افضل نوع بوجيهات الكترونى 3 شمعه فى السوق
عرض للطباعة
افضل نوع بوجيهات الكترونى 3 شمعه فى السوق
فيه نوع بوجيهات إسمه بيرو beru فرنسى ودى عن تجربة من أحسن البوجيهات الموجودة فى السوق دلوقتى - باشوف منها موجود كتير ٢ شمعة بس مش عارف اذا كان الـ ٣ شمعة متوفر من الماركة دى ولا لأ ؟ لو لقيته اشتريه على طول
الف شكر ليك يابشمهندس احمد مفيش وكيل له او رقم تليفون مكان مضمون غير التوفيقيه ؟
هى موجودة فى السوق كتير ولسه محدش ضربها فى الصين لغاية دلوقتى إطمن :)
http://www.nilemotors.net/Nile/48586...post3876064830
:post::post::post::bump2:
هناك نوع ماركة بوش الثلاثة شمعة ب100ج بالتوفيفقة شارع زكى توكيل بوش
السلام عليكم ورحمة الله وبركاته انا روحت لتوكيل بوش فى شارع السودان بلمهندسين وموجود عندهم 3 شمعه 116ج بس الغريب ان الالكترونى لازم الصاموله تكون ثابته بمعنى ان الصاموله جزء ثابت من البوجيه الالكترونى سواء 1 او 2 او 3 شمعه لكن اللى فى السوق الصاموله بتتفك عادى واللى موجود ngk الوحيد اللى الكترونى فى السوق بس انا بدور على نوع افضل والف شكر لرد حضرتك ؟
بالمناسبه هل فيه فرق بين واحد شمعه او اثنين في اداء العربيه؟
على حد علمى .. الاتجاه فى العالم اصبح نحو شمعه واحده
ال 3 شمعه .. هى عباره عن 3 اطراف ارضى .. يعنى فى كل شراره طرف واحد فقط بيشتغل من الثلاثه عشوائيا .. يعنى هى شراره واحده فقط فى جميع الاحوال و بتروح لارضى واحد فقط
فى البوجيهات الحديثه .. اداء الشمعه الواحده المفروض يكون افضل .. فى قوه الشراره .. و شكل مغلف الشراره ( بيؤدى الى اشتعال افضل للخليط )
لو عربيه مصممه على 3 شمعه يبقى جيب لها نفس البوجيه المصممه عليه 3 شمعه برضه
https://www.youtube.com/watch?v=53yfHLdn41k
كلام حضرتك مظبوط وبعد إذنك إضافة صغيرة :
البوجية اللى ليه اكتر من طرف فعلاً بيطلع شرارة واحدة مش اتنين او تلاتة ودى ميزتها إن الطرف الاقل فى المقاومة هو اللى بيحصل فيه الشرارة وده بيفيد لو فيه رواسب اتكونت على احد الاطراف فالتانى حايطلع هو الشرارة ومايحصلش ميس فاير(فبيدى عمر أطول للبوجيه) - وكمان ساعات بيكون مكان تركيب البوجيه لو هو طرف واحد وطلع نصيبه لما تربطه يكون الطرف ده متعرض لتدفق البنزين (طبقاً لتصميم الموتور وشكل غرفة الاحتراق ومكان تركيب البوجية) بيحصل ميس فاير كتير وتلاقى الموتور ملخفن وبيسحب بنزين كتير.
العفو ياباشا انت استاذنا
بالنسبة للعربيات الحديثة حسب ماركتها والمكتوب فى الكتالوج - فيه عربيات بتستخدم بوجيهات ايريديوم ارضى واحد او اتنين او ٣ او ٤ ( تلاقى القطب الموجب بتاع البوجيه رفيع جداً) - او بوجيهات ٣ ارضى او ٤ ارضى نحاس عادى ـ ودى بتعيش كتير يعنى اول مرة حاتغير بوجيهات بتبقى فى الغالب من ٥٠ الى ١٠٠ الف كم - ولكن المرجع هو الكتالوج - وبعد كده بتغير على ٥٠ الف كنوع من الضمان علشان تفسى دماغك.
فيه ناس غاويين دعبسة وتحسين للأداء زى حضرتك :) - بتحاول تجرب يمكن يتحسن الاداء - عندك مثال فى العربيات الجيب فيه ناس جربت البوجيهات الايرديوم ( ودى لاغبار عليها ) الدنيا باظت واستهلاك البنزين زاد جدا ورجعوا تانى للبوجيهات العادية النحاس - فيه ناس كمان غيرت لاتنين شمعة نحاس والاداء اتحسن بدرجه بسيطة ولكنه اتحسن .
الله يبارك فيك على التوضيح يبقى انا امشى على الكتالوج زى ماحضرتك قولت والكتالوج عندى بيقول اغير بوجيهات 3 شمعه الكترونى كل 20 الف كيلو وانا ماشى على الكتالوج لانى بعمل كل الصيانه بنفسى اغير زيت وفلتر وبوجيهات سيور وحتى سير الكاتينه والبليه غيرتهم بنفسى والحمدلله بس بحب اخد كل الاراء من اهل الخبره وكتر خيرك ياهندسه وربنا يبارك فيك ؟
عزيزى الاستاذ محمد ... فرصة و مش حفوتها :) ..... حضرتك قلت ان معاك شيرى ؟ الى هى اسبرانزا صح ؟؟؟ و زى ما شفت ... كل مواتير الشيرى واحدة تقريبا ....
بتغير سير الكاتينة ازاى ؟؟؟؟ و بتظبط التقسيمة ازاى ؟؟ انا قريت شوية عن الموضوع ده بس مش مقتنع بيه ....
تقريبا فيه مسمار بيتركب علشان يمسك الكرنك علشان ميلفش ... بتظبط ال 2 عمود الكامة ازاى ؟؟ و ازاى بتظبطهم مع الكرنك ؟
استاز احمد مواتير الشيرى مش زى بعض هشرحلك a11وa15 الاتنين مواتير واحده وهيا فى الاصل مواتير فورد اسكورد 98 زيتك دى اول حاجه 2احنا عندنا كامه واحده مش اتنين وانا فى الاساس ميكانيكى سيارات فى الصغر 12 سنه بهدله المهم عندى خلفيه كويسه وشوفت فيديوهات كتير على اليوتيوب عن تغير سير الكاتينه للشيرى بتاعتى لانها مشهوره جدا فى روسيا والعراق منتشره تاكسى هناك زاكرة كويس وطبقت كل حاجه بظبط لانى فاهم وعندى خلفيه سنين وفوق كل ده جرئ انى افك حاجه حساسه زى الكاتينه كل الموضوع انى ظبط الزمبه فوق والزمبه تحت ورفعة البستم رقم 1 فوق وبسم الله فكيت البليه وشيلت السير وركبت على نفس تقسيمة التروس والبستم فوق وشديت السير وركبت البليه وشديت جامد من غيراى سنه فوق او تحت كله بلملى فى الكاتينه مفيش مجال للخطئ لانه لاقدر الله يضيع الموتور كله علشان كده بلاش تعمل حاجه بنفسك فى الكاتينه خالص لازم ميكانيكى فاهم وانتى عندك 516 اتنين كامه الموتور مختلف نهائى عن الجيل الاول للشيرى 1 كامه بس والزيتك اقوى بكتير من 516 رغم انه واحد كامه وتقريبا الانفى نفس المحرك الزيتك بس 2كامه كل التغير فى وش السلندر فقط ؟نصيحه اوعى تلعب فى الكاتينه ام اتنين كامه لانها صعبه جدا لازم متخصص ويكون عنده مسطره تكتف ال2 كامه العلوى موضوع طويل جدا مش هتقدر عليه وربنا يسترها؟
الله ينور عليك
زى ما حضرتك ذكرت.....الجيل الاول مختلف عن الجيل الى بعده .... انا اتفرجت على مواتير ال a113 و 516 و التيجو .. هو نفس الموتور .... بس فى ال ِايه 113 المانافولد فوق الموتور لضيق حوض الموتور ... انما المواتير الى ذكرتها 2 كامة و زى بعض بالظبط ... الفرق فى الحجم فقط
انا كنت بسأل حضرتك على المسطرة الى بتمسك ال 2 كامة دى !!!! و ان شاء الله نقدر نعمل الموضوع ده