الموضوع: اشتريت استبلايزر ٥ كيلو مكونات هولندية تقفيل مصري هل مناسب لشقتي؟

للتأكيد والتصحيح انا هضعه داخل شقتي عشان محدش من الجيران يلعب فيه او فولت المؤشر وكمان عشان الاتربة والذباب وفوقه مروحه سقف للتبريد بس خايف يكون خطر وضعه في الشقه في فصل الشتاء وفي انتظار نصائحكم

المشاركة الأصلية كتبت بواسطة imnotim

ملاحظه مفهمتش معنى تطويلات يعني ايه هل تقصد استري واحد ٧ كيلو او ١٠ كيلو؟

التطويلة هى اللى بيسموها الغير متخصصين مشترك . بس بسلك و إسمه الحقيقي power extension و كل اللى فى مصر 10 أمبير ضعيف . أفضل حاجة اللى فى الخليج 13 أمبير .

بس أنا مهندس مدني مش كهرباء بس طبعا أقدر أفتى فى الموضوع ده بحكم عملي لإن دى معلومات عادية .

إنت حتقرأ المعلومات اللى مكتوبة على كل جهاز فى الخلف و اللى محدش بيهتم يقراها . حيبقى مكتوب فيها قدرة الخرج output و الداخلة ( لو مش مكتوب الداخلة ممكن تحسبها بالأمبير يعنى الأمبير ضرب الجهد يبقى القدرة بالواط مثلا 5 أمبير يبقى 1100 وات ) لأى جهاز و تجمع الأجهزة اللى إنت عايزها ثلاجة على غسالة و طبعا الراوتر و التليفزيون و الكمبيوتر مش بياخدوا كثير .

بعد ما تجمع كل القدرات الداخلة تعمل حساب 20 % لحالة ال start up يعنى في حالتك تشتغل على 8 كيلو وات مش 10 .عادة أى جهاز أو معدة فى حالة التشغيل يستهلك 1.25 مرة

طبعا مفيش شقة أبدا حتشغل أجهزة على 8 كيلو فى وقت واحد فأقدر أقولك إنت كدة فى الأمان و ممكن تجيب تكييف عليهم كمان لو حبيت . بس نصيحة مافيش داعي تدخل الإنارة العادية معاك لإنها مش مستاهلة

المشاركة الأصلية كتبت بواسطة ahmedwagdy03

التطويلة هى اللى بيسموها الغير متخصصين مشترك . بس بسلك و إسمه الحقيقي power extension و كل اللى فى مصر 10 أمبير ضعيف . أفضل حاجة اللى فى الخليج 13 أمبير .

بس أنا مهندس مدني مش كهرباء بس طبعا أقدر أفتى فى الموضوع ده بحكم عملي لإن دى معلومات عادية .

إنت حتقرأ المعلومات اللى مكتوبة على كل جهاز فى الخلف و اللى محدش بيهتم يقراها . حيبقى مكتوب فيها قدرة الخرج output و الداخلة ( لو مش مكتوب الداخلة ممكن تحسبها بالأمبير يعنى الأمبير ضرب الجهد يبقى القدرة بالواط مثلا 5 أمبير يبقى 1100 وات ) لأى جهاز و تجمع الأجهزة اللى إنت عايزها ثلاجة على غسالة و طبعا الراوتر و التليفزيون و الكمبيوتر مش بياخدوا كثير .

بعد ما تجمع كل القدرات الداخلة تعمل حساب 20 % لحالة ال start up يعنى في حالتك تشتغل على 8 كيلو وات مش 10 .عادة أى جهاز أو معدة فى حالة التشغيل يستهلك 1.25 مرة

طبعا مفيش شقة أبدا حتشغل أجهزة على 8 كيلو فى وقت واحد فأقدر أقولك إنت كدة فى الأمان و ممكن تجيب تكييف عليهم كمان لو حبيت . بس نصيحة مافيش داعي تدخل الإنارة العادية معاك لإنها مش مستاهلة

الف شكر على المعلومات القيمة يا باشمهندس بس انت مقلتليش ايه رائيك في الجهاز خصوصا انه هولندي تقفيل مصري

النقطه التانيه اني هحطه جوا الشقه منعا للاتربه والاوساخ ولعب الجيران فيه علاوه على كده هيكون فوقه مروحه تبريد

نقطه تالته واخيرة ازاي احافظ عليه ناس بتقول لي من فترة لفترة اقفله يرتاح وطبعا هيقطع النور عن الشقة انت ايه رائيك؟