عاوز اغير واشتري عربية جديدة زيرو في حدود 160 الف - 170

**borio1704** · 20-08-2016 01:12 AM

بالتوفيق إن شاء الله..

وأهم حاجة إنك تكون مقتنع.. وأتمنى تكون شوفتها أو قعدت فيها.

...

**د/ وائل سعد** · 02-09-2016 10:22 PM

اول ما استلمها ببلغكم ان شاء الله بتفاصيلها من جوه ومن برة.

اخوكم

د/ وائل سعد

**د/ وائل سعد** · 10-09-2016 02:12 AM

مفيش ردود خالص ؟؟!!!!

**tasaka** · 10-09-2016 02:37 AM

بالتوفيق .. و ان شاء الله تكون مبسوط منها

**د/ وائل سعد** · 23-09-2016 11:36 PM

لسه حاجزها ومنتظر تيجى ، يا مسهل يااااااارب

**د/ وائل سعد** · 24-09-2016 12:20 AM

حجزتها ومنتظر ميعاد الاستلام لابلغكم بالتفاصيل والله المستعان

**hamsik303025** · 28-09-2016 06:55 PM

ممكن تركبلك لو مستعمل ف الرنج ده بي ام دبليو e46 2005 top كاملة بتكون حالات نضيفة ف رنج من 150000 ل 160000 او ممكن بي ام دبليو e90 320i 2006 حالة كويسة تعملها ف رنج 170000 بس اكيد عربية محترمة جدا او ممكن عليك و علي 316 2009 و عاملالها 170000 180000 دول اكتر حاجات افضلها لحضرتك هتاخد منها كل رونق و متعة الألماني من شخصية و قوة وثبات و للعلم حضرتك انا دلوقتي بدور علي e46 2005 TOP و بحاول ادور علي حالة نضيفة تمام و الله يوفقك لكل خير يارب

**borio1704** · 29-09-2016 12:13 AM

المشاركة الأصلية كتبت بواسطة hamsik303025

ممكن تركبلك لو مستعمل ف الرنج ده بي ام دبليو e46 2005 top كاملة بتكون حالات نضيفة ف رنج من 150000 ل 160000 او ممكن بي ام دبليو e90 320i 2006 حالة كويسة تعملها ف رنج 170000 بس اكيد عربية محترمة جدا او ممكن عليك و علي 316 2009 و عاملالها 170000 180000 دول اكتر حاجات افضلها لحضرتك هتاخد منها كل رونق و متعة الألماني من شخصية و قوة وثبات و للعلم حضرتك انا دلوقتي بدور علي e46 2005 top و بحاول ادور علي حالة نضيفة تمام و الله يوفقك لكل خير يارب

د. وائل استقر خلاص على العربية لإن له طلبات بعيدة خالص عن الـbmw...

اقرا الموضوع من آخره وحضرتك هتاخد بالك..

بس واضح إنك معاك تويوتا كورولا... هو حضرتك ركبت bmw قبل كده ولا دي أول مرة؟؟؟

لو ما كنتش ركبتها قبل كده فعايز أوضحلك شوية حاجات...

لو قارنت بين الكورولا والـbmw هتلاقي فرق رهيييييب...

فرق الثبات على الطريق لصالح الـbmw بدون أي كلام... لإن الـbmw عموما متعتها وثباتها على الطريق محدش بيقف قدامه في أي عربية ألماني...

البرستيج أكيد لصالح الـbmw..

الفخامة مفيش كلام.. Bmw.. لإنها أساسا ماركة فخمة مخصصة للأغنياء.

في المقابل...

قلة الأعطال لصالح الكورولا بدون شك..

توفر قطع الغيار لصالح الكورولا..

تكلفة التشغيل لصالح الكورولا..

أسعار قطع الغيار لصالح الكورولا..

سهولة الصيانة لصالح الكورولا...

راحة البال لصالح الكورولا...

وبالتالي...

سهولة البيع لصالح الكورولا..

سعر إعادة البيع لصالح الكورولا..

لو الحاجات دي مش أولوية بالنسبالك.. اعتبرني ما قلتش حاجة.

...