حد سمع عن العربية fiat fiorino diesel 1.7 ؟؟؟؟؟؟؟
هي أول مرة تنزل مصر من الوكيل .... بفكر أشتريها في الشغل عندي
سعرها 65000 .... صناعة برازيلي .... و الشركة بتقسطها لمدة سنة
لو حد يعرفها يقولنا ايه مميزاتها و عيوبها
أنا رحت شفتها عند الوكيل ..... تقفيلها مش قد كده , على قد فلوسها
يس أهم حاجة عاوز أعرفها هي عربية شغل ولا لأ
مع العلم شغلي مستلزمات طبية... يعني مفيش حاجات تقيلة
الصناعة البرازيلية محترمة جدا و عربيات كتير بتشهد بكدا...
بس المشكلة أن العربية ديه نازلة جديد فمعتقدش هيكون معروف اذا كانت تسد في الشغل ولا لأ... لأن محدش جربها...
حاجة تاني... قطع الغيار.. أكيد مش هتتوفر الا بعد ما تنتشر العربية ديه... و لحد ما تتوفر هتفضل محتاج للتوكيل...
نصيحة ... خليك في المضمون ... شوف الفولكس كادي موتور 2000 سي سي ديزل و عربية حمالة أسية جدا...
المشكلة ان الفولكس كادي جديدة بـ 154000
مش في امكانياتي
طب ما تبص على السوزوكي الصغيرة تقريبا إسمها كاري أو حاجة زي كدة
عربية منتشرة وممكن كمان ترخصها ملاكي
بس عيبها انها موتورها صغير شوية 1000 سيسي تقريبا مش متأكد بس انت بتقول ان شغلك مش عنيف يعني وهية مالية البلد ألا وبتشيل بلاوي برغم كده
بس عموما ماعرفش عن الفيات دي حاجة
[size="4"]السوزكي الفان اعتقد احسن وثمنها 63000 وممكن ترخصها ملاكي وتبعد عن وجع قلب النقل والمرور في الاماكن الممنوع للنقل الدخول فيها اما بالنسبه لانها 1000 سي سي
فيه عربيه سحبها كويس وكمان عربيه شغل وهتوفففففففففففررررررررر في البنزين
علي فكره انا عندي في الشركه واحده ولو عندك اي استفسار انا في الخدمه[/size]
شكلها كدة هترسى على سوزوكي فان
بس مشكلتها مفيش حد بيرضى يقسطها حتى لمدة سنة .... و البنك اللي أنا بتعامل معاه مش راضي يقسطها تماما
انا اعرف واحد مقسطها من عند اتو سمير ريان هسالوا عن نظام التقسيط ورد عليك
انت ناوى تشغلها فى اية علشان اقولك السوزوكى تنفعك ولا اية؟
فية عربيات احسن من السوزوكى
الفيات فيورينو تسد و تستحمل يا باشا متخافش !
الفلورينو ماهي الا فيات " اونو " متنكرة في شكل فان
و شركة رايا ( توكيل نوكيا في مصر ) بتسعمل اكثر من 10-15 سيارة منها شفتهم بيعملوا صيانة في التوكيل و من كلام السواقين انها جيدة جدا كسيارة لنقل البضائع يعني .
--
الفيورينو فيها ميزة جامدة عن السوزوكى فان,
انها ديزل, و الديزل عمره اطول بكتير و حمال اسية و أفضل فى التوفير, ده غير انو قدرته على تحمل الأوزان اكبر لأن عزمه اعلى.
مش عارف بس عربية نقل 1000 سى سى ديه غريبة شوية, أعتقد انو عمرها مش هيكون طويل.
انا كان عندي عربيه فيات باليو ديزيل 1700 سي سي . لو ده نفس الموتور يبقى توكل على الله. الموتور ده روعه فعلا.
ولا طلعنا فياتوييين قدام اهه :Pاقتباس:
المشاركة الأصلية كتبت بواسطة Ahmed Hassan
وكمان باليووو :)
راحت فين الباليو دي ؟
طبعا... انت فاكر ايه :Oc_sun1[1]:
انا كنت بيجوهاوي.. و بعدين هونداوي... و بعدين فيتاوي.. و بعدين بيجوهاوي تاني... و اخيرا و الحمد لله سوباراوي (و اعتقد مش سهل اغير الا لسوبارو تانيه)
الباليو دي يا سيدي كانت معايا لما كنت في المغرب لمده سنتين و نص. كانت عربيه زيرو. و كانت ماشيه زي الفل.. استهلاك رائع للوقود و موتور قوي و ناعم الى حد كبير بالنسبه لموتور ديزل. و كان تجميعها كويس جدا... و كانت سرعتها بتوصل لـ 165 كم/س.
طبعا لما رجعت من المغرب سيبتها هناك... بس كانت تجربه ممتعه لأن الديزل كانت فكره جديده بالنسبالي و سواقه الديزل (الملاكي) ليه متعته اللي تختلف كتير عن البنزين.
اه :) طيب كويس والله ! شكرا للمعلومات !
حمد الله علي السلامة :)