لو ممكن حد يعرفني اية صوبع الميزان في العربية افيو واهميتة واعرف انة مش كويس ازاي ارجوكم الرد
عرض للطباعة
لو ممكن حد يعرفني اية صوبع الميزان في العربية افيو واهميتة واعرف انة مش كويس ازاي ارجوكم الرد
متابع
صوابع الميزان عبارة عن مسمارين طوال وفيهم حتيتين
كاوتش ودول تبع العفشة
الأول لازم تعرف إيه لازمة الميزان وبعدين نقوللك إيه هما الصوابع...
الميزان (ساعات بيسموه استابليزر) هو عمود على شكل حرف U.. بيبقى ممسوك من النص في القنطرة وأطرافه كل واحد مربوط في عجلة...
مهمة الميزان هو تقليل ميل العربية في الملفات علشان ما تقلبش بسهولة... والعمود هنا بيبقى عامل زي سوستة بتمسك العجلتين في الشاسية.
صوابع الميزان هما الحتتين اللي لونهم أخضر في الصورة دي:
https://qph.ec.quoracdn.net/main-qim...t_to_webp=true
ودول يعتبروا مكملين للاستابليزر (الميزان) نفسه... لإنهم بيمسكوه في المقصات .. بالذات لو كان المكان مزنوق .. ده غير إنه بيسهل تصنيع الميزان نفسه.
لو الصوابع دي بايظة.. حتلاقي العربية بتعمل حركات ميل مفاجئ في الملفات القوية بالذات.
...
دول من المستهلكات عادة في عفشة اي عربية
سعرهم في حدود 180-200 جنيه
تغيرهم مش بياخد 10 دقائق عند بتاع العفشة
لما بيبوظوا بتسمع صوت دبدبه في الارض المكسرة
مفيهومش خطورة بس برده مينفعش تسيبهم
بيتعرف انهم باظوا انك بتلاقي خبط ودبدبه في الارض المكسرة وبتاع العفشه بيفكهم ويشوفهم لان لازم الصباع يكون ماسك كويس في الجلبه ومبيتحركش
لو بيتحرك جوا الجلبه بتاعته يبقى عاوز يتغير
موضوع بسيط خالص ومفيهوش مشكلة
لان ده بيتغير باستمرار
متقلقش