استفسار بخصوص جهاز قطع الكهرباء عن موتور المياه

**Amr_MO** · 07-07-2016 01:25 PM

السلام عليكم ورحمة الله وبركاته وكل عام وانت بخير

عندنا موتور كالبيدا 1.5 حصان ومركبين عليه 3 بالونات لعمارة 12 دور

قمنا من فترة باستبدال البالونات بجهاز الفلوماك ولكن للاسف كان ضعيف وكان اقصى قدرة لدفع المياه فيه للدور السابع فقط وهكذا اضطرينا للعودة مرة اخرى للبالونات

السؤال هنا هل في وحدة او جهاز يمكن تركيبه على الموتور بقوم بفصل الكهرباء عنه في حالة انقطاع المياه حتى لا يحترق ويقوم باعادة توصيلها تلقئيا عند عودة المياه

يعني محتاجين جهاز يقوم بنفس عمل الفلوماك من قطع التيار عند انقطاع المياه وهكذا

ياريت الي عنده فكرة تكون مجربة عن الموضوع يفيدنا عن اسمها ومنين بالظبط نقدر نشتريها يعني اسم المحل وتليفونه ان امكن وهي هي ايطالي ولا صيني

ولو برضه حد عنده تجربة عن جهاز فلوماك موديل او ماركة معينة يكون اقوى ويقدر يرفع المياه للدور ال 12 بقوة يقولنا نجيبه منين برضه لأن مشكلة انقطاع المياه متكررة اليومين دول بدل ما الموتور يتحرق ونضطر نشتري واحد جديد

**mk3** · 08-07-2016 05:18 AM

سؤال لحضرتك
هل الموتور بيلحق يفصل وقت محترم ويشتغل مع نظام البالونات

**Amr_MO** · 08-07-2016 11:02 AM

المشاركة الأصلية كتبت بواسطة mk3

سؤال لحضرتك
هل الموتور بيلحق يفصل وقت محترم ويشتغل مع نظام البالونات

ايوة بيحصل بس فترة بالليل بعد ما الناس كلها تنام لكن طول النهار تقريبا مبيفصلش بسبب كثرة السحب من الشقق كلها

**mk3** · 09-07-2016 01:11 AM

المشاركة الأصلية كتبت بواسطة amr_mo

ايوة بيحصل بس فترة بالليل بعد ما الناس كلها تنام لكن طول النهار تقريبا مبيفصلش بسبب كثرة السحب من الشقق كلها

عندى نفس مشكلتك
12 دور وعلى بالونتين فقط ولازم اعلى الموتور يفصل على 5 عالعداد. وطبعا مش بيغصل الا صدفه طول النهار.
جالى بتاع مواتير اقترح تركيب موتور بعده عشان يريحوا بعض.
_________________
بالنسبه لمشكله الكهرباء وصى البواب ودنه مع الموتور...ولو موتورك بيسحب ميه من الشارع فقليل اما الميه هتقطع عليه ولو حصلت هتكون قطع كبير جدا وعام ومعرووووف وهتاخد احتياطاتك قبلها.

**Amr_MO** · 09-07-2016 05:32 PM

ماهو المشكلة ان البوابين بيسافرو بلدهم ساعات كتيرة وساعات بتقطع فعلا من غير مواعيد ولا اشعارات ولا غيره

طيب استفسار لو ركبنا موتورين هل الصح يركبوا بالتوالي ولا بالتوازي مع بعض، وهل بعدها ممكن تجيب الفلوماك ونسغل قوة المتورين انه يقدر يوصل المياه للدور ال 12 ولا برضه قوة رفع المياه محكومة بالفلوماك بس بغض النظر عن قوة الموتور الاصلي نفسه؟

**mk3** · 09-07-2016 08:16 PM

ياريت اللى يعرف يرد up up

**amr011111** · 09-07-2016 10:05 PM

الفلوماك مش هينفع لعمارة 12 دور. فيه ترموستات حرارة على ما افتكر سعرها ب 250 جنيه بتظبطها انالموتور يفصل مثلا لما حرارته تبقى 40 درجه وديه ان شاء الله هيحفظ الموتور من انه يتحرق وبالتوفيق

**Amr_MO** · 09-07-2016 10:11 PM

المشاركة الأصلية كتبت بواسطة amr011111

الفلوماك مش هينفع لعمارة 12 دور. فيه ترموستات حرارة على ما افتكر سعرها ب 250 جنيه بتظبطها انالموتور يفصل مثلا لما حرارته تبقى 40 درجه وديه ان شاء الله هيحفظ الموتور من انه يتحرق وبالتوفيق

طيب ياريت حتى صورة للوحدة دي او شرح لطريقة تركيبها يعني الترموستات بتركب جوة الموتور نفسه ولا فين

ياريت اسم الوحدة دي نفسها ومنين نقدر نجيبها تكون حاجة نضيفة

وهل الوحدة دي بترجع الكهربا تاني للموتور لما حرارته تنخفض ولا ايه

**amr011111** · 09-07-2016 10:20 PM

المشاركة الأصلية كتبت بواسطة amr_mo

طيب ياريت حتى صورة للوحدة دي او شرح لطريقة تركيبها يعني الترموستات بتركب جوة الموتور نفسه ولا فين

ياريت اسم الوحدة دي نفسها ومنين نقدر نجيبها تكون حاجة نضيفة

وهل الوحدة دي بترجع الكهربا تاني للموتور لما حرارته تنخفض ولا ايه

للاسف مش معايا صورة ليها. وهى نفس فكرة عمل اى ترموستات يعنى الموتور بيشتغل لما حرارته تقل عن درجة الحرارة اللى مظبط الترموستات عليها. لو انت قريب من الهرم اديك رقم تليفون محل موجوده عنده وبالتأكيد هتلاقيها فى كذا حته وبالتوفيق