الموضوع: مطلوب تقرير عن نيو اوبترا - معلومات سريعه عنها

مطلوب من ملاك الاوبترا الشكل الجديد تقرير محايد من فضلكم

قابلت قريب لي معاه النيو اوبترا- التجميع الصينى- عامل 20000 كم بيها
فدردشنا فالعربيه - هو كان معاه لانوس ومعاه شارك
فطلبت منه يبلغنى باداء العربيه ويقارنهالى بالعربيات التانيه واليكم رائيه فالعربيه

مفيش مقارنه بينها وبين اللانوس
الاوبترا اداءها قريب جدا من الشارك- السحب اقل حاجه بسيطه من الشارك
الفرامل نفس الاداء
الاتزان الشارك احسن يمكن عشان وزنها اكتر
الوسع فى صالح الاوبترا كصالون او شنطه
مريحه جدا فالسفر
العفشه ناشفه انشف من الشارك
الاحساس بالخلخله لما عربيه تعدى جمبك هى هى زى الشارك
هو غير تيل فرامل مرتين مره فى صيانه ال10000 وال20000 كم
فى صوت الهواء مسموع جدا لما بيوصل لسرعه 140 كم- الهواء لما بيعدى مابين المرايا الجانبيه والبودى
تنك البنزين بيعمل من 400 الى 500 كم فالتفويله ب140 جنيه
اقصى سرعه جابها 180 كم
الفتيس ناعم مبيحسش بالنقلات
اشتراها ب121000 جم من اقل من سنه
كل مره يروح يعملها صيانه يبلغهم بمدى ردائه الخدمه ومده الانتظار

دى كل ملاحظاته اللى اتكلمنا فيها
ياريت ملاك العربيه يشاركونا بملاحظانهم ويقدملنا تقرير محايد عن العربيه يبلغونا بالعيوب قبل الميمزات