الناس اللي فاهمه في صوت تكتكه صادر من العلبه الصغيرة ورا الثلاجه ما السبب

**imnotim** · 08-07-2016 02:53 AM

من فترة كده بدأت اسمع صوت تكتكه مستمر صادر من العلبه الصغيرة ورا التلاجه ولاحظت ان تبريدها تحت انخفص اما الفريزر شغال عادي

كلمت الفني قال لي افصل التلاجه ٢٤ ساعه في تلج متجمد في المواسير سيبه عشان يسيح المهم نفذت طلبه

فعلا الصوت اختفى ٢٤ ساعة تقريبا ورجع تاني معرفش ليه بس الحمد لله التبريد مستمر والتلاجه بتفصل وتشتغل في مواعيدها عادي

تفتكروا ايه سبب الصوت ده في ناس بتقول طنش وعادي وخلال بحثي وجدت شخص بيقول ممكن مشكلة تايمر وحلها تغيير الترموستات لكن اغلب الردود اتفقت على ان الامر عادي والتلاجات شغاله عادي

اللي فاهم ايه رائيه؟؟

هل افصلها ٣ ايام ممكن يكون لسه فيها تلج في الانابيب؟

**Elawany13** · 08-07-2016 12:50 PM

الفريزر بينقط مياه فى التلاجه ؟

**reda elgohary** · 08-07-2016 06:09 PM

أبعد الثلاجة عن الجدار 20 سم على الأقل و أفصلها ساعتين على الأقل أسبوعيا و مادام التبريد كويس يبق لا تقلق

**reda elgohary** · 08-07-2016 06:15 PM

ربنا يبارك لك فيها

**mbx4e** · 09-07-2016 06:44 AM

خرطوم الصرف مسدود ولا سالك وصوت التكتكه جاي من تنقيط المياه ولا من التايمر؟
ولا الصوت دا بيبقى لما الكباس فاصل

**imnotim** · 09-07-2016 06:49 AM

المشاركة الأصلية كتبت بواسطة mbx4e

خرطوم الصرف مسدود ولا سالك وصوت التكتكه جاي من تنقيط المياه ولا من التايمر؟
ولا الصوت دا بيبقى لما الكباس فاصل

الصوت جاي من علبه صغيره ورا التلاجه متوصله بانبوب عليه ماده شبيهه بالفل لما بلمسها بتكون بارده جدا ومشبعه بالمياه البارده حاولت تجفيفها بقطعة قماش لكن لا فائده

**imnotim** · 09-07-2016 06:51 AM

للاسف الشديد الفريزر بيبرد ومش بيجمد بيجمد اكتشفت الموضوع ده النهارده والله خايف يكون الاستبليزر السبب لان قبله كانت شغاله عادي عموما رفعت درجة تبريد الفريزر لتلاته لما نشوف

**Elawany13** · 09-07-2016 03:13 PM

المشاركة الأصلية كتبت بواسطة imnotim

للاسف الشديد الفريزر بيبرد ومش بيجمد بيجمد اكتشفت الموضوع ده النهارده والله خايف يكون الاستبليزر السبب لان قبله كانت شغاله عادي عموما رفعت درجة تبريد الفريزر لتلاته لما نشوف

هي كريازي؟
رفع درجه التبريد مش هيفيد بحاجه
المشكله ديه بتحصل لما تنسي باب التلاجه مفتوح او مش مقفول كويس
الصح انك تفصلها خالص يومين تلاته وتسيب التلاجه مفتوحه
وتنشفها بعد كده وتشغلها هتلاقيها زي الفل