حوار مع واحد بنجلاديشي

**Dr.A.Nabil** · 30-11-2008 01:38 AM

بالرغم من انه كان يوم ممل وحركة البيع منخفضه في الصيدليه
وقاعدين مستنيين الرزق
دخل لي واحد من ذوي الوجه الاسيوي
بشوش... وبيضحك
ودار الحوار كالاتي:
هو:من فضلك عايز دوا (,,,,,,,,,,,,,,,,) قائلا اسم الدوا
انا:اتفضل... انما حضرتك منين؟
هو: انا من بنجلاديش
انا:سياحه؟؟(بكل سذاجه)
هو:سياحه؟ كلا... ادرس في الازهر
انا:ما رأيك في مصر؟ هل اعجبتك؟
هو: نهائيا... اعد الايام المتبقيه كي اغادر منها
(كتمت غيظي وحاولت ان احافظ على هدوئي واظهر بمطهر الصيدلي الرزين)
فسألته: ما الذي لا يعجبك في مصر
-هو: هواءكم ملوث جدا... كما يؤسفني ان اقول ان مستوى الاخلاق منحدر جدا... لقد شاهدت في الميني باص خناقه بين رجل وامرأه وريتها وهي تخلع حذاؤها وتضرب بها الرجل ... لم اشاهد مثل هذا من قبل
-انا مستغربا: وماذا في ذلك؟؟؟ ايه مفيش خناقات عندكم؟
هو: وايضا ذهبت لأشتري برتقالا فباعه الرجل لي ب 20 ج للكيلو
قلتله: وايه يعني؟ مفيش عندكم حراميه
-قال لي: أردت انا اشتري هدايا تذكاريه لأهلي فذهبت الى الحسين وخان الخليلي ويا ليتني ما ذهبت...
كما ان الاطفال الصغار عندكم عندما يرونني يجرون ورائي ويشدون جلبابي..
-قلتله ضاحكا: عيال صغيره وبتضحك معاك ماتزعلش اوي كده !!!
نظر لي نظره غريبه عندما احس انه يتكلم مع واحد من نفس العينه (مصري يعني) ... ونظر في تمن علبة الدواء واعطاني النقود وهو متغاظ لأني لم اجد سببا لكرهه لمصر وان كل حاجه تمام وان هو اللي من كوكب تاني واحنا ناس مصريين
مصريين اوي

عجيب اوي الراجل ده !!!

**PRO-DRIVE** · 30-11-2008 01:50 AM

دا حال كل الزائرين لمصر حتي من نفس المصريين القادمين من الخارج

انا بسبب لهجتي في الاول كنت بشوف بعيني كل الحاجات دي و اكتر من كدا

اكتر صفه بكرهها في اغلب فئه من المصريين انهم فاكرين نفسهم اذكي من كل خلق الله

**Abdo_Eldesokey** · 30-11-2008 01:55 AM

يا باشا ده إذا كان إحنا كمصريين بنعد الأيام لحد ما ربنا يتوب علينا ونقدر نخلع من البلد دي

فما بالك بالراجل الطيب ده الي قدره رماه في البلد دي عشان يتعلم !!

**fiatto** · 30-11-2008 02:47 AM

المشاركة الأصلية كتبت بواسطة ahmodium

عجيب اوي الراجل ده !!!

عجيب فى ايه دى ردود حضرتك عليه هى اللى عجيبة !! كأنك مش مصرى

**fiatto** · 30-11-2008 02:57 AM

المشاركة الأصلية كتبت بواسطة Abdo_Eldesokey

يا باشا ده إذا كان إحنا كمصريين بنعد الأيام لحد ما ربنا يتوب علينا ونقدر نخلع من البلد دي

فما بالك بالراجل الطيب ده الي قدره رماه في البلد دي عشان يتعلم !!

تمام كده , الواحد قرف من صنف شعبنا اللى معظمه مسح الاخلاق والدين من قاموسه وحط مكانهم الفهلوة والنطاعة والسلبية

**Mido80** · 30-11-2008 07:02 AM

المشكلة مش في مصر يا جماعة، مصر بلد ذكرت في القران وحباها الله بنعم جميلة وجو جميل جدا بس للاسف البشر هما اللي افسدوا هذة النعم...انا عايش برة مصر بقال اكتر من 4 سنين بس بردوا بحس بشوق كبير لمصر بالرغم من كل المشاكل اللي بتعرض ليها لما بانزل اجازة..بس هاقول اية بلدي،،،،

وكما قال الشاعر
نعيب زماننا والعيب فينا...وما لزماننا عيب سوانا

**waled369** · 30-11-2008 09:06 AM

أهوه ده اللي ناقصنا كمان البنجلاديش مش عاجبهم مصر

تعالوا شوفوهم في الخليج عاملين ازاي قمة الكذب و النصب و محترفي سرقة .

أما عن النظافة الشخصية فحدث و لا حرج .......

**ehabradwan** · 30-11-2008 09:13 AM

حتى بتاع بنجلادش
اومال لو كان اوروبي ولا امريكاني كان هيقول ايه
دول 140 مليون عايشين في بلد صغيرة جدا وعندهم امراض الدنيا !!!
يالا احنا بقينا ملقف خلاص باين علينا

**Dr.A.Nabil** · 30-11-2008 05:58 PM

المشاركة الأصلية كتبت بواسطة fiatto

عجيب فى ايه دى ردود حضرتك عليه هى اللى عجيبة !! كأنك مش مصرى

الغرض منه الموضوع ان حتى الاخ اللي جاي من بنجلاديش شايف ان مصر وسلوكيات المصريين في الهبوط..

**pro_samir** · 30-11-2008 07:12 PM

هههههههههه
الصراحة هلكتنى من الضحك بردودك علية

أينعم الراجل عندة حق فى كل حاجة ويمكن ربنا كرمة ان جت على قد كدة .. لكن ردودك كانت مليانة وطنية كأنك عايز تقولة مبقاش الا بنجلاديش كمان مش عاجبة مصر

الموضوع: حوار مع واحد بنجلاديشي

LinkBack

أدوات الموضوع

عرض

حوار مع واحد بنجلاديشي - انشر الموضوع فى :

-

-

-

-

-

-

المواضيع المتشابهه

حوار جديد كده عرضو عليا واحد صحبى

لكل الاطباء طظ فيكو واحد واحد

حوار مهم جدا

بلال فضل : أنت حوار يا حوار ( للناس اللى عامله نفسها بتفهم فى كل حاجه )

حوار غريب اوي !

الكلمات الدلالية لهذا الموضوع

المفضلات

المفضلات

ضوابط المشاركة