الموضوع: ممكن مساعده فى تسعير عربيتى؟

لانسر 1600 GLX موديل 2006 مانوال مواصفات مصريه لون فرانى و صالون رمادى(تكييف-باور-4 زجاج كهرباء-سنتر بريموت-مرايات كهرباء-راديو CD وmp3 USB بلوبونكت-فرش كسوه جلد تفصيل+دواسه شنطه-فراملABS )

السياره لا يوجد بها Air Bags ومفتاحها غير مشفر وليس بها أعتاب اسبور وطاره الدركسيون و مقبض الفتيس و فرامل اليد غير مكسيين بالجلد و مقابض الأبواب الداخليه ليست نيكل (الدفعات اللى بيجيبها الجيش و ده الفروق اللى بينها و بين اللى بتتباع بره).


حاله السياره فوق الممتازه و يمكن أفضل كمان من لما كانت زيرو و هى عامله دلوقتى 67000 كم و جميع قطع غيارها أصليه من التوكيل حتى ريش المساحات لما اتقطعت جبتهم أصلى من التوكيل و لا يوجد بالسياره أى مشاكل فنيه فى الأداء أو اى ملاحظات+الكاوتش جديد(فردتين ميشلان فى الأمام و فردتين بريللى فى الخلف).

حاله السياره من الخارج جيده جدا (ولكن راشه نصف رفرف و فانوس خلفى تايوانى) فيما عدا ذلك السياره فابريقه من الداخل والخارج.

طبعا السياره أول يد.


انا كل ما بادخل على مواقع فيها عربيات مستعمله مش بلاقى حد بيبيع عربيه أوبشنها زى عربيتى خالص عشان أقدر أقيس عليه و دايما بتبقه اتوماتك أو كامله بفتحه سقف أو خليجى ما فيهاش ABS ولو مانوال زى عربيتى ألاقيها 1300 ؟!!!!!! هو ايه الحكايه ؟ محدش بيبيع 1600 مانوال خالص 2006؟؟؟؟؟

أرجو المساعده.