-
و الله يا ايهاب يا خويا انا غيرت الرشاشات برضةمن فترة و الدوارة زى الفل و السحب حلو و اشتهلاك البنزين زى ما انت قلت . بس المشكلة عندى انى حاسس أن صوت الماتور عالى شوية و ساعات بحس كأن فيه نعره كده . و كمان فيه نفضة فى العربية خصوصا لما أطول فى أشارة و لا حاجة ؟؟؟؟؟؟؟؟؟ دى ملاحظاتى بعد تغيرى لرشاشات بى أم
-
حطيت منظف رشاشات موبيل ؟
ولازم تغير بوجيهات وفلتر بنزين للاطمئنان كمان ويستحسن تغير فلتر الهواء لو ماكنتش مغيره قريب
-
-
dيبقى الاحسن تروح لمحمد السيد يحط العربية على الاسكانر وتشوف العيب منين
-
كل سنة وانت طيب من عند مين بالتحديد اشتريت الرشاشات لانى عايز اشترى رشاشات وماروحتش الحيرفيين قبل كدة وبيديك ضمان تجربة عليهوم ولا بيجربهوملك عندو وشكرا
-
طب حد يعرف الاستهلاك للنوبيرا اد ايه بعد التغيير لرشاشات bmw؟
-
كويس اوى الكلام الجامد دة
طيب انا بردو بلاحظ النتشة دى لما انقل من الاول واجى احرق على التالت اول ما يعدى الار بى ام ال2 تنتش والاقىها بعد كدة جمعت اسرع من قبل النتشة وفوريرة الاقى الار بى ام على 4.5 او 5 يعنى لحد ماتجمع ل2او 2.5 ار بى ام اقل ما بتجمع من 2.5 الى 4.5 او 5 وطبعا تغير سرعة التجميع دى بتحصل بعد نتشة
ولو بقى قارص اصلا على الاول ونقلت على التانى والغيار بدأ من 3 اربى ام بتجمع لحد ما انقل من غير النتشة وبسرعة
يارب تكونوا استوعبتم شرحى
معلومات هامة جدا
انا مغير الحاجات دى كلها مع بعض مرة واحدة
1_ بوجيهات ngk يبانى مكتوب عاليها منصنعة خصيصا لمواتير التويوتا وعلبتها برتقالى مايل للأحمر وجوة العلبة دى كل بوجية لوحدة فى علبة تانية
2_ سلوك بوجيهات كورى اصلى
3_ فلتر بنزين القديم كان مسدود وكان كاتم العربية اوى قبل مايتغير ولما اتفك ونفخت فية كان بيطلع سواد مع البنزين وكنت بنفخ جامد بعكس الجديد لما نفخت فية عشان اقارن بينهم كان مش بيحتاج مجهود عشان الهوا يعدى من الفلتر
4_فلتر زيت مع غيار الزيت موبيل xhp وبفكر فى الشل او اللى اتكلم عالية المستشار محمد ممدوح الفيكسو تقريبا بسش معرفش بيتباع فى اى بنزينة النوع دة
5_فلتر الهواء محتجش يتغير لانة اصلا نظيف ولونة لسة ابيض وملمش تراب استكفينا بتنظيفة بالهواء المضغوط
6_اما الرشاشات فا دية كشفنا عليها عن طريق الاسكانر وطلعت النتيجة انها شغالة مظبوط ومش معدل فيها هيا بتاعت العربية يمكن غيرت فيهم واحد ولا حاجة
اة ونسيت نقطة بردو اللى هيا رقم 7 _الكويل غيرتة بواحد جديد وتم عمل اختبار شرارة على البوجيهات الجديدة من ناحية الكويل مرة ومن ناحية البوجيهات مرة تانية بوجية بوجية على حدى
وبعد القصة دى طلعت على بتاع ريتادير غيرت شوية حاجات وغسلت دورة التبريد وحطيت مياة خضراء
بعد كل دة حاسس طبعا بفرق كبير وواضح فى استهلاك البنزين والسحب والتجميع وسخونية المكنة من الكبوت وليس من مؤشر الحرارة المؤشر الحمد لله ثابت بين النص والشرطة اللى قبل النص
بس اللى مضايقنى فعلا النتشة اللى موجودة دى على التانى ومخلية العربية بطيقة فى التجميع عقبال ماتعدى ال2 اربى ام
تفتكروا مثلا الرشاشات عايز تتنظف مثلا اجرب كدة احط سائل التنظيف واشوف اية النتيجة
ولا البوجيهات اللى لسة شاريها والمفروض ان هما يبانى فيهم بوجية مخسع
انا عن نفسى السبب منحسر قدامى فى السببين دول بس لو حد عندة اى سبب تانى ياريت يقولهولى عشان اخلص من النتشة دى
Content Relevant URLs by
vBSEO 3.6.0 PL2