محتاج ورشه/صنايعى يكون بيفهم فى تكييف ميجان 2
عايز اغير كومبريسور و خرطوم.
ارجو النصيحه.
عرض للطباعة
محتاج ورشه/صنايعى يكون بيفهم فى تكييف ميجان 2
عايز اغير كومبريسور و خرطوم.
ارجو النصيحه.
حضرتك شخصت المشكلة وحددت العطل انها كباس +خرطوم على اي اساس؟
انت الدوره مفتوحه او فيها تسريب ؟؟؟ وبقالها قد ايه على الحال دا؟
يبقى ها تبقى متعرضه لرطوبه وهاتحتاج تغير فلتر الفريون او الدراير رسيفر ودا لازم تغييره بواحد جديد عشان جواه ماده بتمتص الرطوبه فاطول ما السيستم مفتوح او فيه تسريب الماده اللي جواه صلاحيتها او فعاليتها بتبقى ضعيفه عشان بتكون امتصت رطوبه الجو كدا
ولو هاتغير كباس في حالة ان الكباس فووت (جديد افضل وفي الحالة دي لازم يتقاس الزيت ويتلين كويس باليد قبل التركيب ويتلين على المكنه على سرعة ١٥٠٠rpm مش اعلى من كدا في اول شحنة ويتشحن غاز مش سائل عشان البساتم والبلوف بتاعته مايتقصفش عمرها بدري بدري
و ممكن استيراد على التجربة في الحالة دي ممكن تشحن اكتر من مره) و هاتحتاج تغير معاه السربنتينه بواحده جديده عشان القديمه بتكون اتسدت بالرايش والزيت والرطوبه ومواسيرها بقت اضعف يإما بتكون مسدوده عشان كدا الضغط فيها بيبقى عالي و هتحتاج قوة تبريد اعلى ينتج عنها تبريد عالي عالسرعات وضعف التبريد في الزحمه والبطيء
والخرطوم الافضل انك ماتكبسوش وتجيبه جديد عشان الكبس بيريح ويسرب فريون بعد فتره وتشحن تاني في حدود سنة وخامات الخراطيم اللي في سوق مابقتش حلوه زي زمان
والاكسبنشن ممكن يتسد بعد اول شحنه عشان النظام مفتوح بقالة فتره فايبقى معلق على الفتح والتبريد يبقى ضعيف في النهار وحلو بالليل فالاحسن تغيره بواحد جديد اصلي
اخير لازم تعمل تنظيف للموسير من جواها بشكل قوي عشان الرطوبه والزيت والاوساخ اللي بتسدها
والتفريغ بيكون قوي لمده ساعه او ساعة ونص عشان الرطوبه تتبخر كويس
ميجان ؟ موديل كام ؟
حالة العربيه يعني سبب العطل ايه؟ حادثه لا قدر الله او صيانه خطأ مثلا؟
اعراض العطل ؟ يعني الكباس فيه مشاكل او السقوعية مش عالية ؟ايه مشكلة التكييف ؟
التوكيل بيلجأ لتغيير مايسمى بالكيت الكومبروسر او الطقم بتاع الكومبروسر وهو شجرة الخراطيم المرنة بتاعة الكباس مع الكومبروسر لما يبقى فيه مشكلة في الكباس او فوت او كبسه ضعف او بلف كونترول الكباس معلق او فوت لانه في معظم العربيات الحديثة بيبقى بلف كهربا و بدل مايغيره يروح مغير الكباس بكيت الخراطيم وممكن يبقى السبب عند حضرتك الكباس او اي شيء تاني على حسب الحالة
مع ان اي عيب في الكباس غير عيب البلف الصح ان يغير معاه السربنتينه وفلتر الفريون او الرسيفر دراير بتاعها بقطع غيار جديده عشان يحافظ على عمر الكباس الجديد
وممكن يتركب كباس على كلاتش وبلف ميكانيكال ودا معمر اكتر
مقايسة الشغل في التوكيل تكلفته كام ؟
شكرا جدا على رد حضرتك
ميجان 2006
التكييف مش بيطلع اى هوا سائع .... كشفت عند حد قلى فيه تسريب من حته ورا التابلوه
رحت التوكيل قالولى الكومبريسور ضايع تماما و الخرطوم بيسرب .... قلتلهم طب نغير الخرطوم بس و نشوف .... قالولى لو الخرطوم اتغير لوحده الكومبريسور مش حيقوم اصلا.
التكلفه فى التوكيل .... من غير ما حد يتخض 9000 جنيه
عايز اروح لحد شاطر يكشف كويس و يعمل اللازم
اسف لتاخري عليك في الرد يافندم
مبدأيا لكشف التسريب وبيان الكباس ليه علاقة اولا
اكبس الدوره من غير الكباس لمده طويله ساعتين تلاته من غير ماتشيل العدادات لو قراية الضغط نزلت يبقى فيه مصدر تسريب غير الكباس هنا هنبدأ البحث على مصدر التسريب قبل اي شيء تاني
غير كدا اتوكل على الله وهات شجرة خراطيم جديده حتى لو غالية وكباس استيراد على التجربة 700:800 ممكن ازيد حاجه بسيطة الحالة بتفرق وعلى حسب التجار
لو هاتجيب كباس جديد هايعمل في رينج ٢٠٠٠ بتعديلاته
عايز حل تاني الخراطيم اللي عندك لو اللواكير او الاجزاء الالمونيم بتاعتها سليمه تقدر تكبسها
او الافضل تجيب شجرة الخراطيم استيراد
الموضوع مش هايزيد عن 2500 جنيه ( في حالة الكباس الاستيراد) بسلطاته وبتجربة كذا كباس وشحن كذا مره وكذا مصاريف ومشواير
المهم هتحتاج تغير الدراير بواحد جديد ماينفعش استيراد ودا انا حاسب تكلفته
لو فعلا الكباس فيه صوت ومش سليم او فوت فيه احتمال انك تغير سربنتينه خارجية ودي هاتضيف تكلفتها يعني مش محسوبه تكلفتها
المهم
1-اكبس الخراطيم وغير اولسيلاتها
2-اكبس الدوره مرة بالكباس ومره من غيرها
عشان تعرف مكان التسريب ودي اول بداية لحل المشكله والباقي قص ولزق ولك حرية الاختيار
هاتكمل في سكة الاستيراد وعالتجربة والحاله
وليها مصاريفها وخطواتها
قبل الاطمئنان على اختيار الكباس لازم تكشف السربنتينه اللي موجوده مسدوده زيت او رايش وسليمة من جوا بعد تجربة اي كباس
و بعد اسبوع تجربة و الاستقرار على كباس مثلا
هاتغير سربنتينه جديده الا لو فعلا حالتها داخليا اللي عندك فعلا ممتازه +دراير جديد ودا لازم مافوش كلام
ولا هاتعدل كباس جنرال جديد وليها خطوات شغل مختلفة وتكاليف تانية
كباس جديد+تعديل خراطيم وقواعد اذا لزم الامر + سربننينه جديده +دراير جديد ودول مره واحده مع بعض ماينفعش التجربة عشان الكباس الجديد يعيش اطول فتره ممكنة
اسم المهندس: أحمد حنفى محفوظ
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
التخصص : كهرباء وتكيف لجميع انواع السيارات بمختلف انواعها وموديلاتها
احمد حنفي محفوظ كل اللي قريته عنه خير وراجل ماشاء الله عليه ربنا يبارك له ويزيده والناس بتشكر في صنعته وضميره.
ومركز كوول اير سمعته حلوه ناحية الحرفيين.
و المهندس حارث في فيصل المطبعة.
المهندس ورشة تكييفات :
https://m.facebook. com/MACS.Almohan...urce=typeahead
فيه مسافة قبل com انسخ وشيلها او اعمل سيرش
والمطراوي في مصر الجديده
و للامانه ماليش اي تعامل سابق مع اي حد فيهم بشكل شخصي لكن انا بنقل المعلومة طالما انك بتسأل على حد او مكان والتعامل معاهم بيتم على مسؤوليتك
الكابتن مستورد قطع غيار :
https://m.facebook. com/profile.php?...urce=typeahead
فيه مسافة قبل com انسخ وشيلها او اعمل سيرش
حاجه اخيره بمناسبة الرينو ميجان ٢
كنت بتكلم مع احد الاعضاء هنا في موضوع تكييف الرينو وكفائته بالبلدي ( عايزينه بيبقى تلاجه زي الكوري والياباني ورسينا على فكرة تركيب كباس اللانسر البوما وتعديلاته فامش عارف انت ايه رايك في تكييف الرينو الاوريجنال بالنسبة لادائه؟)
ودا رقمي لوحبيت اي مساعده او استفسار
01145749045 أخوك محمد .
شكرااااااا جدااااااااا