المشاركة الأصلية كتبت بواسطة salam100100
اختيار عربيه فى الوقت الحالى من اصعب القرارات فى الشراء, وبصراحه مش العربيات بس دا كل حاجه حتى تروح مصييف مش عراف تروح :)
حضرتك عايز "تكون اوتوماتيك و ثباتها عالي و قطع غيارها متوفره و رخيصه و بها كماليات معقوله و قليلة الاعطال"
توافر كل الطلبات دى فى عربيه واحده صعب جدا انا اسف- ثبات عالى يعنى المانى فبالتالى هتضرب عندك فسعر العربيه الاساسى وقطع الغيار
قطع غيارها متوفره يعنى كورى فهتضرب عندك فالثبات
قليله الاعطال يعنى يبانى فهتضرب عندك فقطع الغيار
المهم انا قليل قوى لما سمعت عن اجماع على عربيه بعينها يمكن كمان عمرى مسمعت على اجماع على عربيه
لازم تسمع عن عيوب ان كانت فالتقفيل- اتزان- فرامل- فتيس- خامات- مراكز صيانه- اسعار قطع غيار- اعاده بيع- كماليات- امان- عفشه- ..................الخ
انا هتكلم عن ما سمعته (حضرتك) على فتيس السينترا: حضرتك سمعت انه نفس فتيس الجوك وان فتيس الجوك فيه مشاكل
انا هذود ان فتيس السينترا هو هو فتيس الرينو فلوينس
فبالتالى الفلوينس ابعد عنها (دا المنطق بيقول كدا بناء على الكلام اللى حضرتك سمعته)
حضرتك هتسمع كلام من كل حته ان كان هنا على المنتدى او صفحات الفيس بوك او حتى لما هتروح مراكز الصيانه على عيوب فكل العربيات
دورك انك تحدد اين الحقيقه؟؟؟؟ توزن العيوب اللى تقدر تقول عنها انها اكيده وخد قرار الشراء عن اقتناع- واسال ملاك العربيه على الطبيعه متكتفيش بالنت
وتاكد انك اول مهتجيب العربيه الناس هتباركلك وهتقلك مكنت تزود وتجيب كذا او مكنت وفرت وجبت كذا ووقتها هتحس انك بتغلى من جوه
معلش انا مبقوق من السوق المصرى والاشاعات والطريقه اللى بنتعامل بيها مع بعض استحملنى :)
بالمناسبه انا معايا الصنى الشكل الجديد اللى هو فيه مشاكل فالفرامل وان الصاج ورق وانه زباله التجميع المصرى والاتزان فالضياع لكن مع كل اللى بيتقال انا مقتنع بيها جدا جدا
ولو هغير هجيب السينترا عشان انا بشجع المنتج المصرى حتى لو مش 100100 وبحب النيسان