الموضوع: مشكله غريبه في العربيه ارجو الافاده

إخوتي الأعزاء كل عام وانتم بخير
العربيه لانوس 1 موديل 2000 مغير الرشاشات من فتره برشاشات هيونداي النترا 1500 والعربيه كانت تمام معايا بس اكتشفت مشكله غريبه ومش عارفلها سبب
المشكله ابتدت اني وانا علي الطريق مسافر العربيه ماشيه تمام وساحب تمام بس بعد حوالي ساعتين علي الطريق العربيه ابتدت تنتش كاني بشيل رجلي من علي دواس البنزين وادوس ورا بعض كده كتير ومش راضيه تسحب مهما عملت لو حطيت دواسه البنزين في الارض العربيه مش بتعدي 130 والار بي ام مش بيعلي مهما دوست علي الدواسه والعربيه بتبقي مخنوقه ومش بقدر اخد اي غرز بيها مع العلم ان قبل الساعتين بتجيب 190 والشد بتاعها والسحب زي الفل والاغرب اني لما بوصل المكان اللي مسافر ليه واريح العربيه شويه واجي انزل مثلا في وقت تاني بترجع طبيعيه جدا
الاحتمالات ان الموضوع ليه علاقه مثلا بكميه البنزين في التانك علي اساس ان بعد ساعتين سواقه التنك بيوصل لحوالي النص لاكن لما بوصل وارحيها واسوقها بعدين بتبقي كويسه حتي والتانك ناقص الاحتمال التاني ان الموضوع ليه علاقه بالسخونه بس هاتبقي سخونه قطع مش سخونه العربيه نفسها لان عداد الحراره مش بيرفع يعني مثلا سخونه الراشاشات او سخونه طلمبه البنزين او السببين مع بعض سبب سخونه ونقص البنزين من التانك الميكانيكي بتاعي قالي ديه طلمبه خاصه ان مفيش لمبه اتشك بتنور وحطيتها علي الكمبيوتير مش مسجله اي اعطال
المشكله التانيه اني هاطر اني اغير حاجه واجرب علي الطريقه ومش عاوز الحركه ديه تحصل معايا تاني علي الطريق فالتجربه مش سهله مع العلم ان المشكله ديه مش بتظهر معايا خالص جوه البلد ولا حتي لما اسحب في اول الطريق مش بتظهر غير بعد وقت من السواقه المتواصله ولو هاغير طلمبه مش عارف اجيب ايه لان المتاح قدامي دلوقتي المتور نفسه بتاع الطلمبه دينسو تمنها 165 جنيه مكتوب عليها انها صناعه يباني بس اللي بيبعها عشان يعرفني قالي هو مش واثق فيها ونقس الكلام ماركه اسمها دايوا تمنها 180 جنيه مكتوب عليها كوري وهو بردو مش واثق فيها وعنده هيونداي قالي ده ممكن تطلع كويسه وديه تمنها 200 وفي ماركه بوش مكتوب عليها الماني بس هو قالي ديه تبع شركه في دبي وقالي انها مش وحشه تمنها 90 جنيه وفي صيني ب 70 جنيه
ايه رائيك يا جماعه اغير طلبمه ولا مستبعد ان يكون منها المشكله ديه ولو هاغير ايه رائيكم اجيب ايه من الانواع ديه
شكرا مقدما ليكم

اعراض المشكله:
العربيه ممكن توصل لسرعه 190 وساعات اخرها 130
الحاجه التانيه انها بتعمل كدا لما بتسخن

كدا استبعد علطول وش السيليندر- لو وش سيليندر له اعراض تانيه زى نقصان مياه التبريد
تقطيع مستمر- ممكن دخان من الشكمان- تاكل زيت
وكمان هستبعد اسطوانه الدبرياج

العيب هينحصر فى كهرباء مش ميكانيكا زى ما الاعضاء شاركوا

1- دوره بنزين: طرمبه
2- شراره: بوبينه- اسلاك بوجيهات- ممكن سيلك واحد يكون توصيله اقل من ال3 الباقيين يمشيك كانك 3 سيلندر يعنى 25% طاقه اقل والعربيه تقطع

حاله البوجيهات ممكن تدى مؤشر على حاله السيليندرات- فك واحد واحد وشوف هل فى اى اختلاف يمكن دا يساعدك
زى ما الاعضاء شاركوا

ياريت لما توصل لحل بلغنا