لا حول ولا قوة الا بالله

**محمد بلال** · 07-07-2016 05:21 PM

والله الواحد قرفان من وضع البلد الاقتصادى ده مش عارف انا واحد شغله كله معتمد على الاستيراد وحالة الجنية المصرى وارتفاع الدولار خلى حال الواحد وقف مش عارف اعمل ايه هل فى امل ان وضع الجنية يتحسن ولا صعب علشان انا معاى قرشين هل ادخلهم فى مصلحة مع ارتفاع سعر الدولار ولا استنى لغاية لما وضع البلد الاقتصادى يتحسن مع العلم ان المصلحة دى مقيدة بفترة زمنية باقى منها تسعة اشهر وبعد كده حطير منى

**Karim Alaa** · 07-07-2016 08:51 PM

الواحد حاسس بيك بش مش شايفين اى موارد دولاريه ولا حتى منح او ودائع جت حتى الى اعلن عنه مجاش منعرفش ليه كل الى شايفينه الديون الى بتتسدد و الودائع الى بتترد مش عايز ابقى متشائم بس قول يارب

**dede_dodo88** · 07-07-2016 10:39 PM

متبنيش اي خطط على امل ان الاقتصاد يتحسن, عشان مش هيحصل,, على الاقل مش في جيلنا..

**محمد بلال** · 08-07-2016 01:53 AM

ليه يا جماعة النظرة التشاءم دى

**Imhotep** · 08-07-2016 02:12 AM

خدها قاعدة من هنا و رايح
لو عايز تشتغل و تعمل فلوس يبقى ابعد عن الاستيراد
سبوبته راحت عليها خلاص و من هنا و رايح التخنيق عليها هو القاعدة. . . و فى اول اربع شهور من السنة دى حصل وفر حوالى خمسة مليار دولار فى الواردات. . . يعنى بنهاية السنة بنفس المعدل الواردات هتنخفض 15 مليار دولار. . . فى حين الصادرات بترتفع. . . لانهم اخيرا فهموا ان ده الصح. . . و ادى الاخبار بكده.:
وزير التجارة: 4.5 مليار دولار انخفاض في قيمة الواردات خلال 4 أشهر | المصري اليوم

الوطن | «التجارة والصناعة»: 9% ارتفاعاً فى الصادرات خلال أبريل و3.7 مليار دولار انخفاضاً فى الواردات خلال الربع الأول

صدى البلد: قابيل: 7% ارتفاعا في الصادرات وانخفاض الواردات 19% خلال مايو

هييجى اللى يقولك ده كلام جرايد. . . هنقوله بسيطة لان الميه تكدب الغطاس. . . و اللى عايز يتأكد يراجع ميزانية الدولة. . . و لو استمرت الامور فى الاتجاه ده. . . يبقى شوية شوية هتلاقى العجز فى الميزان التجارى و الحساب الجارى للدولة بيتقلص تدريجيا. . . و فى بعض المؤشرات بدأ يبقى فيها فائض بالفعل. . . اخيييييرا فهموا الحسبة الصح و الطريق اليها. . . بعد عقود من السبهللة فى الاستيراد و الانفتاح السداح مداح على رأى احمد بهاء الدين الله يرحمه اللى وصلنا للى احنا فيه حاليا. . . بس القادم افضل رغم صعوبة العديد من محطاته ان شاء الله
نصيحتى لك. . . اعكس الدفة و حاول تشتغل فى التصدير. . . ده المستقبل

**imnotim** · 08-07-2016 02:45 AM

المشاركة الأصلية كتبت بواسطة dede_dodo88

متبنيش اي خطط على امل ان الاقتصاد يتحسن, عشان مش هيحصل,, على الاقل مش في جيلنا..

بالظبط كده ده لو اتحسن في الاجيال القادمة اصلا لأني بشك في ذلك بص من الاخر لو في فرصة للعمل في الخارج وتكون مناسبه توكل على الله لكن متستناش هنا

**rotanamasoud** · 08-07-2016 02:53 AM

المشاركة الأصلية كتبت بواسطة imhotep

خدها قاعدة من هنا و رايح
لو عايز تشتغل و تعمل فلوس يبقى ابعد عن الاستيراد
سبوبته راحت عليها خلاص و من هنا و رايح التخنيق عليها هو القاعدة. . . و فى اول اربع شهور من السنة دى حصل وفر حوالى خمسة مليار دولار فى الواردات. . . يعنى بنهاية السنة بنفس المعدل الواردات هتنخفض 15 مليار دولار. . . فى حين الصادرات بترتفع. . . لانهم اخيرا فهموا ان ده الصح. . . و ادى الاخبار بكده.:
وزير التجارة: 4.5 مليار دولار انخفاض في قيمة الواردات خلال 4 أشهر | المصري اليوم

الوطن | «التجارة والصناعة»: 9% ارتفاعاً فى الصادرات خلال أبريل و3.7 مليار دولار انخفاضاً فى الواردات خلال الربع الأول

صدى البلد: قابيل: 7% ارتفاعا في الصادرات وانخفاض الواردات 19% خلال مايو

هييجى اللى يقولك ده كلام جرايد. . . هنقوله بسيطة لان الميه تكدب الغطاس. . . و اللى عايز يتأكد يراجع ميزانية الدولة. . . و لو استمرت الامور فى الاتجاه ده. . . يبقى شوية شوية هتلاقى العجز فى الميزان التجارى و الحساب الجارى للدولة بيتقلص تدريجيا. . . و فى بعض المؤشرات بدأ يبقى فيها فائض بالفعل. . . اخيييييرا فهموا الحسبة الصح و الطريق اليها. . . بعد عقود من السبهلله فى الاستيراد و الانفتاح السداح مداح على رأى احمد بهاء الدين الله يرحمه اللى وصلنا للى احنا فيه حاليا. . . بس القادم افضل رغم صعوبة العديد من محطاته ان شاء الله
نصيحتى لك. . . اعكس الدفة و حاول تشتغل فى التصدير. . . ده المستقبل

كل سنه وانت طيب
اللى بتقوله صح بس لازم يكون فى صناعه وزراعه حتصدر ايه غير كده ده عيب سيستم الدوله من ايام مبارك انه صعب على اللى بيفكر صح وعايز يفتح مصنع وسهل على اللى عايز يستورد مع ان اللى حيفتح مصنع صغير حيشغل مئات الاسر ومئات الناس بطريقه غير مباشره لاكن اللى حيستورد من المينا للكونتينر للمستهلك
زى مثلا السيارات المجمعه محليا ازاى بنفس سعر المستورده ومكونتها تدخل معفيه الجمارك(فساد)لان اصل وضع الجمارك حمايه الصناعه الوطنيه طبعا العربيات دى لو بتنزل بسعرها حتضرب اى عربيه مستورده فى مقتل (المثال ده يظبطنا احنا كمواطنين ويظبط الدوله بمليارات الدولارات اللى بنستورد بيها العربيات دى)
الصين تتمنى عملتها تنزل كده وهى تحتل العالم بمنتجتها

**mk3** · 08-07-2016 04:11 AM

محمد بلال
بص يا سيدى انا هجبلك الزتونه
البلد بتخنق على الاستيراد
ولو سلعك من ضمن سلع تسجيل المصانع وانت بتلم شغل من بره فاخلع من دلوقتى احسن....ولو(لو) القانون ده اتلغى عشان قوانين التجاره العالميه...فغالبا هو هيخش على قانون محلى ومحدش له حاجه عنده وهو مشروع تعديل قانون البطاقه الاستيراديه (لو مش معاك اللينك ابعتهولك) وبعديه هيخش على ربط الرقم القومى بالبطاقه الاستيراديه بدلا من رقم المتعاملين عشان اللعب....حاول تشوف اى سلعه تجمعها مش هقول تصنعها هو مسهلين اوى وبيدفعوا للامام المشاريع الصغيره والمتوسطه بقرض ال 5% (مع العلم انى ضد الاقتراض) والاجراءات الروتينيه بتختفى وهينزل قانون انشاء المصنع او الورشه بالاخطار..ومستلزمات انتاجك ومكنك عليه اعفاء....ملحوظه انا كنت فى مجال تجاره وحاولت اصنع على قدى ولقيت ان المنتج الصينى للاسف ارخص.

**mk3** · 08-07-2016 04:14 AM

المشاركة الأصلية كتبت بواسطة imhotep

خدها قاعدة من هنا و رايح
لو عايز تشتغل و تعمل فلوس يبقى ابعد عن الاستيراد
سبوبته راحت عليها خلاص و من هنا و رايح التخنيق عليها هو القاعدة. . . و فى اول اربع شهور من السنة دى حصل وفر حوالى خمسة مليار دولار فى الواردات. . . يعنى بنهاية السنة بنفس المعدل الواردات هتنخفض 15 مليار دولار. . . فى حين الصادرات بترتفع. . . لانهم اخيرا فهموا ان ده الصح. . . و ادى الاخبار بكده.:
وزير التجارة: 4.5 مليار دولار انخفاض في قيمة الواردات خلال 4 أشهر | المصري اليوم

الوطن | «التجارة والصناعة»: 9% ارتفاعاً فى الصادرات خلال أبريل و3.7 مليار دولار انخفاضاً فى الواردات خلال الربع الأول

صدى البلد: قابيل: 7% ارتفاعا في الصادرات وانخفاض الواردات 19% خلال مايو

هييجى اللى يقولك ده كلام جرايد. . . هنقوله بسيطة لان الميه تكدب الغطاس. . . و اللى عايز يتأكد يراجع ميزانية الدولة. . . و لو استمرت الامور فى الاتجاه ده. . . يبقى شوية شوية هتلاقى العجز فى الميزان التجارى و الحساب الجارى للدولة بيتقلص تدريجيا. . . و فى بعض المؤشرات بدأ يبقى فيها فائض بالفعل. . . اخيييييرا فهموا الحسبة الصح و الطريق اليها. . . بعد عقود من السبهللة فى الاستيراد و الانفتاح السداح مداح على رأى احمد بهاء الدين الله يرحمه اللى وصلنا للى احنا فيه حاليا. . . بس القادم افضل رغم صعوبة العديد من محطاته ان شاء الله
نصيحتى لك. . . اعكس الدفة و حاول تشتغل فى التصدير. . . ده المستقبل

هو بس ملحوظه لحضرتك دى مش شطاره تصنيع ده مجرد خنق على الاستيراد(تسجيل المصانع )...لسه موصلناش لللى فى بالك وانا بشجع زيك التصدير بس للاسف مش دى المؤشرات....كمان دى بيانات ارقام نموذج4 واللى عارف استيراد هيفهمنى كويس.