هل في معارض بتقسط على سنة او 6 شهور بدون فوائد
السلام عليكم ورحمة الله
كل عام وحضراتكم جميعا بالف خير
بعت عربيتي وكنت عامل حسابي في اجمالي ميزانية 150 الف لشراء عربية أخرى
كل الناس نصحتني اني اشتري جديد واريح دماغي بدل ما اتبهدل في حاجة مستعملة زي البطيخة
المهم ان 150 الف ميجيبوش حاجة من اللى انا عايزها اللى غالبا عاملة 200 الف او 220 الف
كنت راكب مع اوبر مرة ومرة تانية سواق تاكسي
بفتح معاهم كلام عن العربيات الجديدة أكدولي ان في بعض المعارض بتتعامل بسنة بدون فوائد
ومعارض تانية بتتعامل ب 6 شهور بدون فوائد
هل فعلا في معارض بتعمل نظام سنة او 6 شهور بدون فوائد علما بإني ممكن ادفع 75% من تمن العربية ؟؟؟
ولكم جزيل الشكر
