السلام عليكم
يعلم الله اني بكتب الموضوع وانا في قمه الخنقه والحزن على اللي وصلنا له
اسعار السيارات زي منتم عارفين ارقام فلكيه وبتختلف من معرض لمعرض بال 5 الاف جنيه زي ميكون رز مش فلوس...يعنى اللى عايز يتشري عربيه تحميه هو واسرته من قرف المواصلات يجيب 150 الف منين !!!!

اسعار الاكل في السوبر ماركت بقت عاليه جدا...تدخل تجبلك 3 عصير على لبن رايب على معجون اسنان على زبادي تدفعلك 120 جنيه!!!!!!
تروح تطلب دليفري من المطاعم المعروفه عشان تاكل اكله كويسه انت واسترك تدفعلك 300 جنيه وانت فبيتك !!!!!

تمشي فى الشارع بعربيتك وتركن يطلعلك بلطجيه عشان تديهم (5 جنيه) فى الفتره الاخيره ولو مدفعتش هتتشتم يأما يكسرلك حاجه...!!!!!

مش هتكلم على الادويه والعلاج ومصاريف العيادات الخاصه لانها زادت جدا وبصوره مبالغ فيها!!!!!

اسعار الشقق فلكيه وقصص خياليه ؟؟لازم تكون بتاجر في المخدرات عشان تجيب شقه كويسه!!!!!!

جمارك السيارات ونهب المواطن المصري وده العقاب عشان فكر بس انه يسافر بره بلده يامن مستقبل اسرته!!!!!!!!!

مرتبات الناس ثابته والاسعار فوق....والجنيه فى النازل والبلد بتضيع...طب الحل ايه !!!

العيشه تبقي ازاى !!


وحسبي الله ونعم الوكيل