مصيبة و لا حاجة عادية , ياريت ساعدتكم ضروروى جدا

طبعا انا طالع عينى فى شراء عربية شيرى انفى التى اتوقع لها الانتشار و ارتفاع سعرها ليتخطى 100 الف جنية و هى مرتاحة
لانها تستاهل بصراحة
لكن الغريبة هنا

انا بشترى قسط
و المفروض المعرض يطلع فاتورة

المعرض راح طلع فاتورة بقيمة 93 الف
و طلب منى ادفعلة 5000 كاش عند الاستلام
و يبقى انا كده اشتريت العربية بسعر 98الف
طبعا كلنا عارفين ان سعرها فعلا ماسك على متوسط 99 الف

طيب هل كده صح
سالتهم اية الى يضمن حقى فى ان قيمة العربية 98 الف
قالى هديك ايصال بقيمة 5000 جنية

و المصيبة ان سعر العربية فى الفاتورة حوالى 75 الف
ضيف بقى لسة عليهم ضريبة مبيعات و رسم تنمية و ضمان العربية

بجد هيجننونا والله

و هل تستحق العربية دية ان الواحد يتمسك بيها كده

الكلام ده مش صح
لازم يديك فاتوره بالمبلغ كله علي بعضه
مش جزء وجزء
هو كده بيتهرب من الضرايب مثلا ؟؟
حضرتك ماتشتري من التوكيل وتريح نفسك ؟؟

الموضوع بسيط جدا .
هدفع مبلغ 10 ج هاخد فاتورة ب 10 ج هههههههههههه بس كدا لف ودوران نو

اقتباس:

---

المشاركة الأصلية كتبت بواسطة arkoon

الموضوع بسيط جدا .
هدفع مبلغ 10 ج هاخد فاتورة ب 10 ج هههههههههههه بس كدا لف ودوران نو

---

علشان كده بنحظر كل الناس اللى يشترى يشترى من التوكيل بلاش لعب المعارض كلهم بيلفه ويدوره على الزبون كل ده علشان يحاسب الوكيل انه خصران فى العربيه وكمان لعب على الضرائب الحركه دى حركة محامى صايع بيضرب عصفير كتير بحجر واحد كله فى البلد دى ضميره مات ؟

الناس صريحة و قالوا عشان الضرايب و كده

المهم انى ادفع فى النهاية اجمالى 98 الف
و بعدين
السؤال المهم
هو انا تفرق معاية ان تكون فاتورة العربية 93 الف
يعى لما ابيعها كسر زيرو او ابيعها مستعملة هل هيفرق فاتورة زى دية

اشترى توكيل

و ابعد عن المشاكل

اقتباس:

---

المشاركة الأصلية كتبت بواسطة mohamed desoky

علشان كده بنحظر كل الناس اللى يشترى يشترى من التوكيل بلاش لعب المعارض كلهم بيلفه ويدوره على الزبون

---

ياباشا وهو التوكيلات دلوقتي بتبيع اصلا
انت لو عايز عربيه من الوكيل هتترمي 8 شهور عبال ماتستلم دي فتره فلكيه بصراحه

انا اصلا كنت هتعامل مع التوكيل لكن لازم استنى
و عشان استنى مع اخبار ارتفاع السولار و المواد البترولية
و الدولار الى وصل 11 مستريح يبقى الله الغنى
مش هقدر استنى عربية تغلى سعرها
و من الاخر كده

عربية انفى تستحق ان الواحد يشتريها حاليا لكن لو حصل انها غلبت لحد 110 او 120 الف يبقى محدش هيشتريها
و لا اية رايكم يا اهل الخبرة

التوكيل قال كام مده الاستلام ؟؟
لو شهر مثلا .. يبقى بسيطه
بس لازم يكون كلام مؤكد

حتى الشهر كتير كأنتظار للعربية عند ناس كتير
وممكن تصرف فيه اكتر من الف جنيه مواصلات غير الارهاق

المعرض المذكور ده متلاعب
ومش معنى انه قال لحضرتك انه بيتلاعب عشان الضرايب يبقو امناء مثلا
دول دخلو حضرتك فى لعبتهم بمزاجك وامضتك
وحضرتك حر تقبل او لأ.

رأيي تشترى برضو من معرض..لكن مختلف عن دول
معرض اكبر ومضمون
لأن اللى بيتلاعب فى الضرايب ده:
ما تضمنش باقى تلاعباته هتكون فى ايه.

اقتباس:

---

المشاركة الأصلية كتبت بواسطة engphp

انا اصلا كنت هتعامل مع التوكيل لكن لازم استنى
و عشان استنى مع اخبار ارتفاع السولار و المواد البترولية
و الدولار الى وصل 11 مستريح يبقى الله الغنى
مش هقدر استنى عربية تغلى سعرها
و من الاخر كده

عربية انفى تستحق ان الواحد يشتريها حاليا لكن لو حصل انها غلبت لحد 110 او 120 الف يبقى محدش هيشتريها
و لا اية رايكم يا اهل الخبرة

---

السلام عليكم ورحمة الله وبركاته فى معرض غبور فى الشيخ زايد الانفى موجوده والتيجو موجوده والاستلام فورى وده معرض غبور نفسه يبقى ازاى غبور بياجل شهر واتنين ؟كده فى كلام مش مظبوط اللى عايز يستلم يجى معرض غبور الشيخ زايد ادفع واستلم ؟

غبور المهندسين مفيهوش العربية
و التسليم خلال اسبوع

اقتباس:

---

المشاركة الأصلية كتبت بواسطة engphp

غبور المهندسين مفيهوش العربية
و التسليم خلال اسبوع

---

بقول لحضرتك معرض الشيخ زايد ومعنى ان العربيه مش متوفره ده معناه ان الانفى ناجحه وعليها سحب شديد لانها احسن من الفيرنا والانوس واللوجان وانا قلت من مده ان الانفى هتاكل السوق بس ربنا يستر وغبور مايعليش السعر علشان ميزة الانفى كل حاجه بسعر يرضى العميل وربنا يسترها ؟

هستلم السبت بكرة بعد الفطار
و هبقى اكتبلكم كل التفاصيل كامل حول رحلتى فى موضوع التقسيط و الشراء و الاستلام و تجربة السيارة و صور ليها
و اسباب اختيارى ليها

و شكرا استاذ محمد لانك اكتر حد ساعدنى بسبب ردودك الى كنت ببحث وراها

نفسى اعرف بس انته راكب عربية نوعها اية
و نفسك تشترى عربية نوعها اية

اقتباس:

---

المشاركة الأصلية كتبت بواسطة engphp

هستلم السبت بكرة بعد الفطار
و هبقى اكتبلكم كل التفاصيل كامل حول رحلتى فى موضوع التقسيط و الشراء و الاستلام و تجربة السيارة و صور ليها
و اسباب اختيارى ليها

و شكرا استاذ محمد لانك اكتر حد ساعدنى بسبب ردودك الى كنت ببحث وراها

نفسى اعرف بس انته راكب عربية نوعها اية
و نفسك تشترى عربية نوعها اية

---

احب اعرفك بنفسى انا 12 سنه ميكانيكى فى ورشة خالى رحمه الله وسنى الان 45 سنه وخريج المعهد العالى للمساحه عام 95 والحمدلله ركبت 16 عربيه مستعمله وحاليا معايه شيرى a15 كوين نفس عائلة شيرى ومعايه من عام 2010 والحمدلله زى الفل وقبل مابشترى اى حاجه مهما كانت بسيطه لازم اعمل دراسه شامله مميزات وعيوب وبدائل قطع الغيار واكتشفت ان الشيرى a11وa15 الاتنين على قعدة شاسيه سيات توليدو وكل قطع غيار الجولف 2و3 والسيات توليدو يركبه بمنتها السهوله بدون اى تعديل حتى المواتير كلها جولف بتركب حتى المسامير وكل شئ فى الجيل الاول واول سياره تصنع عام 2001 وانا فضلت ابحث اكتر من 6شهور لحد ماعرفت تاريخ شركة شيرى الصينيه اول مصنع سيارات فى الصين وتم بنائه بامر من الامبراطور بناء سياره صينيه عام 99 ؟وانا مزاكر كويس لكل منتجات شيرى وكل مصانعها حول العالم لانى ببساطه لازم افهم كل حاجه فى عربيتى لان كل الناس بتسوق لكن مش كل الناس بتعرف فى ميكانيكى السيارات واى سؤال انا جاهز فى حدود معلوماتى وشكرا ليك والف مبروك ربنا يديك خيرها ويكفيك شرها وشر الطريق وانا مستنى التقرير والصور ؟:tumb:

انا نفسى اركب تيجو لانى شايف انها مناسبه لمصر وشايف فيها نفسى ربنا يخليك

اقتباس:

---

المشاركة الأصلية كتبت بواسطة mohamed desoky

انا نفسى اركب تيجو لانى شايف انها مناسبه لمصر وشايف فيها نفسى ربنا يخليك

---

ربنا يكرمك والتيجو عربية ممتازة وتنافس الكوري احسن من كريتا الى ب 288 :)

في انتظار تقريرك يا engphp
تستلم على خير ان شاء الله .

انا لحد مكنت بشوف ردودكم هنا مكنتش والله فرحان انى هستلم العربية لانى تعبت و اتعقدت فى موضوع البحث و القسط و الموافقة و خلافه و هوضحلكم كل شئ و هيفيد ناس كتيير جدا
لكنى انا بجد فرحت بسببكم انتم
بجد فرحان جدا
و عايز اقولكم على حاجة كده

عندى واحد معرفة من شهرين و لحد انهاردة كل ميكلمنى
اية هتجيب اية
اقولة رينو يقولى وحشة
مرة تانية اية
اقولة سيراتوا
يقولى وحشة
مرة كمان اية
قلتلة اوبترا
قالى وحشة
لحد اخرها انفى
قالى وحشة
المصيبة انه مش راكب عربية اساسا
و نصيحة بلاش تسمعوا لحد
استمعوا للخبراء فقط و و اصحاب التجارب الحقيقية مش كلام و خلاص

اقتباس:

---

المشاركة الأصلية كتبت بواسطة arkoon

ربنا يكرمك والتيجو عربية ممتازة وتنافس الكوري احسن من كريتا الى ب 288 :)

---

انتى فاكر يااركون التيجو عام 2008 اول موديل كان تقريبا ب 80 او 85 الف وماكنشى حد سائل فيها شوف اليومين دول وصلت 160 بس تستاهل لانها سبتت وجودها وسط العمالقه وكمان احسن من الجوك ام فيتيس خربان وكريتا 288 انا عايز اقول ا ؟؟؟؟؟؟ وله بلاش احنا فى رمضان عايزين ربنا يغفر لينا زنوبنا كلنا المهم ؟؟؟؟؟؟

اقتباس:

---

المشاركة الأصلية كتبت بواسطة engphp

انا لحد مكنت بشوف ردودكم هنا مكنتش والله فرحان انى هستلم العربية لانى تعبت و اتعقدت فى موضوع البحث و القسط و الموافقة و خلافه و هوضحلكم كل شئ و هيفيد ناس كتيير جدا
لكنى انا بجد فرحت بسببكم انتم
بجد فرحان جدا
و عايز اقولكم على حاجة كده

عندى واحد معرفة من شهرين و لحد انهاردة كل ميكلمنى
اية هتجيب اية
اقولة رينو يقولى وحشة
مرة تانية اية
اقولة سيراتوا
يقولى وحشة
مرة كمان اية
قلتلة اوبترا
قالى وحشة
لحد اخرها انفى
قالى وحشة
المصيبة انه مش راكب عربية اساسا
و نصيحة بلاش تسمعوا لحد
استمعوا للخبراء فقط و و اصحاب التجارب الحقيقية مش كلام و خلاص

---

ههه ههه ضحكتنى زى بقال ؟؟؟؟؟؟؟؟؟ عندك جبنه قاله لا وهوعنده جوه ؟؟؟؟؟؟؟؟ طبيعة البشر عدم الاتفاق على شئ واحد الاختلاف واحنا فى مصر مش مختلفين لا احنا عكس بعض فى كل حاجه مؤيد ومعارض مع وضد علشان كده انا باخد راى من دماغى وتظ ؟؟؟؟؟؟ انا اللى بدفع وانا اللى تعبان بلقرش انام على الجنب اللى يريحنى وتظ فى الدنيا كلها ؟؟؟؟؟؟؟؟؟؟