider ultrasonography and esophagogastroduodenoscopy (EGD) in patients with gastric MALTomas (mucosa-associated lymphatic tissue lymphomas) for more precise staging of the disease

انت عندك المرحلة الاولى اللي هي التهاب مزمن ومعاه بعض من المرحلة التانية .. المرحلة التالتة تحول الخلايا والرابعة سرطان جدار المعدة adenocarcinoma

ارجو انك تقرأ وتترجم جيدا الموقع ده وتتعالج من الميكروب الحلزوني كويس
Medscape: Medscape Access

ربنا يعافيك ويزيل عنك المرض

اقتباس:

---

المشاركة الأصلية كتبت بواسطة د.محمود صلاح

الدرجة الاولى هي الأقل .. وادي مدرسة طبية تاني بتقسم الالتهاب بالميكروب الحلزوني الى اربع مراحل :-
staging
there is no staging system for h pylori infection, but the following steps in the disease process are well described:

• chronic gastritis
• atrophic gastritis
• intestinal metaplasia: May evolve into dysplasia
• gastric adenocarcinoma: Consider ultrasonography and esophagogastroduodenoscopy (egd) in patients with gastric maltomas (mucosa-associated lymphatic tissue lymphomas) for more precise staging of the disease

انت عندك المرحلة الاولى اللي هي التهاب مزمن ومعاه بعض من المرحلة التانية .. المرحلة التالتة تحول الخلايا والرابعة سرطان جدار المعدة adenocarcinoma

---

للاسف واخد كورس الجرثومة اربع مرات عبارة عن كورس كامل من المضادات الحيوية زى ما هو معروف عالميا وكل محلل براز او دم تطلع سلبى .. احلل منظار تطلع ايجابى