قرفت من التكييف وماشى من غيره

**fathiazab** · 27-06-2016 07:35 PM

إخوتي الأعزاء كل عام وانتم بخير كريم
التكييف عندي فضى شحن .. عملت صيانة للكمبروسر 300 جنيه وشحن ١٨٠ جنيه وبقى هايل وفرحت مدة ١٠ ايام وسرب الشحن رحت للراجل تاني لمدة اربع ايام كل يوم ساعتين يختبر الوصلات ويملاها هوا وتاني يوم يبقى صفر ومعرفش التسريب منين زهقت وماشى من غيره في الجو الملتهب ده افيدوني العربية لانوس وان 99
آسف على الاطالة

**عﻻء سالمان** · 27-06-2016 10:29 PM

انتا رحت لواحد خيبان .. فى مكان لناس محترمة بجسر السويس أول يمين قبل سوق القنال والمزلقان مهندسين محترمين واخدين جراج كامل وشغالين شغل ممتاز بعدد نضيفة وخبرات محترمة وقطع الغيار عندهم كمان..تكييف اﻻنسر اتعطل عندى ورحت التوكيل مرتين ناس فااااشلة لحد ما فاعل خير دلنى عليهم ظبطولى الدنيا بسعر مكنتش احلم بية مدير المكان اسمة المهندس ايمن

**makarther** · 28-06-2016 02:30 AM

السلام عليكم لو ممكن تليفونهم
و شكراً

**msa142** · 29-06-2016 04:24 PM

سيادتك قبل ماتغير الحاجات دى كلها بصيت على ابر البلوف سليمه ؟

**jojowork1** · 29-06-2016 10:01 PM

اكتر اماكن بتسرب في التكيف خاصه لما تكشف علي كل اللي واضح قدامك مش بتلاقي تسريب بيبقي الشفت سيل بتاع الكمبريسور نفسه وده ممكن يتغير بس عاوز حرفنه شويه

**mbx4e** · 09-07-2016 06:33 AM

الفيصل بالنسبة لحضرتك لمعرفة مكان التسريب وقطع دابر الشك والحيرة باليقين
1:تغيير الابر (بلوف الخدمة) وبلف حساس البرشر اجراء وقائي قبل الشحن
2:شحن فريون بالصبغة الفسفورية
3:كشف على التسريب بكشاف خاص بالاشعه فوق البنفسجية ونظارة خاصه بالكشاف على اجزاء حوض الموتور طبعا ماينفعش يبقى فيه شحم وزيت على الاجزاء دي عشان الرؤية تبقى واضحه ويتحدد مكان التسريب بشكل دقيق
ماطلعش منها هايبقى من التلاجه وهنا لازم تحل التابلوه وهتلاقى التسريب متلون بالصبغه وهتبان بالكشاف ونظارة الكشف