| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 23

  1. #1

    الصورة الرمزية hhhhhm

    رقم العضوية : 82794

    تاريخ التسجيل : 05Dec2010

    المشاركات : 208

    النوع : ذكر

    الاقامة : ABCD

    السيارة: LANCER

    السيارة[2]: LANCER

    الحالة : hhhhhm غير متواجد حالياً

    افتراضي الكمبروسر مش واصله كهربا - Facebook Twitter whatsapp انشر الموضوع فى :

    hasad">

    التكييف كان شغال كويس جدا من يومين فجأه هوا بس ومفيش صوت للكمبروسر خالص ولا العربيه بتعلى ولا أى حاجه بأختصار الكمبروسر مش واصله كهربا روحت للكهربائى راجع الفيوزات كله تمام وصل الكمبروسر خارجى أشتغل طيب فين المشكله قاللى ثيرموستات التكييف حد يعرف مكان ثيرموستات التكييف دى فين وتمنها كام وهل بتتغير بدون ما نفضى الفريون ؟ مع العلم أن العربيه بومه 2004


  2. #2

    الصورة الرمزية mbx4e

    رقم العضوية : 26061

    تاريخ التسجيل : 24Nov2008

    المشاركات : 1,387

    النوع : ذكر

    الاقامة : 6th of Oct. city

    السيارة: لا

    السيارة[2]: بيجو ٢٠٥"١٩٩٠"

    دراجة بخارية: لا

    الحالة : mbx4e غير متواجد حالياً

    افتراضي -

    نوع العربية؟
    مش كل عربية فيها ثرموستات
    ياترى هل شاف ضغط الفريون ؟ ممكن نقص فريون وممكن زياده وممكن نوع الفريون مضروب او تعبان وممكن الفريون اتبخر او (تاكل) بسبب عدم التفريغ المناسب وبسبب عدم تغيير فلتر الفريون (متشبع رطوبه ما بيأديش المطلوب منه فبيبخر الفريون من الخراطيم او من اي تسريب بسيط جدا جدا جدا )
    ممكن زرار التكييف يعمل نفس المشكلة
    وممكن الثرموستات لو موجوده (عندك كليمت كونترول او دوال مود في زراير التكييف???) ولو ثرموستات ممكن يبقى حساسات الحراره وممكن حساس الضغط او ساعة الضغط معلق او عامل قفله او بايز او فيشه مهزوزه ( سواء مروحه اوفيشة الكلاتش او حساس البرشر)
    اكشف كهربا الاول( قبلها ركب جيدجات مانفولد الضغط او عدادات او انابير الشحن زي ما بيسموها وصل كهربا الكومبروسر دايركت شف قراءات الضغوط عالى وواطي ماتكتفيش بقراءة الخط الواطي او المنخفض الازرق قبل وبعد التشغيل وقلي عليها وبشكل عام ممكن احتمالات العطل زياده شحنة او نقص او عطل كهربا او حساس برشر ) واتاكد من حساس الضغط والثرموستات بعدين اشحن للتجربة والاختبار اشتغل معاك؟؟... بعد كدا لازم تفرغ ساعة على الاقل بعد تغيير فلتر الفريون بواحد جديد واشحن الكمية كاملة من اول وجديد
    وطلب من كل زوار المنتدى والاعضاء عند ذكر مشكلة او عطل ممكن نذكر نوع العربية والموديل لو سمحتوا
    كل عام وانتم بخير


  3. #3

    الصورة الرمزية hhhhhm

    رقم العضوية : 82794

    تاريخ التسجيل : 05Dec2010

    المشاركات : 208

    النوع : ذكر

    الاقامة : ABCD

    السيارة: LANCER

    السيارة[2]: LANCER

    الحالة : hhhhhm غير متواجد حالياً

    افتراضي -

    اقتباس المشاركة الأصلية كتبت بواسطة mbx4e مشاهدة المشاركة
    نوع العربية؟
    مش كل عربية فيها ثرموستات
    ياترى هل شاف ضغط الفريون ؟ ممكن نقص فريون وممكن زياده وممكن نوع الفريون مضروب او تعبان وممكن الفريون اتبخر او (تاكل) بسبب عدم التفريغ المناسب وبسبب عدم تغيير فلتر الفريون (متشبع رطوبه ما بيأديش المطلوب منه فبيبخر الفريون من الخراطيم او من اي تسريب بسيط جدا جدا جدا )
    ممكن زرار التكييف يعمل نفس المشكلة
    وممكن الثرموستات لو موجوده (عندك كليمت كونترول او دوال مود في زراير التكييف???) ولو ثرموستات ممكن يبقى حساسات الحراره وممكن حساس الضغط او ساعة الضغط معلق او عامل قفله او بايز او فيشه مهزوزه ( سواء مروحه اوفيشة الكلاتش او حساس البرشر)
    اكشف كهربا الاول( قبلها ركب جيدجات مانفولد الضغط او عدادات او انابير الشحن زي ما بيسموها وصل كهربا الكومبروسر دايركت شف قراءات الضغوط عالى وواطي ماتكتفيش بقراءة الخط الواطي او المنخفض الازرق قبل وبعد التشغيل وقلي عليها وبشكل عام ممكن احتمالات العطل زياده شحنة او نقص او عطل كهربا او حساس برشر ) واتاكد من حساس الضغط والثرموستات بعدين اشحن للتجربة والاختبار اشتغل معاك؟؟... بعد كدا لازم تفرغ ساعة على الاقل بعد تغيير فلتر الفريون بواحد جديد واشحن الكمية كاملة من اول وجديد
    وطلب من كل زوار المنتدى والاعضاء عند ذكر مشكلة او عطل ممكن نذكر نوع العربية والموديل لو سمحتوا
    كل عام وانتم بخير
    معالى الباشا انا ذكرت نوع العربيه بومه 2004 سؤالى لحضرتك هل لو الفريون ناقص الكمبروسر مايشتغلش ؟ وهل فيشة المروحه ليها علاقه بأن الكمبروسر ما يشتغلش ؟؟ فين مكان حساس الضغط والثيرموستات فى اللانسر ؟؟؟فين مكان فلتر الفريون ؟؟؟؟ شكرا جزيلا على الرد


  4. #4

    الصورة الرمزية mbx4e

    رقم العضوية : 26061

    تاريخ التسجيل : 24Nov2008

    المشاركات : 1,387

    النوع : ذكر

    الاقامة : 6th of Oct. city

    السيارة: لا

    السيارة[2]: بيجو ٢٠٥"١٩٩٠"

    دراجة بخارية: لا

    الحالة : mbx4e غير متواجد حالياً

    افتراضي -

    اقتباس المشاركة الأصلية كتبت بواسطة hhhhhm مشاهدة المشاركة
    معالى الباشا انا ذكرت نوع العربيه بومه 2004 سؤالى لحضرتك هل لو الفريون ناقص الكمبروسر مايشتغلش ؟ وهل فيشة المروحه ليها علاقه بأن الكمبروسر ما يشتغلش ؟؟ فين مكان حساس الضغط والثيرموستات فى اللانسر ؟؟؟فين مكان فلتر الفريون ؟؟؟؟ شكرا جزيلا على الرد
    انا اسف جدا لحضرتك جدا بس بجد في ناس كتير مابتذكر نوع العربية ودا خطأ مني والعتب على النظر يافندم اعذرني لتعجلي في القرأة وحضرتك عارف المواقع لما تفتح على الموبايل شكلها بيبقى متغير وتقعد الصفحة تطلع وتنزل مع الكتابه وتحميل النت
    بما ان عندك بومه 2004
    والعربية دي من العربيات اللي سيستم التكييف بتاعها حلو وبسيط ومش مقرف في الصيانة بالنسبة لعربيات وموديلات تانية وحاجتها متوفره ومعمره حتى لو كانت سعرها عالي حبتين وتستاهل انك تصرف عليها وتستثمر فيها وتحافظ على قيمتها ربنا يحفظها ليك يارب او حتى لما تبيعها ربنا يبارك لك في الاحسن منها
    عشان نظام التكييف في عصرنا الحالى بجد ضروره مش ترفيه ولا اوبشن لو حصل فيه عطل واخدت فترة طويلة تتجاوز تقريبا ٤شهور مثلا و ماعالجتش العطل وجيت تصلحه بيكلف اكتر وبيستلزم تغيرات كتير ومابيرجعش بنفس الكفاءه لو حبيت تلم المواضيع وماتصرفش ربنا يكون في عونا جميعا
    مبدأيا البومة حتى لو فيها ثرموستات (ماعنديش علم بالنقطة دي تحديدا عشان اكون صادق وذمتي بريئه قدام ربنا ومع الناس اللي بتقرأ الكلام )اذا كان موجود في البومه فامش هايبقى من النوع المعقد ويكون بسيط
    ولو هايبقى موجود غالبا هو شغال عندك ومافهوش مشاكل بأذن الله
    اجابتي عل اسألتك بالترتيب :
    ١- نعم . الفريون لو ناقص في الدوره الكباس لايعمل لان الكلاتش بيبقى مفصول اجباري حتى لو اشتغل معاك لما اخد كهربا مباشرة ودي حاجه تطمن ان الموضوع بعيد عن الكباس ودا بيكون من خلال دايرة حماية كهربائية عن طريق حساس البرشر او ساعة الضغط او ساعة ضغط الفريون او سوتش البرشر او الضغط ودا بيختلف في انواعه فيه منه حساس ٢ في واحد ضغط واطي وعالي وظيفته انه يفصل دايره كهربا عن موبينة او كويل الكلاتش (اللي وظيفته انه يشغل الكباس من خلال تعشيقه مع عمود ادارة او كرنك الكباس )لانه مغناطيس بيشتغل بالكهربا النوع التاني بيبقى في حساس عالي منفصل عن حساس الضغط المنخفض يعني حساسين بدل واحد والقصة دي موجوده في كل العربيات سواء حساس او اتنين وممكن دايره يبقى فيها حساسات حراره ةتفصل الدايره كهربا برده لو الدايره معقده حبتين بس الكلام دا مش عند حضرتك بأذن الله.
    ٢- سؤالك عن فيشة المروحه مش واضح هل حضرتك تقصد المروحه ولا الفيشه وايه مشكلة الفيشه؟
    المهم موضوع المراوح بيأثر على الكباس ومايخلهوش يشتغل لو خلل او عطل في المراوح(هنا ممكن يبقى المروحه مابتشتغلش او بتشتغل بس ضعيفة او شغالة على سرعة قليلة لان بيبقى فيه مراوح على سرعات ودي بتسبب مشاكل في التكيف زي الكباس يبوظ بعد فترة او السربنتينه الخارجيه تتخرم بسبب الضغط الزياده وعدمالتبريد دا غير مشاكل حرارة الموتور) او التوصيلات للمراوح او التقسيمه او الفيشة مهزوزه او حتى مفصوله ومش راكبه كل دا يمنع الكباس من انه يشتغل
    3-بالنسبة للثرموستات فانا ماعنديش علم زي ماوضحتلك قبل كدا
    بالنسبة لحساس الضغط بيبقى موجود على المواسير او راكب في فلتر مجفف الفريون اللي هو الرسيفر دراير على حسب كل موديل حضرتك هاتتبع الخراطيم والمواسير في حوض العربيه بتاعة المكيف طبعا هاتلاقي شيء راكب عليها وليه مكان وواصله فيشه هو دا وعلى حسب كل موديل عربية وسيستم تكيف فيه كام حساس وراكب فين
    4- فلتر الفريون او المجفف او الرسيفر دراير عندك في حوض الموتور على شمالك ورا الكشاف الامامي اليمين افتح الكبوت وتتبع مواسير وخراطيم المكيف هاتلاقى شئ معدني المونيم لونها فضي او مدهون اسود اسطواني شبه علبة كانز البيبسي بس طبعا حجم مختلف يعني اعرض اكبر اقصر اطول وداخله مواسير وطالع منه مواسير هو دا
    نصيحتي لك ركب جيدج الضغوط او عدادات الضغط او ساعة القياس العالي والمنخفض واقرا الضغوط قبل تشغيل الكباس وبعده ووضح لي هي كام؟
    من المميزات الجميلة عندك في البومه ورا الرسيفر دراير هتلاقي ماسورة المونيا وفيها انتفاخ او تحس ان في محبس او علبة مربعة راكبه فيها دي عدسة بيان تقدر تشوف منها الفريون اللي موجود وتقدرتساعدك في تحديد العيب لو فيه مشاكل عند الشحن المفروض انك تشوف فيها الفريون سائل صافي من غير اي فقاقيع او رغاوي لأني الرغاوي دي دليل على وجود رطوبه لعدم التفريغ الجيد او وجود تسريب او فقاقيع قليله دليل على نقص شحنة الفريون ودي وسيلة مساعدة مع عدادات قياس الضغوط اللي هي اساس الشغل وفيصل الكلام
    عشان كدا حضرتك محتاج تقيس الضغوط لتحديد العيب دايره كهربا ولا دايرة مكانيكا الفريون
    وآسف للاطالة عليكم


  5. #5

    الصورة الرمزية hhhhhm

    رقم العضوية : 82794

    تاريخ التسجيل : 05Dec2010

    المشاركات : 208

    النوع : ذكر

    الاقامة : ABCD

    السيارة: LANCER

    السيارة[2]: LANCER

    الحالة : hhhhhm غير متواجد حالياً

    افتراضي -

    يا معالى الباشا ما أتحرمش من سعادتك أبدا و من المعلومات القيمه جدا الموجوده بالمشاركه وأن شاء الله أجيب القراءات اللى حضرتك طلبتها وأرد على سعادتك ومتشكر جدا جدا لتانى مره


  6. #6

    الصورة الرمزية windofchange

    رقم العضوية : 22731

    تاريخ التسجيل : 20Oct2008

    المشاركات : 3,291

    النوع : ذكر

    الاقامة : القاهرة

    السيارة: الحمدلله حمداطيبا كثيرا مباركا فيه

    السيارة[2]: Seat IBIZA 99 6K 1.6

    دراجة بخارية: لا

    الحالة : windofchange غير متواجد حالياً

    افتراضي -

    معلش تطفل علي موضوعك لو فيه صوت مياه بتترج و انا بخد ملف الصوت بييجي من عند الكويل .. العربية رينو كليو ٢٠٠٤ و الفايظ مش مسدود و بينقط مياه عادي يبقي ايه سبب تجمع المياه واللي بتسرب و تغرق الدواسة اللي جمب السواق

    " اللهم إنا نجعلك في نحورهم ، ونعوذ بك اللهم من شرورهم "


  7. #7

    الصورة الرمزية mbx4e

    رقم العضوية : 26061

    تاريخ التسجيل : 24Nov2008

    المشاركات : 1,387

    النوع : ذكر

    الاقامة : 6th of Oct. city

    السيارة: لا

    السيارة[2]: بيجو ٢٠٥"١٩٩٠"

    دراجة بخارية: لا

    الحالة : mbx4e غير متواجد حالياً

    افتراضي -

    اقتباس المشاركة الأصلية كتبت بواسطة windofchange مشاهدة المشاركة
    معلش تطفل علي موضوعك لو فيه صوت مياه بتترج و انا بخد ملف الصوت بييجي من عند الكويل .. العربية رينو كليو ٢٠٠٤ و الفايظ مش مسدود و بينقط مياه عادي يبقي ايه سبب تجمع المياه واللي بتسرب و تغرق الدواسة اللي جمب السواق
    عزل الكويل والسدد الداخلي بشكل جزئي بيقلل صرف المياه ويحبسها ومن اقرب مكان المياه تنزل دا لو المياه محبوسه تغرق لكن غير كدا ماتعملش كدا
    الاحتمال التاني تسريب من سربنتينه الدفايه اللي بتتوصل مع دايرة مياه العربيه الغيها واشفط او فضي منها المياه او غيرها لو انت محتاج التكييف السخن واعمل موضوع المحبس اللي بيمنع مرور المياه وفضيها في الصيف وشغلها في الشتا بس


  8. #8

    الصورة الرمزية mbx4e

    رقم العضوية : 26061

    تاريخ التسجيل : 24Nov2008

    المشاركات : 1,387

    النوع : ذكر

    الاقامة : 6th of Oct. city

    السيارة: لا

    السيارة[2]: بيجو ٢٠٥"١٩٩٠"

    دراجة بخارية: لا

    الحالة : mbx4e غير متواجد حالياً

    افتراضي -

    http://www.nilemotors.net/Nile/408701-a.html
    شوف الموضوع مغطي كل التفاصيل


  9. #9

    الصورة الرمزية hhhhhm

    رقم العضوية : 82794

    تاريخ التسجيل : 05Dec2010

    المشاركات : 208

    النوع : ذكر

    الاقامة : ABCD

    السيارة: LANCER

    السيارة[2]: LANCER

    الحالة : hhhhhm غير متواجد حالياً

    افتراضي -

    اقتباس المشاركة الأصلية كتبت بواسطة windofchange مشاهدة المشاركة
    معلش تطفل علي موضوعك لو فيه صوت مياه بتترج و انا بخد ملف الصوت بييجي من عند الكويل .. العربية رينو كليو ٢٠٠٤ و الفايظ مش مسدود و بينقط مياه عادي يبقي ايه سبب تجمع المياه واللي بتسرب و تغرق الدواسة اللي جمب السواق
    أنت تشرفنا وتشرف الموضوع


  10. #10

    الصورة الرمزية hhhhhm

    رقم العضوية : 82794

    تاريخ التسجيل : 05Dec2010

    المشاركات : 208

    النوع : ذكر

    الاقامة : ABCD

    السيارة: LANCER

    السيارة[2]: LANCER

    الحالة : hhhhhm غير متواجد حالياً

    افتراضي -

    hasad">

    الحمد لله المشكله أتحلت من خلال صديق عمل وصله لحساس الفريون فالكمبروسر أشتغل
    وأطمنا أن الكمبروسر تمام
    وبعدين فتح بلف الفريون مالقاش فريون موجود
    وده كان السبب أن الكمبروسر ما بيشتغلش
    النهارده الحمد لله أشتريت علبتين فريون
    وصاحبى شحن التكييف
    وكله تمام حتى الأن
    لغاية لما أتأكد أن مفيش مشكله تانيه لأن الفريون كان تمام قبل المشكله بيومين معنى كده أنه أتسرب مره واحده فحاليا متابع لمعرفة سبب تفريغ الفريون مره واحده
    شكرا جزيلا للعضو المحترم mbx4e
    وشكرا جزيلا لنايل موتورز أكبر محتوى عربى عن السيارات على الأنترنت



 
صفحة 1 من 3 1 2 3 الأخيرةالأخيرة

المواضيع المتشابهه

  1. برجاء كيف افك الكمبروسر
    بواسطة alassaby5 في المنتدى مشاكل وصيانة تكييف السيارة
    مشاركات: 0
    آخر مشاركة: 25-02-2014, 02:51 AM
  2. مشاركات: 4
    آخر مشاركة: 08-10-2013, 07:10 PM
  3. الفيشه دي واصله بايه
    بواسطة biomedo في المنتدى دايــو+شيفرولية لانوس
    مشاركات: 5
    آخر مشاركة: 17-11-2012, 02:22 PM
  4. الاورج بتاع بنتي مش واصله كهربا مساعده لو تكرومتوا
    بواسطة aminibrahim في المنتدى المنتــــــدى الاجتمــاعى
    مشاركات: 4
    آخر مشاركة: 02-03-2012, 02:06 AM
  5. سعر 4 باب ازاز كهربا + سنتر +مرايات (كهربا او عادة) بكام؟
    بواسطة aboulojain في المنتدى هـــــــوندا
    مشاركات: 2
    آخر مشاركة: 24-06-2011, 09:23 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2