الموضوع: اول عطل في سيراتو ٢٠١٥ توب لاين

المشاركة الأصلية كتبت بواسطة م/أحمد عبد الفتاح

اعتقد انك لسه فى الضمان يبقى تتوكل على الله وتروح التوكيل وهما هناك يكشفوا ويغيروا اللازم - ولو لقيتهم بيفسحوك قوللهم اعملوا لها سكان انهانسد enhanced وده بيبقى سكان للاعطال اللى بتحصل ومش بتنور لمبة التشيك انجن حتلاقى عطل متسجل وحايقولهم فين المشكلة

ألعربيه خليجي مش وكيل

واحد صاحبي قالي كان عنده نفس العيب وكانت زراير المالتي عنده بتعلق والكالكس ولمبه الايرلاج منوره

المشكله كان في حاجه كده اسمها شريطه ايرباج في الطاره تمنها في التوكيل ٩٠٠ جنيه

بس أنا لِسَّه في مرحله التعليق يعني ساعات بتشتغل ولمبه الايرباج بتنور وتطفي
صاحبي قالي مهي في الاول كانت كده

ربنا يستر ومتعلقش تاني

وانا علي طول بغسل ألعربيه بس من جوه بنضفها بنفسي ومفيش ميه جت في المكان ده

شيك على عربيتك كويس عشان متكترش الاعطال وخاصتا سيراتو الخليجى

صاحبي كنت راكب معاه من يومين " النترا 2016 " و كان عنده نفس المشكله ف زرارين بس اللي هما بينقلوا للأغنية اللي بعد و اللي قبل و لما كان بيطفيها و يشغلها تاني بتروح المشكله " حصلت معاه مرتين تقريبا "

مش عارف الحل ايه

وديها توكيل او اى مصلح الكترونيات يشوفهالك كويس لو حد تعرفه كويس

المشاركة الأصلية كتبت بواسطة ايهاب مأمون

أنا معايا سيراتو ٢٠١٥ توب لاين اعلي فئه بقالها معايا اكتر من سنه مَس مزعلاني في حاجه غير الكاوتش طبعا
بس من يومين بدأت الاحظ ان تحكم الطاره بتاع الكاسيت بدأ يعلق
يعني أجي اعلي او أوطي الصوت يقوم مغير القناه
أجي أكتم الصوت يقوم معلي الصوت وهكذا باقي الزراير
شويه يشتغل بس غالبا بقي يعلق
اي الحل يا جماعه في الموضوع ده أنا شلت كبل البطارية وبرده نفس المشكله

كان عندي فعلا نفس العيب في سياره كيا أوبتيما وبعد ذلك فصل الكلاكس وبعد الكشف طلعت هناك وحده داخليه داخل الطاره وتحت الاير باج فتأكد بأن الذي سيعمل بها متخصص حتى لا يؤثر على الإيرباج ويفضل أن يكون التوكيل