الراجل زهق من الحرامية

واضح ان الراجل ده اتسرق كتير اوى، وواضح انه دفع آلافات مؤلفة ثمنا للطاسات البلاستيك والتى يتكلف تصنيعها جنيهات معدودة وتبيعها التوكيلات بأرقام فلكية

لذلك عمل اللى هنشوفه فى الصور دى:

http://up.haridy.org/storage/DSC00156.JPG

http://up.haridy.org/storage/DSC00157.JPG

من زهقه ربط الطاسات بأفيز من بتوع خراطيم ميه التبريد، وكان رابط كل طاسة بأفيزين مش واحد، الصور دى انا صورتها لعربية راكنة فى المهندسين ، ربنا يكون فى عون الناس كلها

واللى مش مأففز يلحق ينزل ياففز قبل ما الحرامية يئفزو على الطاسات بتاعته

هاهاهاهاها... ربنا يكون فى عونه ..:laugh6::laugh6::laugh6:

بس تفتكر الحرامى هايغلب ...هو صحيح الشريط البلاستيك اسهل بالنسبة للحرامى يعن بالقصافة وخلص ...بس ده برضه سهل ان مقصوش بالقصافة ... يفكه بمفك عاده..:clown:

عنده حق مالحرامية بيسرقوا كل حاجة دلوقتي واكيد اتسرقوا منه كتير عشان كده عمل العملة دي بس يتهيألى برده ممكن تتفك لو حرامي عافر معاها شوية :rofl4:

ههههههههههههههه ناقص يربطها بجنزير احسن :rofl4:

بس الحراميه مابتغلبش ده انا كنت انا وواحد صاحبي خارجين وركنا عربيته وبعدها

بساعه رجعنا لقنها مرفوعه على حجرين من ورا وسارقين الجنطين اللي ورا بالكاوتش :banghead:

ههههههه

انت بتلقط الحاجات دى ازاى يا سبعاوى

حركة جامدة فعلا بس الحرامى هايعرف يتصرف معها !!!!!!

اقتباس:

---

المشاركة الأصلية كتبت بواسطة kimo-nubira

ههههههههههههههه ناقص يربطها بجنزير احسن :rofl4:

بس الحراميه مابتغلبش ده انا كنت انا وواحد صاحبي خارجين وركنا عربيته وبعدها

بساعه رجعنا لقنها مرفوعه على حجرين من ورا وسارقين الجنطين اللي ورا بالكاوتش :banghead:

---

يعني ساعتين وكنتوا لقيتوا الأربع فرد بجنوطهم

و الله الحرامي مش هيغلب فين صفايح المنشار أو قصافات الصاج

الاحسن يشيل الطاسات خااااااااااااااااااااالص.. .ويبقي علي الجنط...

اقتباس:

---

المشاركة الأصلية كتبت بواسطة hero

الاحسن يشيل الطاسات خااااااااااااااااااااالص.. .ويبقي علي الجنط...

---

هيسرقوا الجنط :) المهم هتتسرق هتتسرق
واحد صاحبى نازل الشغل الصبح لقى العربية واقفة على اربع طوبات وكانو بيحاولو يفكو الشكمان كمان بسس معرفوش

اتلدعت من موضوع الطاسات دة كتييييير الاول كنت مركب افيز بلاستيك واحد واتسرقت ركبت اتنين بردو اتسرقت لدرجة وصلت انى كنت رابط كل طاسة باربع افايز من كتر لما قرفت من الموضوع دة فكرت الحمها فى الجنط :D:D
الغريبة ان من ساعة ماشلت الافايز كلها مفيش حاجة بتتسرق "الحمد للة اللهم لا حسد :) "

انا اصلا قررت امشي من غير طاسات ودماغك
انا اشتريت ما يقرب من 6 طقم طاسات ودايما بيتسرقوا

ههههههههه

تفتكر كان اية الوضع بقى لو شافك وانت بتصور العربية :d

شكلها عربيتك يا سبعاوى!!!!!!!!!
هههههههههه
عندنا ماحدش بيسرق طاسات بتطير والعربية ماشية

وطبعا الصورة المشهورة

فرق موديلات مش اكتر


http://img177.imageshack.us/img177/4...cfoqrvxwu2.jpg

مش لازم يكون رابطها علشان الحرامية بس ممكن تكون علشان الطاسة بتقع منة وهو ماشى بتفك وهو عايز يثبتها انا لى واحد صاحبى عاملها علشان الطاسة بتفك منة وهو ماشى

انا ماشي ب 3 طاسات واحدة منهم اتسرقت اموت و اعرف مين اللي سرقها

بس الصورة جامدة يا سبعاوي باشا تسلم ايدك

لو الحرامي غلب هاياخد العربيه كلها ويفصصها براحته ويبقى يرجعله الباقى لو ماعرفش يبيعه
طبعا الباقى ده الشاسيه واللوحات والقفيز بتاع العجل

اقتباس:

---

المشاركة الأصلية كتبت بواسطة Michael_Lanos

لو الحرامي غلب هاياخد العربيه كلها ويفصصها براحته ويبقى يرجعله الباقى لو ماعرفش يبيعه
طبعا الباقى ده الشاسيه واللوحات والقفيز بتاع العجل

---

+111111111111111

والله يا باشا مش هيغلبوا على فكره
المصريين مش بيستعصى عليهم حاجه

على فكره انا شفت في بورسعيد واحد مركب الدواير البلاستيك (الشديدة المتينة الحصرية الفريدة من المرور) :7bteen: ولما سألته قالي واحد جابله من التوفيقية :redface:
ونادر نبيل قبل كده اكتشف ان مفك عاده يفك المسامير الجديدة اللوزعية الفلكية بتاعتهم هتيجي على افيز يا باشا :k17:

شكرا على مجهودك يا سبعاوي باشا :k49:

جامدة جدا
مفيش احسن من طاسات الشاهين مينفعش تقع عشان بتتربط بمسمار من الاربعة مسامير بتوع العجلة

ياجماعة دة مش لدواعى السرقة ...... دة فكرة توفر ان كل ماتيجى تفك العجلة تشترى
افيز جديد

هي تعتبر حركة هتاخر الحرامي شويه

والله الشعب دا مش حيغلب يعني انه بفكها
حيييجي اول مره يلاقيها كده المره اللي بعديها حيجيب معاه الفصافه سهله يعني
شعب غريب

أكيد الراجل زهق من كتر ما أتسرقوا منه
فقال يتصرف
والحرامى عاوز الحاجة اللى سرقتها سهلة قدامه .