استلام شيرى انفى و حادثة بسيطة

ازيكم عاملين اية

انا استلمت شيرى انفى 2017 يوم امس 26-6
و انا عندى خلفية عن السواقة و سقتها طبعا بعد مستلمتها
و سقتها يوم الاثنين قبل الفطار طوال الوقت
و بعد افطار نزلت بالاولاد الف كده فى منطقتى العربية اتحكت جامد من الجانب الشمال و الفيبر تحت فانوس الشبورة اطبق لجوة زى نقرة كده
عدلتة فى ساعتها
و منهم لله التكاتك

بس انا مبسوط من حاجة ان ظروفى متسمحشى انى ادبح مثلا فقلت اهى حاجة خدت العين و الحمد لله انها جت لحد كده

و انا رايح اجيب السيارة الشيرى كنت راكب مع صديق عربية جيلى

من الاخر كدة
انصحكم بشراء شيرى انفى و هى لسة بسعرها ده لانها احسن من الجيلى
شكلها تحفة و جامد بالذات اللون الفيرانى الغامق

سؤال : هل هياثر الحكة الى فى الرفرف عند الفحص

و شكرا

انتى زعلتنى جدا بس هنعمل ايه فى الزفت التوك توك كارثة مصر الاولى والفوضى اللى احنا عايشين فيها لله الامر من قبل ومن بعد الحمد لله على كل شئ ؟فى الترخيص مش مهم لان مهندس الفحص اهم حاجه ورق الزيرو ومش هيبص وله هياخد باله لانها قدامه زيرو مفيش مشاكل انشاء الله ؟

حاول تفييم زجاج العربية قبل ماترخص وتسال الرراجل اللى اشتريت منه لو الموضوع ده ينفع يضيف الحاجات دى قبل االترخيص ولا لا

اخيرا تم الشراء
ربنا يباركلك فيها يا باشا
ومعلش لازم فالاول كده حاجات بسيطة وتعدي

الف مبروك
وربنا يديلك خيرها ويكفيك شرها ويحافظلك عليها

ياريت تقولنا اخبار العربيه معاك

وفى واحد من أصحاب العربيه اشتكى من أنها بتسخن مع ارتفاع درجات الحرارة .

ممكن ملاك العربيه يأكدوا او ينفوا هذا الكلام.
وشكرا

اقتباس:

---

المشاركة الأصلية كتبت بواسطة loma07

وفى واحد من أصحاب العربيه اشتكى من أنها بتسخن مع ارتفاع درجات الحرارة .

ممكن ملاك العربيه يأكدوا او ينفوا هذا الكلام.
وشكرا

---

أولا انته جى تتكلم على لسان واحد احنا منعرفوش

ثانيا انا صاحب العربية و فى الموضوع انا بتكلم عن عربيتى و بقولك كلمة واحدة

مش هتلاقى احسن من الانفى فى الصينى او المحلى و مش هتندم
العربية مش بتسخن و مش هتحرجك لو حبيت تجرى على الطريق

امبارح كنا فى اسكندرية بيها ساعة و نص رايح و زيهم راجع

عربية بجد تستحق اكتر من ثمنها

توكل على الله و اشتريها و سيبك من كسر الزيرو و الكلام الى بيتقال عند الشراء هاتها زيرو و اخلص

التوكيل محترم جدا و فى الصيانة معاملة و تظبيط العربية زى الفل
و كمان عربيتى بعد صيانة 1000 كيلو الى انا عملتها اساسا و انا 800 كيلو
خرجت العربية من التوكيل زى الفل و احسن

اعتمد عليها عربية تمام