قرار شراء مستعمل كروز 2010 ام ميجان 2008~2009
، سلام عليكم
انا قررت شراء سيارة مستعملة من 80 الى 90 الف اوتوماتيك بدل من عربيتي استرا 2003 ماشي بيها 305000 الف كيلومتر من الزيرو.
بعد البحث والحذف توصلت ان أفضل سيارتين مناسبين لي شخصيا وحابب شكلهم وفي رينج السعر ده هما كروز 2010 وميجان حتى 2009
انا من الناس اللي بتروح توكيلات لإصلاح مشاكل ثقيلة زي الكهرباء والكمبيوتر الخ الخ وفي نفس الوقت فيما يخص شغل الميكانيكا العادية (تغيير تيل مثلا) بروح للميكانيكي بعد ما اشتري قطع الغيار أصلية.
بالسؤال والقراءة في المنتدى أصبح عندي مشكلة بسيطة او سؤالين وهما...
1- هل الكروز فعلا موتورها سيئ (اوبترا قديمة) يعني موتورها أسوأ من الاسترا 2003؟؟
وفيتيسها لا يعتمد عليهم حتى بالصيانة؟؟ ام نتوكل على الله ولو حصل حاجة للفيتيس نبقا نصلحه او نغييره؟ والموتور مش فارقة طالما 1600 سي سي فعلى الأقل حيبقا زي الأسترا اللي معايا حاليا وانا مبسوط بيه جدا جدا جدا
2- هل الرينو بكل محاسنها من أمان وثبات واوبشنز وشكل لطيف من الأحسن تغور بمشاكلها فيما يخص تسريب زيت الكرنك ومشاكل الفيتيس والعفشة الغير مناسبة اللي بيتم تغييرها بمعدل مرتفع؟
لو العربيتين بنفس السعر
كروز 2010 ب 85 الف او 90 الف
والميجان 2008 او 2009 بنفس السعر ان ما كانتش اقل شوية
تشتروا مين فيهم؟
والف شكر مقدما على الرد
رمضان كريم
اخوكم محمد