الموضوع: تقرير عن تكييف شارب انفرتر

اشتريت شارب انفرتر 1.5 حصان الاسبوع الى فات

انفرتر للى مش عارف بيختلف عن التكييف العادى أنه مش بيفصل ويشتغل زى التكييف العادى
التكييف العادى المفروض بيفصل بعد ما يوصل لدرجة الحرارة الى مطلوب يوصلها وبعد كده يفصل
ويفضل كده لغاية ما درجة الحرارة تعلى عن الدرجة المطلوبة فييبدا يشتغل تانى لغاية ما يوطى درجة الحرارة للدرجة المطلوبة وبعد كده يفصل تانى

يعنى الكباس يا شغال ب 100% طاقتة يا اما واقف مش شغال

اما فى الانفرتر التكييف بيشغل على درجات يعنى ممكن يشتغل ب 10% من سرعتة او 20% او 100%
فهو مثلا فى البداية بيشتغل ب 100% لغاية ما يوصل درجة الحرارة لدرجة الحرارة المطلوبة وبعد كده يشتغل ب 20 % او ... الخ


التكييف سعره 8000 جنيه من موزع معتمد
السعر الرسمى فى العربى 8450 جنيه
هو تقريبا التكييف الوحيد الى سعره الرسمى اعلى من سعره عند الموزعين تقريبا لقلة الطلب عليه
الواحد ونص العادى سعره عند الموزعين وصل 6000 جنيه فى حين ان سعره الرسمى 5000

مكتوب على الكرتونة من بره صنع بمصانع شارب فى تايلاند - استيراد شركة العربى

مكتوب أنه بيوفر كهرباء لغاية 60% من الاستهلاك

التكييف صوته اهدى كتير من العادى

مكتوب أنه بيوفر 60% وانا حسبت تشغيله كام مرة لوحده ولقتية بيستهلك بين 0.25 كيلو وات الى 0.50 كيلو وات كل ساعة ومرة وصلت 0.6

ده بعد كذا تجربة منهم مرة شغلتة 24 ساعة كاملة

لكن طبعا ده بيختلف على حسب المود ودرجة الحرارة الى ظابتها عليه ودرجة الحرارة فى الخارج

انا بشغله فى العادة على 26 وده بيخلى الاوضة ساقعة بالنسبة لى وباتغطى لو اقل من كده مش ببقى مبسوط بدرجة الحرارة

اغلي 3000 علشان احدث وفيه الخاصية دي