الموضوع: محتاج دكتور جلدية شاطر جداً وعنده ضمير

فيه دكتورة فى مصر الجديدة اسمها اغاريد الجمال
وفيه دكتور اسمه حاتم زهدى فى الدقى
ودطتور اسمه حسنى عوض فى شارع التحرير

المشاركة الأصلية كتبت بواسطة tarekmomo

فيه دكتورة فى مصر الجديدة اسمها اغاريد الجمال
وفيه دكتور اسمه حاتم زهدى فى الدقى
ودطتور اسمه حسنى عوض فى شارع التحرير

أشكرك
حضرتك ليك تجارب معاهم ؟

المشاركة الأصلية كتبت بواسطة egyption2012

حامي امبابي
سبورتنج - الاسكندرية

قاهرة او جيزة !
أشكرك .

المشاركة الأصلية كتبت بواسطة عﻻء سالمان

احجز عند محمد الظواهرى فى باب اللوق راجل غنى عن التعريف

هو في كام دكتور اسمه الظواهري
عملت بحث طلعلي دكاترة كتير بتوع جلدية اسمهم الظواهري

في بكر الظواهري وفي محمد بكر الظواهري وفي محمد الظواهري وفي خالد الظواهري
كلهم جلدية في وسط البلد وباب اللوق

والكشف 400 والحجز قبلها بشهرين !

ياريت تفاصيل اكتر عن الدكتور المقصود .. وشكراً ليك .

ان ثقافة اليزنس التى يتعامل بها الطبيب مع مريضه و التى تولدت فى مصر على مدار عقود جعلت الطبيب دائما فى وضع silent mode مثل التليفون عندما يوضع على وضع الصامت ولا يجد الطبيب غضاضة فى ان لا يناقش المريض فى مرضه ويشرح له كل الاختيارات العلاجية المتاحة ونسبة نجاح وفشل كل اختيار ويشرك المريض فى اتخاذ القرار وهو ما يعرف فى الطب الحديث ب patient centered medicine
لانه ببساطة شديدة سيخسر كشفين او ثلاثة خلال هذا الوقت الثمين ولا يعلم انه قد اصبح واجبا عليه ان يفعل ذلك طالما انه استحل ان ان ياخذ قيمة الكشف من المريض
كل ذلك جعل المريض يتعامل بثقافة اخرى وهى ان كل مرض له علاج شافى وسريع جدا مهما كان نوع المرض ولكن المشكلة انه لم يتوصل الى هذا الكائن الزومبى الطبيب النادر وجوده فى المجرة الذى يعرف العلاج
اخى الكريم لن تجد هذا الطبيب وستضيع مالك ووقتك
والتهاب الاظافر الفطرى ليس بالمرض النادر الذى لا يعرف علاجه الا خاصة الاطباء بل يعلمه طبيب الامتياز بل وطالب كلية الطب ولن تجد اكثر مما قرات على النت
فلا تسرف فى سقف الطموح ثم تصاب باحباط
يكفيك طبيب اخصائى جلدية بسيط تتابع حالتك معه وتقبل تحياتى
د.شريف
استشارى باطنة
عضو الكلية الملكية البريطانية (لندن)

اشكرك د.lonedoctor
الموضوع مش فلوس " الصحة لا تقدر بمال "
المشكلة ان في دكاترة بتتسبب في ضياع الفلوس والصحة والوقت
ولي تجارب كتير مع النوعيات دي

دكتور اسنان قالي عندك ضرسين مسوسين والتالت داخل عالعصب وهنحشي ونرمم ونعمل ونسوي
وطلعت اسناني زي الفل مفهاش اي شىء وكل الحكاية انه كان هيخربلي اسناني علشان يطلع بقرشين

وكام دكتور عيون كدة عملولي عملية كيس دهني في جفن العين ( اهو دي حاجة سهلة لأي دكتور عيون ومنتشرة )

نخربوا في جفني شوية وعكشوا شوية فلوس وفضل جفني زي ماهو منهم مستشفى مغربي
" دكتور التجميل في مغربي كان عايز يشيلي شوية رموش ومش هتطلع تاني "

وفي الاخر توصلت لجندي مجهول ملهوش عيادة خاصة حتى .. وعملي اللي غيره معرفش يعمله وعلى أفضل ما يكون " الله يباركله "

وغيره وغيره مع الدكاترة

علشان كدة انا طالب دكتور عنده ضمير ومتخصص وفاهم يجيب مالاخر
سواء كان المرض سهل ولا صعب .. انا معنديش وقت اضيعه ولا صحة مستغني عنها اكتر من كدة .

الدكتور المقصود مش بسعر الكشف بتاعه ولا بسنه ولا بشهرته
بضميره وكفائته .