ياريت لو حد جرب زيت Mobil 1 peak life 5w50

**oehabo** · 27-06-2016 09:12 PM

بعد اذن الشباب ياريت لو حد جرب الزيت ده يقولنا على انطباعه عنه وياريت معلومات عنه
من حيث بيقعد كام الف وسعره والاماكن اللي اشتريها منه
وشكرا

**borio1704** · 29-06-2016 01:02 PM

اختيار الزيت يا فندم مش بالتجارب... اختيار الزيت الصح بيبقى حسب طلبات كتالوج العربية اللي جاي معاها.

أي زيت ممكن يبقى حلو قوي مع موتور معين... ومع موتور تاني يبقى وحش ويعمل مشاكل.

التجارب تبقى ليها معنى لو عندك كذا زيت مناسبين للموتور (حسب الكتالوج) وزي بعض من ناحية المواصفات .. إنما التجارب كده بدون مرجع فيها مخاطرة على موتورك.

هي العربية نوعها إيه؟

عموما.. أنصحك تعدي على الموضوع ده لمزيد من التوضيح:

http://www.nilemotors.net/Nile/341680-a.html

...

**borio1704** · 30-06-2016 04:24 AM

المشاركة الأصلية كتبت بواسطة oehabo

أشكرك جدا على ردك .... انا بالفعل اختارت الزيت ده من خلال الكتالوج للسيارة عندي ...فأنا كنت بسأل عن جودة الزيت واشتغل عليه لحد كام كيلو وسعره واماكن شراه خصوصا ان المكنة عندي عاملة ٢٣٠ الف كيلو

جودة الزيت بتتحدد من الأكواد اللي عليه.. زي كود الapi وكود الacea وكود الilsac.. ده غير أكواد مواصفات الشركات صانعة السيارات اللي بتطلب إن الزيت يكون مطابق ليها..

لو كتالوج العربية عند حضرتك طالب أكواد معينة يبقى الزيت ﻻزم يكون عليه نفس الأكواد دي إن ما كانش أحسن.

فياريت تقولنا إيه الأكواد أو المواصفات المطلوبة في الكتالوج علشان نقدر نساعدك أكتر.

بالنسبة لمدة تشغيل الزيت... فالمرجع الأساسي بردو هو الكتالوج... هو اللي بيحدد مسافة/مدة الخدمة

ومع ذلك.. فالزيت ده تخليقي من أساس معدني.. وعمره لا يزيد عن 10-12 ألف كيلومتر أو 6 أشهر.. أيهما أسبق...

مع الأخذ في الاعتبار إن أسلوب السواقة (وخصوصا السواقة الشاقة على الزيت) بتقلل من مسافة/مدة الخدمة.

على فكرة... الزيت ده مناسب جدا للسيارات اللي ماشية مسافات طويلة زي عربية حضرتك... ده اللي كاتبينه في صفحة الزيت ده على النت.

بالنسبة لأماكن شراه... فأعتقد إنه موجود بسهولة في محطات بنزين موبيل الكبيرة أو الموجودة في المناطق الراقية نسبيا...

للأسف مش هقدر أفيدك بالسعر ﻹني مش مقيم في مصر حاليا.

...

**tameem2010** · 22-07-2016 10:18 PM

انا شغال على طول بيه
زيت كويس جدا ومحستش فيه باي مشكلة
يمكن صوت الموتور في الدوارة على البارد بيعلى شوية بعد 8000 كم بس بمجرد ما اللعربية تاخد حرارتها بيبقى طبيعي
في القرص والار بي ام العالي اللى هو 5000 لفة في الدقيقه بيبقى فيه نعرة شوية وده برده طبيعي
عمره ما نقص معايا نقطة
انا بغيره كل 10 :11 الف كم
في الاجمالي انا مرتاح له وشغال بيه بقالي 3 سنين مفيش اي مشكلة معايا

اي بنزينه اون ذا ران هتلاقيه فيها
هات طبعا لزوجة 5-50