الموضوع: معلومه مفيده عن الأوبترا

المشاركة الأصلية كتبت بواسطة kmansy

كنت أرجو أن تكون معلومة سيادتك مفيدة لكن الواضح إنك عندك دايو نوبيرا وعايز تقول إنها هى الشيفورليه أوبترا بس متعدلة وإسم أوبترا ده بتاعنا فى مصر المهم أحب أوضح لسيادتك إن شيفورليه أوبترا هو إسم العربية فى كل منطقة الشرق الأوسط وأوروبا وإسمها سوزوكى فيرونزا فى أمريكا الشمالية ودايو لاسيتى فى شرق آسيا بس ده مش معناه خالص إن النوبيرا هى الاسيتى أو الأوبترا أو الفيرونزا لإن الشركات دي كلها ملك جنرال موتورز وإن كان العربيات اللى بتيجي الشرق الأوسط كله من إنتاج مصنع دايو فى كوريا بس الحقيقة إن الصالون مختلف عن النوبيرا وكل حاجة بدون مناقشة مختلفة , الأوبترا أفضل جدا من النوبيرا اللى هى فشلت أصلا فى مصر.

من غير زعل بس انت شفت الصوره الى مع الموضوع و لا لأ الصورة لعربيه اوبترا بس عليها علامة دايو شركة دايو لما وقفت إنتاج العربيه الماتيز،اللانوس،النوبيرا و شركة جنرال موتورز اشترت شركة دايو طلعت نفس العربيات مع تعديلات طبعا فى الشكل اللى هى السبارك مكان الماتيز و الافيو بدل اللانوس و الاوبترا بدل النوبيراو الاوبترا اصلا فى اوروبا اسمها شيفورليه نوبيرا بس طبعا الوكيل فى مصر لازم يغير اسم النوبيرا علشان يعرف يبيع باسم شيفورليه اما بقى انك بتفول ان النوبيرا لثبتت فشلها فده كلام مش مظبوط التوكيل هرى نفسه اعلانات فى كل حته على الاوبترا و الافيو و الاعلانات الكتير دى دليل على عدم رواج السلعه زى مثلا تلاقى اعلانات المياه الغازية كترت فى رمضان علشان محدش بيشتريها فى رمضان و الدليل التانى ان الوكيل نزل الشيفورليه اللانوس تانى و اعتقد انه حينزل النوبيرا برضه لانهم على عكس ما انت بتقول تماما اثبتو كفاءة مش فشل
عموما كلف نفسك شويه و شوف الموقع ده للشيفورليه النوبيرا و هو بيتكلم عن ان ده الشكل الجديد من الجيل التالت للعربيه النوبيرا

http://www.autoexpress.co.uk/news/sp...et_nubira.html

شوف الفيلم ده كمان على اليوتيوب


http://www.youtube.com/watch?v=FNsg0Sq0KBM

المشاركة الأصلية كتبت بواسطة ahmed_su

مش متفق معاك فى الجزء ده ...!!! انا شايف ان الاعلانات شغل تسويقى صح جدا

والعربية الاوبترا بعد اعلان احمد حلمى باعت اعداد كبيرة ... تبقى دى سياسة تسوقية ناجحة

اكيد طبعا باعت ما هو ده الغرض من الاعلان تسويق السلعه لما تكون راكدة بس يا ترى هى كانت راكده ليه؟؟؟
هى بس كل الفكرة انى بقول ان الاوبترا اصلها النوبيرا لان ناس كتير مش عارفة المعلومة دى

المشاركة الأصلية كتبت بواسطة hanboly

شكرا على المعلومه
لكن برضه النوبيرا مش اوبترا والاوبترا مش اصلها نوبيرا
انت نفسك بتقول انهم نزلوا الاوبترا بدل النوبيرا عشان دايو خلاص اشترتها جنرال موتورز وبطلت تعمل عربيات
بس مش معنى كلمة بدل انها زيها بالظبط مع اختلاف الاسم فقط
ده كلام مش مظبوط
الاوبترا مش زى ما عملوا فى اللانوس جابوها وحطوا عليها علامة شيفروليه
لأ الاوبترا ملهاش علاقه بالنوبيرا
الاوبترا اكيد احسن بكتير
والا مكنتش تبقى اغلى منها ب 13 الف
وان كان لابد تقارنوا الاوبترا بالدايو
فانا رأيى ان الاوبترا بين النوبيرا والليجانزا
افضل من النوبيرا واقل من الليجانزا لان الليجانزا موتور اعلى 2000 سى سى
وبالنسبه لوموضوع الاعلانات
شوف فى كام عربيه هيونداى فى مصر وشوف غبور بيعمل كام اعلان كل اد ايه
الاعلانات مش معناها ركود فى السلعه ده مجرد تنشيط
وشوف برضه فى كام عربيه اوبترا وافيو
اعتقد انهم يعتبروا من العربيات المنتشره

واضح انك ماشفتش ولا الصورة اللى انا ارفقتا ولا الملف اللى على اليوتيوب و الموقع اللى بيأكد الكلام بتاعى