البي ال خرج من الموتور

**titanicv** · 10-07-2016 12:44 PM

السلام عليكم

العربيه بمنتهي البساطه مره واحده سمعت صوت تخبيط في الماتور وزيت بينزل من تحت العربيه ودخان حريق الزيت علي الشكمان

قطرتها ورحت لميكانيكي
لما قلتله شايف حاجه خرجه من الماتور قالي دا ال ( بي ال )

وقالي انسا الماتور دا

هل معني كلامه ان مينفعش عمره ليها ولا هوا علي اده دا اول سوال

الحاجه التانيه
العربيه نوعها شيري كيو كيو هاتش باك نازله بماتور 1050 سي سي بتاع بلدها
اجيبلها شورت بلوك منين ولو حد يعرف ارقام تلفونات حد بيبع مواتير يقولي
وللعلم ماتور الماتيز او الاسبارك يركب فيها بس انا مش حابب اغير ماتورها دلوقتي لانه غالي وعايز احولها اتوماتيك واسقطلها كيا بيكانتو بالاتوماتيك والدفيره والكنترول

يريت تفيدوني بخصوص هل الماتور باظ ولا لا

**waelfarid** · 10-07-2016 01:11 PM

وقالي انسا الماتور دا
وعايز احولها اتوماتيك واسقطلها كيا بيكانتو بالاتوماتيك والدفيره والكنترول
كلام عين العقل
البيل ده اللي هو connecting rodعمود التوصيل بين المكبس(البستم)وعمود الكرنك(عمود الادارة الرئيسي في المكنة) اتكسر وخرج بره الشورت بلوك فماعدتش نافعة

**titanicv** · 10-07-2016 02:05 PM

المشاركة الأصلية كتبت بواسطة waelfarid

وقالي انسا الماتور دا
وعايز احولها اتوماتيك واسقطلها كيا بيكانتو بالاتوماتيك والدفيره والكنترول
كلام عين العقل
البيل ده اللي هو connecting rodعمود التوصيل بين المكبس(البستم)وعمود الكرنك(عمود الادارة الرئيسي في المكنة) اتكسر وخرج بره الشورت بلوك فماعدتش نافعة

افهم من كلامك ان ملهوش تصليح ولا بيتصلح
وهل دا موجود جوا الشورت بلوك
يعني لو جبت شورت بلوك بيبقا جواه العمود دا
اسف بس ميكنيكي منه لله هوا الي عمل فيا كدا كل دا علشان عملت نص عمره فوق ومكملتشي شهرين اهو
ارجو الافاده

**titanicv** · 10-07-2016 05:16 PM

يريت سرعه الرد

ولو حد عمده رقم تلفون حد بيجيب مواتير صيني يقول

**SAMEH_FOUAD** · 11-07-2016 12:21 PM

بتتعمل بس بتتكلف تكلفة ماتور جديد لانك هتجيب طقم بساتم كاملة وسبيكة وكرنك وشنابر وجوانات واولسيهات يعنى هتتدخل فى تكلفة اغلى من تمن الشورت بلوك نفسة وكمان هياخد وقت وممكن ماتتطلعش زى مانت عايز
انزل الحرفيين هتلاقى مواتيرها هناك كتير هاتلك شورت بلوك سعرة ماعتقدش انة هيعدى ال 2500 جنية