سقوط المخالفات 3 سنوات بالتقادم
حتى امس كنت اكتب هذه الجملة بجوجل للبحث عن اى معلومة وانهارده بعد لف كتير فى اكتر من مرور حبيت احط اللى وصلتله عشان لو حد دور غيرى
انا جايب العربية بعقد مسجل من توكيل وفيه مخالفة عدا عليها 3 سنوات وكتير كان بيقول انها بتسقط من السيستم تلقائى فانا ركنت العربية وروحت اسال فى المرور على المخالفة لقيتها لسه موجوده
لقيت ناس كاتبين انها مش بتتشال تلقائى لازم حكم محكمة المرور بس بتتشال لان عدا الوقت القانونى وهو 3 سنوات المهم فى الموضوع لازم يكون الرخصة باسمك او يوجد توكيل بالتعامل مع القضايا والتوكيل العادى لا ينفع او حضور صاحب الرخصة نفسة لعمل المعارضة
ومرور الدراسة تظلمات فقط يعنى تدفع وتقدم طلب تظلم وتمشى كانك دخلت موقع النت والمعارضة فيه للقاهرة فقط وده اللى قاله لى وكيل النيابة بعد مدخلتله
طبعا معلومات مش كتير بس كلفونى شوية عرق كتيييييييييييييير فى الصيام ده فقلت احطهم يمكن تفيد حد
