برجاء تسعير هذة التوليدو ورائيكم فيها

**HanyAziz** · 22-06-2016 02:32 AM

الاخوة الاعزاء فى المنتدى تحية طيبة وبعد
كل عام وانتم بخير عاوز نصيحتكم ورايكم فى عربية سيات توليدو 2006 هتش باك كاملة مانويل فتحة سقف ومثبت سرعة وتحكم طارة وجنط 16 راشة جنبين و فبريكة دواخل بالكامل عدادها عامل 70000 كيلو بالكتالوجات السيارة بعد الفحص والتجربة تبين انها بحالة ممتازة
عاوز رايكم فى الموديل دة واية عيوبة ومميزاتة وهل فى مشاكل فى قطع الغيار والاكسسوار ولا متوفرة وعاوز كمان تسعروا العربية دى معلش متبخلوش على بالراى لانى رايكم يهمنى على العلم ان معايا ابيزا 2001 ومقتنع بالسيات كسيارة محترمة وشكرا

**HanyAziz** · 24-06-2016 11:21 AM

معقولة يا جماعة مفيش اى ردود هو الموضوع صعب ولا انا اللى حطيتة فى القسم الغلط فى انتظار الرود او طلب للمشرف بنقل الموضوع الى القسم المختص

**tasaka** · 24-06-2016 12:48 PM

التوليدو سياره جميله جدا

و لكن التسعير ده عايز مخنصين بالبيع و الشراء .. اطرح الموضوع فى القسم الخاص بالبيع و الشراء

او تكون منتشره و بالتالى الاعضاء سيفيدوك .. و السياره انتشارها ليس كباقى المتداول فى السوق

روح مواقع البيع و الشراء .. و تابع اسعارها هناك .. حتقدر تقييم سعر عربيتك

**HanyAziz** · 24-06-2016 05:21 PM

شكرا لك اخى الكريم على ردك بس كنت عاوز اعرف رائيكم فى العربية من حيث المميزات والعيوب وقطع الغيار والصيانة وبلاها موضع السعر وخصوصا العربية موجودة بالوجة البحرى اما الصعيد فمحدش يعرف عنها حاجة وشكرا

**Mohamed Desoky** · 24-06-2016 09:14 PM

هيا مش هتفرق كتير عن باقى عائلة فولكس فايجن لان اغلب قطع غيار السيات والجولف والاودى والاسكودا كلهم منتج شركه واحده المانيه ؟وقطع الغيار اغلبها بتركب على بعض وانتى اكيد عندك المعلومه دى لان كان عندك ابيزا العربيه لو سليمه توكل على الله وسعر النهارده احسن من بكره فى البلد دى اهم حاجه اساسيات العربيه سليمه ومفيش اهانه فى الصالون ويكفى انك راكب احسن صناعه فى العالم المانيا دى المعلومات اللى عندى وربنا يوفقك ؟