استفسار بخصوص زيت G-Energy

السلام عليكم جميعا

كل عام و انتم بخير بمناسبه الشهر الفضيل و عيد الفطر المبارك

الموضوع ببساطه ان غبور غير الزيت اللي بيستخدمه من Shell لزيت روسي من شركة Gazprom مصنع في ايطاليا هو واخد التوكيل بتاعه و هو زيت G-Energy

اغلب الناس اللي استخدمت الزيت بسبب ان ده المتاح ف التوكيل و ده اللي بيغيره ف الصيانات الدوريه بتشتكي منه انه معلي صوت الموتور و مقلل من اداء العربيه بشكل عام و الشكوي بتظهر منه بالكتير بعد 2000 كيلو

انا معايا Accent RB 2014 ماشيه 9500 كيلو تقريبا بعمل حوالي 5000 كيلو ف السنه لأن حركتي بالعربيه قليله مش كتيره و من تجارب الناس اللي استخدمت الزيت ده انا مش عايز احطه ف العربيه و عايز احط بديل تاني حتي لو هيكلفني اني ابطل اعمل الصيانة ف غبور و افقد ضمان العربيه لأنه بيتحجج بأن اي عميل جاب الزيت معاه و صمم انه يحطه هم كده هيعتبروا الموتور خارج الضمان و غير مسئولين عن اي حاجه تحصل فيه شغل تخويف للناس علشان يجبر المستخدمين انهم يفضلوا علي الزيت بتاعه

انا ف صيانة ال1000 كيلو حطيت زيت Shell Ultra بتاع ال10 , و كان قعد ف الموتور سنه تقريبا ف نزلته ف صيانة الـ5000 و حطيته هو هو برضه تاني ,,, يعني انا بحط زيت 10 و انزله علي 5 علشان بيكون عدي عليه سنه جوه الموتور

السؤال دلوقتي اخليني ماشي ورا غبور و احط G-Energy ,,, ولا احط بره ف اي مكان AMSOIL خصوصا ان كل الناس بتشكر فيه

و بفرض اني حطيت G-Energy و ما ريحش العربيه هل في ضرر اني انزله و احط بداله AMSOIL يعني حركه التنقل بين 3 زيوت مختلفه من Shell لـG-Energy لـAMSOIL هل دي في منها ضرر ؟؟

http://www.shell.com/motorist/oils-l...W_30_high.jpeg

http://nordoil.ee/wp-content/uploads...cb5e011f27.png

http://ecx.images-amazon.com/images/I/41sXBDTSVeL.jpg

أفيدونا افادكم الله و شكرا جزيلا ....

https://s31.postimg.org/wablgqe8r/20...1_19_47_20.png

https://s31.postimg.org/kwkgrsecb/20...19_43_49.png?4

كويس قوي إن حضرتك جبت صورة الكتالوج علشان نبقى بنتكلم صح.

الكتالوج طالب إن الزيت يكون مستوى الجودة بتاعه يكون api sm على الأقل.. ويكون كمان ilsac gf-4 على الأقل..

حسب المواصفات الموجودة للزيوت اللي حضرتك حاططها..

فزيت شل ما ينفعش ﻹنه مش واخد تصنيف ilsac..
وكمان زيت g-energy ده ما ينفعش علشان نفس السبب

زيوت آمسويل oe و xl و سجنتشر كلهم ينفعوا معاك وممتازين لموتور عربيتك.


بالنسبة لمدة بقاء الزيت في الموتور...

كل الزيوت المعدنية والزيوت التخليقية من أساس معدني ما ينفعش تقعد في الموتور أكتر من 6 شهور أو 10 آلاف كيلومتر.. أو حسب الكتالوج ما يقول...

وكل الزيوت اللي حضرتك حطيتها دي ينطبق عليها نفس الكلام..

الوحيد اللي تقدر تحطه في الموتور لمدة سنة بدون قلق هو الآمسويل سجنتشر فقط... ﻹنه تخليقي حقيقي من أساس غير معدني.


...

اللينكات دي فيها مواصفات الزيوت لو عايز تتأكد بنفسك..

زيت شل 5w-30
Shell Helix Ultra 5W-30 | Shell Global

زيت جي-إنيرجي إف-سينث 5w-30
F SYNTH 5W-30, полностью синтетическое моторное масло - Motor oils G-Energy - official site

زيت آمسويل إكس إل 5w-30
AMSOIL OE 5W-30 Synthetic Motor Oil

أنصحك بزيت آمسويل بدون شك.


...

على فكرة..

موبيل1 كانت نزلت زيت مناسب جدا للعربيات الياباني والكوري والأمريكاني ... ﻹنه معتمد من API و ILSAC..

الزيت اسمه موبيل1 - X1 5W-30

دي صفحة مواصفاته..

5W-30 Oil | Mobil 1 x1 5W-30

ودي صورة علبته
http://www.mobil1-egypt.com/~/media/...1_5w-30_4l.png

شوف سعره كام في البنزينة .. ما أتوقعش يكون أغلى من شل.. ولو حصل فالمفروض الفرق يكون بسيط جدا.

وبردو... ما يقعدش في الموتور أكتر من 6 شهور.

بالنسبة للتنقل بين الزيوت...

التنقل ملوش ضرر على الموتور بشكل مباشر.. إنما بيأثر على كفاءة الزيوت اللي شغالة..

بمعنى إنك هتاخد زيت جديد شغال بحوالي 90-95% من كفاءته بدل 100%.. علشان بواقي الزيوت القديمة لسه موجودة ومختلطة معاه... خصوصا إن من الطبيعي وجود نسبة بسيطة بتتركن في بعض أجزاء الموتور (غالبا لا تزيد عن 100 مليلتر).. وبتختلط بعد كده بالزيت ..

ده السبب اللي بنفضل علشانه نثبت على نوع واحد من الزيوت..

بس في حالة حضرتك... فالأهم هو الحصول على زيت مناسب للعربية حسب الكتالوج... وفي نفس الوقت يكون مريح نفسيا لحضرتك...

وبعد كده نثبت عليه.


...

جزاك الله كل خير علي شرحك المفصل و الواضح

يعني كده شل اللي طول عمره التوكيل بيستخدمه و دلوقتي G-Energy الاتنين اساسا مش محققين متطلبات كاتالوج العربيه !!!

و الله الواحد ما عارف يعمل ايه لما يكون التوكيل ذات نفسه بيعك

غالبا ان شاء الله هغير و احط AMSOIL حتي لو هغيره بره و اخلع من التوكيل علشان كده بصراحه استهبال جدا من غبور

زيوت ايه تاني من اللي موجوده ف السوق تحقق متطلبات كاتالوج العربيه ؟؟؟

زي ما قلتلك في مشاركة رقم 5... زيت موبيل 1 X1

وفي زيت موجود في مصر بس لازم تدور عليه شوية.. هو زيت بترومين سوبر سنثتك A-1

ده زيت تخليقي 100% ومواصفاته عالية جدا.. ومناسب تقريبا لكل العربيات (أوروبية وآسيوية وأمريكية) اللي بتطلب درجة اللزوجة دي.

http://nileup.com/up/uploads/nilemotors_14092577051.jpg
http://nileup.com/up/uploads/nilemotors_14092574761.jpg

ده طبعا غير زيوت آمسويل اللي قلت لحضرتك عليها..


...

سؤال ممكن يكون ساذج شويه لأني لسه بكون معلوماتي عن الزيوت

ليه ف جدول اللزوجات ده محطتش عدد الكيلوهات كمان ,,, يعني مثلا دلوقتي وانا عربيتي لسه عامله 10 الاف كيلو ليه ما احطش مثلا 10w-30 او 15w40 طالما كلهم جوه نفس نطاق درجة الحرارة

يعني بمعني آخر ,, ايه الحالات اللي تستدعي اني أعلي فيها لزوجه الزيت ؟؟ و ليه التحذير بخصوص عدم استعمال الـ5w-20 في الشرق الاوسط خصوصا ان مصر بيعتبروها افريقيا مش شرق اوسط

شكرا جزيلا

اقتباس:

---

المشاركة الأصلية كتبت بواسطة Mohamed.Yousri

سؤال ممكن يكون ساذج شويه لأني لسه بكون معلوماتي عن الزيوت

ليه ف جدول اللزوجات ده محطتش عدد الكيلوهات كمان ,,, يعني مثلا دلوقتي وانا عربيتي لسه عامله 10 الاف كيلو ليه ما احطش مثلا 10w-30 او 15w40 طالما كلهم جوه نفس نطاق درجة الحرارة

يعني بمعني آخر ,, ايه الحالات اللي تستدعي اني أعلي فيها لزوجه الزيت ؟؟ و ليه التحذير بخصوص عدم استعمال الـ5w-20 في الشرق الاوسط خصوصا ان مصر بيعتبروها افريقيا مش شرق اوسط

شكرا جزيلا

---

أسئلة حضرتك منطقية جدا... وأنا رديت عليها من زمان في المواضيع التالية.. أرجو إن حضرتك تقراها..

http://www.nilemotors.net/Nile/481878-a.html

http://www.nilemotors.net/Nile/453047-a.html

وما تفوتش الموضوع الأساسي ده...

http://www.nilemotors.net/Nile/341680-a.html


عموما... مدة/مسافة تغيير الزيت بتحدد من الكتالوج أساسا... يعني لو الكتالوج قال 10 آلاف كيلومتر يبقى نغير على 10 آلاف... ولو قال على 20 ألف نغير على 20 ألف...

خلي بالك إن الكتالوج بيكتب حالات للاستخدام الشاق اللي لو حصلت معاك كتير لازم تغير الزيت أسرع (بيقوللك إمتى بالضبط)... وغالبا بتبقى مسافة 5000 كيلومتر.

في النادر بنلاقي بعض الزيوت بتحدد مدد معينة للتغيير.. زي زيوت آمسويل.. في الحالة دي بس نمشي مع توصيات صانع الزيت...

غير كده.. كتالوج العربية هو الصح... وشغل زيت الـ5000 والـ3000 ده شغل سوق وناس عايزة تبيع وخلاص بدون أي مرجع أو أساس علمي.


ملحوظة صغيرة...منطقة الشرق الأوسط تشمل إيران ومصر وشمال أفريقيا بالكامل حسب ماهو مكتوب في كتالوج العربية (التعريف ده مكتوب في كتالوج السيراتو بتاعتي.. وحضرتك عارف إن كيا وهيونداي شركة واحدة).

وأنا تحت أمرك في أي سؤال.


...

شكرا جزيلا علي ردك و علي اهتمامك جزاك الله كل خير

انا محتاج اعرف التفاصيل دي علشان انا مش ناوي اعدي موضوع اجبار غبور للناس علي وضع زيت غير مطابق للمواصفات اللي مذكورة ف كتالوج العربيه اللي هو بيبيعها ف بالتالي عايز ابقي فاهم الامور دي علشان لما ادخل معاهم ف مناقشه ما يبقاش الكلام من اتجاه واحد فقط و كأني مش فاهم حاجه ,,, غير انهم لما بيلاقوا اللي قدامهم فاهم و بيجادل بطريقه مفهومه و انه عارف الاساسيات بيقلقوا منه

انا كده كده باعت شكوي لهيونداي كوريا بخصوص الموضوع ده و مستني منهم رد و هشوف كده الدنيا هتمشي ازاي و ربنا يسهل

شكرا جزيلا علي اهتمامك و كل عام و انت بخير

اقتباس:

---

المشاركة الأصلية كتبت بواسطة mohamed.yousri

شكرا جزيلا علي ردك و علي اهتمامك جزاك الله كل خير

انا محتاج اعرف التفاصيل دي علشان انا مش ناوي اعدي موضوع اجبار غبور للناس علي وضع زيت غير مطابق للمواصفات اللي مذكورة ف كتالوج العربيه اللي هو بيبيعها ف بالتالي عايز ابقي فاهم الامور دي علشان لما ادخل معاهم ف مناقشه ما يبقاش الكلام من اتجاه واحد فقط و كأني مش فاهم حاجه ,,, غير انهم لما بيلاقوا اللي قدامهم فاهم و بيجادل بطريقه مفهومه و انه عارف الاساسيات بيقلقوا منه

انا كده كده باعت شكوي لهيونداي كوريا بخصوص الموضوع ده و مستني منهم رد و هشوف كده الدنيا هتمشي ازاي و ربنا يسهل

شكرا جزيلا علي اهتمامك و كل عام و انت بخير

---

وحضرتك بالصحة والسلامة :)

بالنسبة لموضوع درجات اللزوجة في كتالوج الأكسنت...

درجات اللزوجة العالية زي 20w-50 و 15w-40 مش موجود منها زيوت تخليقية غير زيت واحد من إنتاج آمسويل ومستوى الجودة بتاعه أقل من طلبات الكتالوج..
والزيت الوحيد اللي مستواه sm هو بتاع التعاون.. بس بردو ماهواش معتمد من ilsac

عموما.. درجات لزوجة 20w-50 بالذات موجود منها مستويات أداء منخفضة جدا.. علشان كده ما ينفعش تستخدمها حتى ولو هتغيره بعد 1000 كيلومتر.


لزوجة 10w-30 نادرة جدا في مصر.. وبردو مش موجود منها في مصر غير زيت آمسويل سجنتشر.. ومستوى الأداء بتاعه عالي جدا جدا ﻹنه زيت تخليقي حقيقي...

وأنا مستغرب جدا ليه مش موجودة في مصر مع إنها مالية الأسواق في السعودية .. وكله معدني بمستوى أداء sl


كده ما فاضلش غير ال5w-30 اللي متوفر في مصر بسهولة... بس مش كل الأنواع مناسبة 100% زي ما وضحت لحضرتك قبل كده.


...

السلام عليكم

عوده من جديد :Y_hi_3[1]:

ممكن اعرف رأيك ايه ان غبور كمان بقه بيحط زيت 5w-40 اللي هو مش موجود اصلا ف كاتالوج العربيه خالص !!!

ايه مدي تأثير استخدام زيت غير مناسب اللزوجه بدون داعي و ف عربيات لسه جديده و مش موجود ف كاتالوج العربيه !!

ده تحت بند .. زياده الخير خيرين ( ل غبور طبعا )

هو تحت بند الفهلوه المصريه و كله تمام يا باشا ما تقلقش و تحت بند احنا مش هنعمل حاجه تتضر العربيه و تجيب وجع الدماغ لنفسنا و الكلام اللطيف ده كله ...

يعني زيت سئ جدا و غير مطابق للمواصفات و قلنا ماشي ممكن نستحمله علشان الضمان ,, كمان يبدأ يفتي ف اللزوجه اللي موجوده ف كاتالوج العربيه كده كتير بصراحه ..

مفيش فايده ابدا ....

بصراحه الله يكون فى عونك .. موش عارف ارد اقول لك ايه

يعنى لو الضمان قرب ينتهى .. يبقى استغنى عن الفتره المتبقيه

هو حيستعمل 5w-40 ام 0w-40

على فكره الكتالوج ( فى الصوره الاولى ) بيسمح بمستوى خدمه SL فى حاله عدم توافر SM

مع الاسف انا لسه بدري جدا ف الضمان

انا شفت الفواتير كان كاتب فيها 5w-40 و ده مش موجود اصلا ف كاتالوج العربية

اقتباس:

---

المشاركة الأصلية كتبت بواسطة Mohamed.Yousri

السلام عليكم

عوده من جديد :Y_hi_3[1]:

ممكن اعرف رأيك ايه ان غبور كمان بقه بيحط زيت 5w-40 اللي هو مش موجود اصلا ف كاتالوج العربيه خالص !!!

ايه مدي تأثير استخدام زيت غير مناسب اللزوجه بدون داعي و ف عربيات لسه جديده و مش موجود ف كاتالوج العربيه !!

---

واضح إن حتى اللي شغالين في التوكيلات هما كمان عندهم مفاهيم غلط عن الزيوت.. زي أغلب الشعب :(

عموما.. المسألة دي ليها مدخلين:

المدخل الأولاني...

درجة لزوجة 5W-40 بيستخدموها بشكل عام في التوكيل في كل عربيات هيونداي (من أول الفيرنا لحد الـix35) على أساس إنها بديل للزوجة 15W-40..

يعني هو كده (من وجهة نظره) بيديلك زيت تخليقي بلزوجة 5W-40 بدلا من زيت معدني بلزوجة 15W-40 المكتوبة في الكتالوج...

يبقى كده هو عمللك Upgrade.. ده اللي بيقولهولك.

طبعا.. الكلام ده مردود عليه.. إن "التوكيل لو عايز يعمل Upgrade يبقى يختار من الكتالوج بس".



المدخل التاني...

مواتير هيونداي هي نفسها مواتير كيا بدون أي تعديلات...

ولزوجة 5W-40 بقت بتتكتب في كتالوجات كيا مؤخرا... لإن لحد قريب جدا (2012 تقريبا) ما كانتش اللزوجة دي مكتوبة فيها..

يجوز لإن كيا بتبيع في أوروبا كتير .. والعربيات الأوروبية بتطلب اللزوجة دي أكتر بكتير جدا من العربيات الآسيوية والأمريكية..

ده كمان.. كيا دلوقتي بتطلب إن الزيت يبقى مطابق لمواصفات الزيت بتاعت ACEA (هيئة مصنعي السيارات الأوروبية).. وهيونداي مش بتطلب ده..

دي صور لتوصيات الزيت من كتالوج كيا سيراتو 2014-2016

http://nileup.com/up/uploads/nilemotors_14089717191.jpg
http://nileup.com/up/uploads/nilemotors_14089717202.jpg

من وجهة النظر دي.. أي زيت موجود في كتالوجات كيا يمشي على هيونداي.

الكلام ده بردو مردود عليه.. إن "مادام كل اللي يمشي على كيا يمشي على هيونداي .. يبقى تاخد مواصفات كيا بالكامل... وكيا بتطلب إن الزيت يعتمد من الـAPI والـILSAC والـACEA... ودول مواصفات جودة... ليه زيوتك مش معتمدة زيهم؟؟"

على فكرة.. مواصفات الجودة أهم من اللزوجة.


أعتقد إن المسألة فيها سوء فهم من القائمين على الصيانة هناك+ مصالح تجارية بدون شك.



على فكرة... المشكلة مش في زيت الموتور بس...

أنا عرفت إن حتى زيت الفتيس مش مطابق للمواصفات...

زيت الفتيس بردو جايبينه من نفس الشركة (G-Energy) بمواصفة Dexron III-D.... إنما المطلوب في الكتالوج هو SP-III


...

ما هو فعلا زيت الفتيس كمان بيغيروه G-Energy بس معرفش اتغير بمواصفات ايه

طيب كده العمل ايه معاهم ؟؟ لأنهم دلوقتي بيرفضوا رفض قاطع انك تجيب الزيت معاك و انه لازم يحط الزيت من عنده و الا الموتور بره الضمان و غير مسئولين عن اي حاجه تحصل

عارف لما هيقولك كيا و هيونداي واحد و الزيت ده معتمد ف كيا هتيجي تقوله طيب ما هو مش مطابق للمواصفات هيقولك ما انا ماليش دعوه بكيا !!!

طبعا المصحله هي اللي بتلعب الدور الاساسي ف الموضوع و الزيت اللي هو مستورده لازم يمشيه ف عربياته بس فعلا الواحد مش عارف يعمل ايه بجد

انا العربيه لسه 10 الاف كيلو و فاضل ف الضمان 3 سنين ,,, الواحد مش ضامنهم و مش مأمنلهم بصراحه بالعك اللي بيعملوه ده كله ف مش عارف اريح دماغي منهم و اروح اعمل الصيانة بره ,,, ولا احرق ف دمي و اكمل معاهم و ادفع الطاق طاقين و ياريته ف حاجه عدله !!!

الحل تجمعوا اكبر عدد ممكن من ملاك اكسنت والنترا
وتبعتوا شكاوي جماعية علي شركة هيونداي
وانا متأكد انكم هتوصلوا لنتيجة (لايضيع حق وراءه مطالب)
الموضوع ده كان حصل مع كيا زمان (بخصوص زيت الفتيس) وجاب نتيجة

بالضبط كده...

شكوى مجمعة لحماية المستهلك.. وإن شاء الله يجيبولكم حقكم


...

اقتباس:

---

زيت الفتيس بردو جايبينه من نفس الشركة (G-Energy) بمواصفة Dexron III-D.... إنما المطلوب في الكتالوج هو SP-III

---

ال D ده بيكون ديكسرون 2 موش ديكسرون 3 .. Dexron II-D

الديكسرون 3 بيبدأ من G .. ب Dexron III-g

يعنى اجرام رسمى من غبور لو بيحط ديكسرون 2

اقتباس:

---

المشاركة الأصلية كتبت بواسطة tasaka

ال D ده بيكون ديكسرون 2 موش ديكسرون 3 .. Dexron II-D

الديكسرون 3 بيبدأ من G .. ب Dexron III-g

يعنى اجرام رسمى من غبور لو بيحط ديكسرون 2

---

أنا اتأكدت من مواصفة الزيت بالضبط...

الزيت اسمه G-Box DX iii ... من إنتاج نفس الشركة..

ودي صفحته على النت.. ATF DX III, рабочая жидкость для автоматических коробок передач - Motor oils G-Energy - official site

مطابق لمواصفات كتير .. لكن مش من ضمنها SP-III

DEXRON IIIH,
MERCON V,
MB 236.6,
ZF TE-ML 04D, 14B, 16L, 17C,
MAN 339 TYPE V-2&Z-2,
ALLISON C-4 & TES 389,
VOITH H55.6336,
VOLVO 97341

تقدر تقول إنه مناسب جدا لعربيات النقل..

إنما اللي ممكن يكون مناسب فعلا من زيوت الشركة دي زيت اسمه G-Box ATF Far East

ATF FAR EAST, рабочая жидкость для автоматических трансмиссий - Motor oils G-Energy - official site



بصراحة مش فاهم.. هما ليه بيعملوا كده؟؟؟

حتى زيت الموتور.. G-Energy عندهم زيت ينفع للعربيات الياباني والكوري... اسمه G-ENERGY FAR EAST 5W-30

ليه ماسكين في التاني وسايبين ده؟؟

Far East 5W-30, синтетическое моторное масло - Motor oils G-Energy - official site




...

اقتباس:

---

المشاركة الأصلية كتبت بواسطة borio1704

أنا اتأكدت من مواصفة الزيت بالضبط...

الزيت اسمه G-Box DX iii ... من إنتاج نفس الشركة..

ودي صفحته على النت.. ATF DX III, рабочая жидкость для автоматических коробок передач - Motor oils G-Energy - official site

مطابق لمواصفات كتير .. لكن مش من ضمنها SP-III

DEXRON IIIH,
MERCON V,
MB 236.6,
ZF TE-ML 04D, 14B, 16L, 17C,
MAN 339 TYPE V-2&Z-2,
ALLISON C-4 & TES 389,
VOITH H55.6336,
VOLVO 97341

تقدر تقول إنه مناسب جدا لعربيات النقل..

إنما اللي ممكن يكون مناسب فعلا من زيوت الشركة دي زيت اسمه G-Box ATF Far East

ATF FAR EAST, рабочая жидкость для автоматических трансмиссий - Motor oils G-Energy - official site

...

---

- عموما هو زيت مالتى .. يعنى All Size
انا ما بحبش كده اصلا .. و ده توكيل يعنى المفروض لكل عربيه زيتها المحدد .. موش مقاس واحد يناسب الكل !!

- عموما لزوجته كويسه ( و هى 7.1 ) قريبه من لزوجه SP .. يعنى اقرب لل SP من الديكسرون 3

- مذكور فيه مواصفه SP iii لميتسوبيشى .. و كيا و هونداى مذكورين بصفه عامه بدون تحديد ؟؟
و مذكور فيه برضه DEXRON II D

GM DEXRON IID/E and TASA, DEXRON IIIG, DEXRON IIIH

 Ford MERCON
 JASO 315M 1A
 Toyota Type T, T-II, T-III and T-IV, Type D-2, Toyota WS
 Nissan Matic Fluid C/D/J, Matic S
 Mitsubishi SP-II and SP-III
 Subaru ATF
 Isuzu BESCO ATF-II and ATF-III
 Suzuki ATF Oil and ATF Oil Special
 Mazda ATF D-III, AFT M-3
 Daihatsu Alumix ATF Multi
Hyundai/KIA
 Honda ATF Z1, DW-1
 GM Daewoo
 Allison C-4
 JWS 3309

اقتباس:

---

بصراحة مش فاهم.. هما ليه بيعملوا كده؟؟؟

حتى زيت الموتور.. G-Energy عندهم زيت ينفع للعربيات الياباني والكوري... اسمه G-ENERGY FAR EAST 5W-30

ليه ماسكين في التاني وسايبين ده؟؟

Far East 5W-30, синтетическое моторное масло - Motor oils G-Energy - official site

---

انا اللى شايفه فى مصر انهم بيبعدوا عن لزوجه ال 30 .. بس برضه اكيد حتلاقى منه لزوجه 40

يمكن الوكيل شاف كل العربيات اللى واخد توكيلها .. و اختار زيت واحد لجميع توكيلاته .. الله اعلم

او الزيت ده خد عليه خصم اكبر مثلا لانه موش ماشى فى البيع .. الله اعلم

تحياتى و اعزازى

Product description
Benefits
Application

اقتباس:

---

المشاركة الأصلية كتبت بواسطة tasaka

- عموما هو زيت مالتى .. يعنى All Size
انا ما بحبش كده اصلا .. و ده توكيل يعنى المفروض لكل عربيه زيتها المحدد .. موش مقاس واحد يناسب الكل !!

- عموما لزوجته كويسه ( و هى 7.1 ) قريبه من لزوجه SP .. يعنى اقرب لل SP من الديكسرون 3

- مذكور فيه مواصفه SP iii لميتسوبيشى .. و كيا و هونداى مذكورين بصفه عامه بدون تحديد ؟؟
و مذكور فيه برضه DEXRON II D

GM DEXRON IID/E and TASA, DEXRON IIIG, DEXRON IIIH

 Ford MERCON
 JASO 315M 1A
 Toyota Type T, T-II, T-III and T-IV, Type D-2, Toyota WS
 Nissan Matic Fluid C/D/J, Matic S
 Mitsubishi SP-II and SP-III
 Subaru ATF
 Isuzu BESCO ATF-II and ATF-III
 Suzuki ATF Oil and ATF Oil Special
 Mazda ATF D-III, AFT M-3
 Daihatsu Alumix ATF Multi
Hyundai/KIA
 Honda ATF Z1, DW-1
 GM Daewoo
 Allison C-4
 JWS 3309

انا اللى شايفه فى مصر انهم بيبعدوا عن لزوجه ال 30 .. بس برضه اكيد حتلاقى منه لزوجه 40

يمكن الوكيل شاف كل العربيات اللى واخد توكيلها .. و اختار زيت واحد لجميع توكيلاته .. الله اعلم

او الزيت ده خد عليه خصم اكبر مثلا لانه موش ماشى فى البيع .. الله اعلم

تحياتى و اعزازى

Product description
Benefits
Application

---

هو بشكل عام غبور هو وكيل زيوت G-Energy في مصر ,,, و الشركة فعلا عندها زيوت مطابقه للكاتالوج بالظبط لكن هو الظاهر كده مسترخس و جايب فئه اقل علشان تعمل معاه ممكسب ازيد

و فعلا بيحطه ف كل هيونداي و مازدا و جيلي

اقتباس:

---

المشاركة الأصلية كتبت بواسطة mohamed.yousri

هو بشكل عام غبور هو وكيل زيوت g-energy في مصر ,,, و الشركة فعلا عندها زيوت مطابقه للكاتالوج بالظبط لكن هو الظاهر كده مسترخس و جايب فئه اقل علشان تعمل معاه ممكسب ازيد

و فعلا بيحطه ف كل هيونداي و مازدا و جيلي

---

للأسف كتير من التوكيلات بيعمل كده... ومش بيبصوا للمكسب البعيد.. حاطين عنيهم على المكسب القريب بس.

حتى توكيل كيا هنا في السعودية.. بيستخدم زيت 10w-30 بمستوى api sl... وسايب كل توصيات الكتالوج وماسك في سطر صغير تحت جدول الزيوت بيقول إنك لو ما لقيتش زيت بمستوى الجودة المطلوب تقدر تستخدم زيت بمستوى sl.

بس للحق هما بيسمحوا إنك تجيب زيت من عندك .. وبيراجعوا مواصفاته قبل ما يحطوه.


...

زميل ليا ف الشغل معاه ماتركس 2011 برضه اخر صيانه عملها حطوله G-Energy 5W-40 ,,, مشي بيه حوالي الفين كيلو و بيشتكي منه جامد ,, و اصلا كان مغير قبلها 5 مرات ف بنزينه الامارات يعني 50 الف كيلو من زيت بنزينه الامارات و ماكانش في شكوي و ده بيشتكي منه انه خانق العربيه بعد حوالي الفين كليو ف واضح ان هو فعلا زيت سئ

السلام عليكم جميعا...

النهاردة رحت عملت صيانه ال10 الاف ... دخلت ف جدال معاهم بخصوص الزيت لازيد من نص ساعه و مفيش مهندس ف الورشة بتاعت قليوب سواء مهندسين استقبال او اللي شغالين ع العربية جوه عرف يديني اجابه واحدة او رد واحد عن ليه هم بيستخدموا لزوجة مش موجودة ف الكاتالوج..

و مش لف و دوران لكن جهل منهم... هم فعلا مش عارفين هم ليه بيحطوا 5W-40 بدل 5W-30.. ف بيردوا بأي ردود مالهاش علاقه بالموضوع و مدخلين اللزوجة علي درجات الحرارة و معندهمش تقريبا معلومه واحده صحيحة علي بعضها...

منهم واحد اساسا ميعرفش ان الزيت متصنع ف ايطاليا و فاكره متصنع ف روسيا !!! و التاني مصمم علي ان مقاييس الزيت متغيره زي مثلا ناس بتستخدم الكيلو متر و ناس بتستخدم الميل كوحده قياس و الاتنين صح...

بالاجماع مصممين علي حاجة واحدة انهم واخدين ابروفال هيونداي كوريا و انه مفيش شكوي عندهم من اي عميل بخصوص الزيت طوال الفتره اللي فاتت... طبعا كاتالوج العربية فتحتهوله علي الموبايل و عمال يقرأ و برضه مفيش فايده مصمم علي نفس الجملتين انهم واخدين ابروفال كوريا علي الزيت و خامة الزيت...

لما روحت البيت قارنته بالShell ال5W30 اللي فاضل من آخر غيار في فرق واضح ف سيولة الزيت نفسه... الG-Energy مايع و صايص كده اوي زي ما يكون مايه ملونه عكس الShell خالص اللي في لزوجة واضحة و مدياله منظر الزيت...

همشي بيه شويه ف العربية كده و اشوف هيعمل ايه لو معجبنيش يا هروح اعملهم قلق يا هغيره بره...

كده كده غبور مش هيغير الزيت و ده اللي عنده شغال بيه ف هيونداي و مازدا و جيلي و لو جبتله انت الزيت هيعتبر الموتور خارج الضمان و مش مسئول عنه..

فيه ميكانيكى شغال فى احد فروع غبور

قال انهم بيدوا الحق للعميل فى الاختيار بين الزيت G-Energy و شل .. ده فى الفرع اللى هو فيه

اقتباس:

---

المشاركة الأصلية كتبت بواسطة tasaka

فيه ميكانيكى شغال فى احد فروع غبور

قال انهم بيدوا الحق للعميل فى الاختيار بين الزيت G-Energy و شل .. ده فى الفرع اللى هو فيه

---

غبور حاليا عنده زيت ال5000 Shell و زيت الـ10000 G-Energy

هو خلص خلاص شحنه الـShell اللي عنده خصوصا ف زيت الـ10000

اقتباس:

---

المشاركة الأصلية كتبت بواسطة mohamed.yousri

غبور حاليا عنده زيت ال5000 shell و زيت الـ10000 g-energy

هو خلص خلاص شحنه الـshell اللي عنده خصوصا ف زيت الـ10000

---

خلاص

ايه اللى يمنعه انه يقبل انك تجيب زيت شل الترا من موزع معتمد شل .. طالما هو قابل لاستعماله ؟؟

اقتباس:

---

المشاركة الأصلية كتبت بواسطة tasaka

خلاص

ايه اللى يمنعه انه يقبل انك تجيب زيت شل الترا من موزع معتمد شل .. طالما هو قابل لاستعماله ؟؟

---

و انا ايه اللي يضمنلي انك جايبه من موزع معتمد ,, حتي الموزع المعتمد بيبقي عنده مضروب بيطلعه ف وسط السليم

ده كان ردهم :oh: