محتار بين الكارينز والكرولا والفلونس والفيكترا والباسات والسيراتو

**Omar Amin** · 26-06-2016 10:15 PM

الاساتذة والخبراء المحترمين
كل عام والجميع بخير

دلوقتي الحمد لله بعت عربيتي القديمة وحاليا في معايا في حدود 150 الف وبفكر أشتري حاجة توفرلي الاتي

اولا : شغلي بيعتمد اعتماد أساسي على الوجاهة يعني مثلا لو اطول اركب bmw 750i مش هتأخر بس الأمكانيات محدودة والحمد لله

ثانيا : عربيتي القديمة a620 سبرانز ودي كان فيها مزايا لا تحصى بس مشكلتها انها كانت سبرانز ولكن عودتني على مساحة كبيرة جدا واوبشنز محترمة زي فتحة السقف والمرايات والكراسي الكهربا وكده فعايز احافظ على نفس المزايا

ثالثا : قطع الغيار في العربية القديمة كانت رخيصة جدا جدا ولكنها كانت بتبوظ بسرعة بسبب المستوردين المحترمين اللى في مصر بيجيبولنا أسواء حاجة فعايز العربية اللى اشتريها برده مزعلش بسببها في أسعار قطع الغيار

رابعا : إعادة البيع علشان لو لا قدر الله زهقت منها اعرف اتصرف فيها

الماركات المقترحة
كارينز - كورولا - سيراتو - هوندا سيفيك - اوبل فيكترا - فلوانس - باسات

الميزانية : 150 الف جنيه

أسف على الإطالة ومنتظر رأي الخبراء وياريت لو تكون الأراء عن تجربة

**Mohamed Desoky** · 26-06-2016 10:57 PM

السلام عليكم ورحمة الله وبركاته ياريت تستبعد الرينو من المقارنه ؟علشان الرينو متعب جدا جدا فى كل شئ وهل حضرتك بدور على مستعمل فى حدود 150 الف المهم الترتيب للفخامه والشكل العام 1باسات 2 هوندا 3 تويوتا يس موضوع السعر ده صعب على الباسات لانها المانى واعلى سياره فى المجموعه كلها وانا افضلها لك ؟

**Omar Amin** · 26-06-2016 11:37 PM

أستاذنا محمد الدسوقي

اشكرك جزيل الشكر على ردك القيم

بالنسبة للميزانية فعلا انا علشان اشتري حاجة تنفع الشغل من حيث الفخامة فلازم اشتري مستعمل لاني لو جبت بالقيمة دي جديد مش هتكون حاجة عالية اوي خصوصا اني مش بحب التقسيط

بالنسبة للباسات طبعا هي غالية بس في حاجات في حدود 150 الف موديل 2008 بس خايف منها جدا في اسعار قطع الغيار

والهوندا سيفيك ضيقة في الكنبة جدا وانا عايزها عائلية

محتار جدا والله خصوصا اني محتاج اخد قرار سريع جدا ومش عايز اتورط في حاجة تتعبني بعد كده

**Mohamed Desoky** · 26-06-2016 11:46 PM

اقولك راى اشترى تيجو بضمان غبور ويبقى اسمك راكب زيرو وفخمه واوتوماتيك ومناسبه للطرق المصريه وسعر البيع التيجو مش بتخصر خالص عكس كل الصينى ؟ وسيبك من كلمة دى صينى روح معرض غبور واركبها هتغير رايك فى الصينى خالص ؟وخد بالك اى عربيه مهما كانت لازم هتبيعها فى يوم يبقى ب 150 اشترى زيرو 5 سنين تريح دماغك من الصيانه والاعطال وبعدها بيع وهات زيرو هيا الحياه كده مهما طالت ليها اخر ؟

**م/أحمد عبد الفتاح** · 27-06-2016 12:20 AM

طبقاً للمتطلبات بتاعتك بالترتيب :
الكورولا
الهوندا
السيراتو
الفلوانس

**Omar Amin** · 27-06-2016 03:31 AM

المشاركة الأصلية كتبت بواسطة م/أحمد عبد الفتاح

طبقاً للمتطلبات بتاعتك بالترتيب :
الكورولا
الهوندا
السيراتو
الفلوانس

بشمهندس أحمد كل سنة وحضرتك طيب تسلم على ردك الرائع

سؤالي بس بالنسبة للكرولا هل حجمها من الداخل واسع لاني انا كنت راكب سفينة اسمها a620

وهل فعلا زي ما سمعت انها عربية لا خلاف عليها من حيث الاساسيات واعادة البيع ولكنها فقيرة في الاوبشنز والكماليات ؟؟؟

**Colin Chapman** · 27-06-2016 04:25 AM

الفلوانس سامسونج عربية حلوة

**Omar Amin** · 27-06-2016 04:28 AM

المشاركة الأصلية كتبت بواسطة colin chapman

الفلوانس سامسونج عربية حلوة

:y_hi_3[1]:

باشا :)

عجباني جدا الفلوانس بس متخوف منها بسبب اللى حصل مع الناس في الميجان
انا اعرف ناس انتحرت بسبب الميجان

وكمان خايف من الفلوانس برده ان مش أي حد يعرف يبيع قطع غيارها وأكيد سعر قطع الغيار غالية وكمان مش أي حد بيشتغل فيها

بس هي عجباني علشان فخامة وفرنساوي بس متخوف من الحاجات دي

ياريت تفيدنا يا باشا

**م/أحمد عبد الفتاح** · 28-06-2016 12:12 AM

المشاركة الأصلية كتبت بواسطة omar amin

بشمهندس أحمد كل سنة وحضرتك طيب تسلم على ردك الرائع

سؤالي بس بالنسبة للكرولا هل حجمها من الداخل واسع لاني انا كنت راكب سفينة اسمها a620

وهل فعلا زي ما سمعت انها عربية لا خلاف عليها من حيث الاساسيات واعادة البيع ولكنها فقيرة في الاوبشنز والكماليات ؟؟؟

كل عام وحضرتك طيب وبخير
بالنسبة للعربيات إللى أنا رشحتها لحضرتك هى مناسبة لمتطلباتك + إنها من العربيات الصامته فى السوق يعنى مابنسمعش عنها مشاكل زى اللى بيحصل فى جميع العربيات الحديثة بقالنا كذا سنة على الوضع ده - التويوتا والهوندا اكتر عربيتين مابنسمعش عنهم أى مشاكل يليها السيراتو بمشاكل قليلة جداً - سعر إعادة البيع للكورولا والسيراتو ممتاز - الوسع بتاع الكورولا لاغبار عليه - أوبشنات الكورولا حسب فئتها لأن الكورولا بتنزل مصر بكذا فئة (أكتر من ٥ فئات ) عندك فئات من أول تكييف وباور بس لغاية فئة فيها كل حاجه حتى نظام الركن بتركن مع نفسها وانت سايب ايدك . السعر هو اللى حايحدد الفئة اللى إنت حاتشتريها حسب الامكانيات المتاحة - وفى كل الاحوال التويوتا تويوتا ـ وانصحك تروح تتفرج عليها وتشوف الوسع بتاعها بنفسك هل مناسب معاك - وبالتوفيق إن شاء الله