بالنسبة لانك تركب كلتش ولا لأ - الحكم هنا طلمبة الميه هل بتبوظ كتير ولا شغالة تمام معاك ومابتجبش ميه من الحشو - لو الموضوع متظبط معاك والعربية ماشية كويس ومش بتسخن والطلمبة بتعيش معاك كتير يبقى سيبها زى ماهى
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
اسئلتك حلوة جدا ومحتاجه دماغ جامدة فى العربيات علشان توصل انك تسأل الاسئلة دى .
اول حاجه موضوع البلف اللى فى مسطرة البنزين :
ببساطة البلف ده بيطلق عليه شرادر فالف وده عامل زى بلف العجل بالظبط بس مصمم للتعامل مع السوائل وليس الهواء - وده وظايفه انك ممكن تاخد منه الهوا بتاع خط البنزين بانك تضغط على الابرة وكمان انك تقيس ضغط طلمبة البنزين علشان تعرف اذا كانت شغالة ولابايظة - السن بتاعه ده موضوع كبير قوى وبيطلق على السن ده an وهو بيستخدم فى السفن والطائرات الحربية بكثرة علشان كده اسمه الكامل army navy يعنى باختصار an ومقاسه مختلف من ماركة لماركة وان كان فى عربيات كتير بيبقى مقاسه 4an وده ترجمته 20-7/16 وفى بعض العربيات بيبقى 24-5/16 وبعض العربيات اكبر من ال 7/16 - موضوع ان بلف خرطوم شحن الفريون ينفع عليه ولا لا مجربتش بصراحة وان كان السن بتاع بلف الفريون بيسموه acme تقريبا بس انه يركب عليه ولا لأ مش عارف .
بالنسبة لكلتش المروحة فده بيبقى جواه سائل سليكونى وساعات كمان حاجه عاملة زى ثرموستات حرارى ( بفكرة ثرموستات المكوة ) ووظيفة الكلتش انه بيشغل المروحة لما يكون الموتور سخن بدرجه معينة او لما بيكون سرعة الموتور واطية وبيفصل لما سرعة الموتور بتزيد (حسب التصميم بتاعه ) ويخلى المروحة تلف عالفاضى بتأثير تيار الهوا الناتج من سرعة العربية وهى ماشية على طريق سفر مثلا - المهم الخلاصة انه بيقلل التحميل على الموتور علشان مايتعبش - اللى بيحصل عندك طالما انه المروحه ملحومة عالطلمبة يبقى المروحة شغالة على طول ومش بتفصل فده بيزود الحمل على الموتور ويزود استهلاك البنزين
amadios سابقا
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
بالنسبة لانك تركب كلتش ولا لأ - الحكم هنا طلمبة الميه هل بتبوظ كتير ولا شغالة تمام معاك ومابتجبش ميه من الحشو - لو الموضوع متظبط معاك والعربية ماشية كويس ومش بتسخن والطلمبة بتعيش معاك كتير يبقى سيبها زى ماهى
amadios سابقا
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
الله ينور عليك .... و ادينا بندور و بنحاول نتعلم
معلومات جديدة و جميلة ... ربنا يباركلك .... ان شاء الله انا حجرب مقاس بلف ال an على بعض العربيات
موضوع قياس ضغط طرمبة البنزين مهم جدا ... علشان اغلب الميكانيكية بيحبوا يجربوا ... انا كنت عملت عداد راكب على تى ربع بوصة .. بس ده محتاج تفك الخرطوم الى داخل للمسطرة ..
معنى كلام حضرتك ان ال كلتش بيفصل و يعشق المروحة حسب درجة حرارة الموتور ... طيب لما الكلتش بيعشق .... بيخلى المروحة تدور بنفس سرعة الموتور و لا ازيد من سرعة الموتور ؟؟ انا كنت سمعت ان فيه كلاتشات فيها سرعتين !!!! ايه مدى صحة الكلام ده ؟!!
هل ممكن اركب اى كلاتش طالما ابعاده مناسبة ؟
طرمبة الميه كويسة حتى الان ... بس انا عاوز اركب الكلاتش و اجربه :)
السؤال الاهم ... شفت فيديوهات على تغيير موضوع الكلاتش ده خالص و استبداله بمروحة تبريد كهرباء ... ايه رأى حضرتك فى الموضوع ده ؟
معلش انا بتقل عليك بس الواحد بيحب يتعلم :)
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
هى عموما ادابترات ال an بتتباع برة مصر عادى وبكل المقاسات بس بالنسبة للادابتر بتاع البنزين لازم يكون فيه ابرة علشان تفتح بلف الشرادر - وفعلا الناس هنا كلها بتفتى ولاعندهم اجهزة محترمة ولا الهوا المهم يبقى عنده سكانر ويطخ مع ان السكانر مش بيصلح او مس بيوصف العطل وسببة هو بس زى العداد بيقولك فيه مشكلة هنا ولازم انت تبحث فى المشكلة دى ببعض الاجهزة الاخرى زى مثلا جهاز قياس ضغط طلمبة البنزين وعلى سبيل المثال انت ممكن تعرف بنسبة كبيرة العطل فين قبل ماتدور العربية لو فتحت الكونتاكت بس ولقيت الضغط رفع وبعدين ابتدى ينزل بسرعة يبقى طلمبة بنزين ولو رفع ونزل بالراحة يبقى رشاش .
بالنسبة للكلتش بتاع المروحة فيه نوع فيه سائل سليكون بس وده بيفصل لما سرعة الموتور تعلى- وفيه نوع فيه بالاضافة لسائل السيليكون ثرموستات زى بتاع المكوة لما الموتور يسخن يشغل المروحة حسب سخونة الموتور - ولما بيكون الكلتش معشق المروحة تماما بتبقى سرعة المروحة زى سرعة طلمبة المية بالظبط - وفيه كلاتشات متغيرة السرعة ودى بيبقى فيها سينسور رايح منه معلومة درجة الحرارة بتاعة الموتور للكمبيوتر بتاع العربية وبعدين الكمبيوتر يدى اشارة للكلتش يلفف المروحة بالسرعة المناسبة للحرارة دى - بس الغالب هو النوع الاول والتانى - موضوع المروحة الكهربا دة بتتركب اضافة للمروحة الميكانيكية لان المروحة الميكانيكية لاغنى عنها فى العربيات الدفع الرباعى والعربيات اللى مواتيرها كبيرة وبالطول
amadios سابقا
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
موضوع انك تركب اى كلاتش فده مش عارف جدواه بس اللى اقدر افيدك بيه ان العربيات التويوتا الدفع الرباعى الكلاتش بتاعها من النوع اللى ممكن يتفك وتغير السائل السيليكونى بتاعه وهو المفرووض يكون سيليكون ٣٠٠٠ او ٤٠٠٠ وفيه ناس بره بتغيره لسيليكون ٦٠٠٠ و ٧٠٠٠ والنتيجه احسن من ال ٣٠٠٠ - بس طبعا الموضوع ده اعتقد مش موجود فى مصر - حاول تجرب بتاع التويوتا يمكن ينفع معاك بس اعتقد انك لازم تغير المروحة علشان الثقوب بتاعة مسامير تثبيت المروحة فى الكلتش اكيد مش حاتنفع معاك
amadios سابقا
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
نسيت اجاوبك على سؤال ان فيه كلاتش بسرعتين - اعتقد الكلام ده موجود فى المراوح الكهربا اللى بيبقى فيها سرعتين
amadios سابقا
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
فكرة جيدة جدا .... بس المشكلة حتكون كمان فى طنبورة طرمبة المياه ... الى حيركب فيها فلانشة الكلاتش :(
بكرة ان شاء الله حنزل التوفيقية ... و ان شاء الله اعتر فى حد بيبيع حاجة تويوتا و يكون محترم علشان يدلنى ... و لو توافر فى الناحيتين .... السعر هو لى حيحدد
تصدق حضرتك ان فى الغالب ... قطع الغيار الامريكية ... اقل فى السعر من اليابانية ؟؟!!!! الاصلى
الشيفروليه اقل من التويوتا ؟؟!!!
انا فكيت الكلاتش و المروحة و حاخدهم معايا بكرة ان شاء الله
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
ياااااه واحشنى المنتدى و وحشانى الناس المحترمة الجميلة ... المهندس احمد عبد الفتاح و المهندس احمد البرعى و المهندس تاستكا .. و استاذنا كولن
استكمالا للموضوع الى فتحته من فترة ....
تم تركيب كلتش جديد و فك و تنظيف طرمبة المياه من الداخل .. و وجدت فى حالة جيدة جدا على غير المتوقع ... كلاتش التويوتا طلع غالى .. و ريشته بلاستيك
المفضلات