الموضوع: تقييم لشراء سيارة لانوس 2015

السلام عليكم يا شباب
انا معايا عربية لادا 2107 تكييف وباور بس مجهدة شوية عن العربيات الجديدة

فقدامى عربية لانوس 2015
عداد 42 الف كيلو
فبريكة جوا وبرا
فرش جلد على الكراسي كويس
فيها خبطة فى الباب الامامي يمين ومردود على البارد
وشوية خرابيش فى الجنب اليمين من رفرف امامى وبابين والعتبة تحت البابين

معروضة عليا بـ 77

وتقريبا عاوزة فرديتين كاويتش
ورخصتها فيها لسه سنة و شهرين

ايه رايكم يا شباب ؟؟؟

اللانوس كعربية: انعم من اللادا
وقطع غيارها متوفرة وفيها اللى تتمناه من عربية عملية وسهلة واريح من اللى مع حضرتك
لكن اللى حضرتك طلبت الرأى فيها محتاجة دهان نظافة و4 كاوتشات وطقم سيرفيس كامل هيكلف حوالى تلات الاف جنيه
يعنى واقفة عليك بحوالى 80 الف غير مصاريف نقل الملكية وخلافه
بالمبلغ ده ممكن تجيب لانوس بكيلوات اقل ومافيهاش شغل بالمرة..يدوب السيرفيس العادى
او تجيب منها زيرو والمبلغ الباقى مش هيضايقك لو قسطته وتاخد خير العربية كله.