عرض للطباعة
سلام عليكم كل سنة وحضراتكم طيبين انا بفكر أجيب انفى 2016 زيرو عايز اعرف هي سعرها كام النهاردة في المعارض انا معايا حاليا حوالي 105000 لقيتها مش جايبة حاجة مستعملة نضيفة قولت احطها في زيرو ايه رأيكم فيها انا عايز عربية معمرة تريحني ومش هافكر ابيع قبل 5 أو 7 سنين على الأقل بس برضه قلقان منها علشان صيني ايه رأيكم اجيبها ولا اشوف حاجة مستعملة ارجو الإفادة من خبراء المنتدى
اتوكل على الله و اشتريها
انا اشترتها
بعد مكنت بدور على عربية كيا و لوجان و جربت عربية اسمها جاك و اوبترا و كيا ريو
فى الاخر اشتريت شيرى انفى للاسباب التالية
عربية سعرها 99 الف و تقدر تفاصيل لحد 98 او 97 الف
عربية تستحق انك تشتريها لانها هتغلى خاصة و انها احسن من البى واى دى و الفيرنا
عربية شكلها جامد و مظهرها حلو جدا بالذات الفيرانى الغامق منها
سحبها كويس و عضمها ناشف
صوتها هادى
العربية بالنسبة لى ناقصها شوية كامليات زى
انها تكون اوتوماتيك و فيها اثنين ايرباج و بلوتوث و فتحة aux
يعنى انا بتكلم فى حاجات عادية مش هتشلنى يعنى لو مكنتشى فى العربية
صالونها مريح جدا
تقفيلها حلو
لحامتها كويسة
كنت اسمع و انا بشتريها انها فيها خبطة فى المساعدين الخلفى لكن ده محصلشى و انا بمشى فى مطباط على مهلى عادى مفيش حاجة
عجبنى فيها ان البنزين عالى و دة بيخلينى احركها بمجرد رفع رجلى من على الدبرياج فقط
توكيلها غبور و ناس كويسة و مشفتش منهم حاجة وحشة
الاهم عندى كمان انى مدفعتش كتيير فى عربية لان عندى اهداف تانية زى انى بحوش بقى عشان اجيب شقة تمليك او ارض عشان مستقبل عيالى
فمكنشى فى دماغى اضيغ فلوسى فى عربية لمجرد انى اقول راكب كورى او صينى
مع العلم ان شيرى انفى تقفيل محلى و تستاهل
احسن من جيلى بكتيير و بمراحل لانى جرب جيلى
و بعدين كل العربيات بتروح نفس المشوار يعنى مش هتنزل من بيتك تقولها يلا نروح النادى او نروح اسكندرية هتقولك لاه انا صينى او هندى او مش قادرة امشى انهاردة .
العربيات كمان مش شئ اساسى فى الحياة هى فقط ضروريات
لكن الاساسى و المهم مستقبل عيالك مش العربية
و بلاش التفكير فى البيع لاننا الشعب الى بيفكر يبيع قبل ميشترى -- سبحان الله -- ناصح بطبعة ---- ههههههههه
و اخيرا سيبك من الى يقلك هات مستعمل او كسر زيرو لان ده كله غلط و الزيرو فى اى حاجة يستحق و يكفيى انك نفسيا عارف انه لو فية شكوى هتجيب حقك لانك فى ضمان و فى حقوق مستهلك و غيره عكس المستعمل طبعا
فى ناس مش لاقية تجيب حتى عجلة وبيصرفوا خمسين جنية او اكتر فى المواصلات
نسيت اقولك ان التكيف اقسم بالله على واحد او اثنين بالكتيير جدا هتعيش جو تانى
هتنام و انتة سايق راحة و برودة و حاجة جميلة و محستشى بتاثير على سحب العربية او الموتور
بالتوفيق و ربنا يكفيك شرها
طيب معلش اخر حاجة الموتور بتاعها عامل ايه لان بصراحة الناس بتقولي العربيات الصيني مواتيرها ضعيفة وتعبانةاقتباس:
المشاركة الأصلية كتبت بواسطة engphp
كلام مظبوط من احد ملاك الانفى كل سنه وحضرتك طيب ؟اقتباس:
المشاركة الأصلية كتبت بواسطة engphp