الموضوع: العمل في امريكا أفضل ولا الاكمال في دراسة الطب في بريطانيا ؟

المشاركة الأصلية كتبت بواسطة إنسانة

طيب تشكر جدا بس انا بجد مش عايزة اتعبك معايا اكتر اقدر اعمل التصريح بنفسي ؟ هل بيدوني رخصة ؟ ايه ميزتها عن رخصة البحرين ؟

تسلم جدا كتر الف خيرك على مواقفك النبيلة جدا معايا

ناس كتير بترفض مساعدة وحدة بظروفي حتى بمعلومة ومش بس كدا ممكن تسيء لها ولاي حد يحاول يساعدها

بجد انا ممتنة وشاكرة ذوقك واخلاقك وكرمك

الشكر لله
سيبك من معدومين الأدب دول ..
مضيعش ثانية من وقتك في الكلام عنهم
المهم عندي تعجلي بالخروج من السعودية بحثًا عن وطن يحمي حقوقك..
حتى أنا بشطب شغلي وهمشي
يعني لو فضلتي فيها مش هتلاقي حد جنبك
البلد مقبلة على أزمة حقيقية وسرحت أعداد كبيرة جدًا من العمال
والرخصة ممكن لما تتعلمي تتعملك رخصة رسمية تصدر من البحرين
( مش لازم تروحي )
التصريح لازم يتعملك من موظف senior تتسجل السيارة في ملفه
أي مخالفة هوا اللي يتحاسب
فمفيش إجراءات فقط السواق يجيب السيارة لمكتب الأمن
ويتعملها تصريح ويسلمك كرت تستخدميه جوا وعلى البوابات
أفضل بدون شك من التعليم في البحرين
لأن اللي هتعلمك أمريكية و القوانين جوا بتطبق بدقة شديدة زي أمريكا أو كندا
المدينة كلها مراقبة بكاميرات ورادارات لو عملتي غلطة صغيرة
سيارات الأمن هتبقى في ظرف 3 دقايق عندك
محدش هيكلمك طبعًا بس هيقلولك دي مخالفة
و هتروح المخالفة على ملف الموظف اللي السيارة مسجلة من خلاله
فهيا كتعليم كأنك بتسوقي في أمريكا
هتختصر عليكِ وقت كبير والرخصة الدولية هتسمحلك تسوقي في أمريكا كام شهر
لحد ماتطلعي رخصة بدل المواصلات وتعبها
كل اللي هتعمليه هتبعتي السواق بالعربية للبوابة وأنا هكمل
ومعظم اللي جوا أسر أمريكان و أوروبيين يعني الحياة لطيفة جوا والناس محترمة جدًا

المشاركة الأصلية كتبت بواسطة إنسانة

تركيا انا كنت واخدة فكرة تانية عن الاتراك بصراحة انت صدمتني بكلامك عنهم

يمكن انت تعرضت لموقف خلاك متحامل شوية ؟ ولا دا بجد كدا !

انا كنت متخيلة ان الحكومة التركية متطورة مش عارفة التصور دا جالي منين

والاوروجواي ممكن تكون المدينة دي حلوة بس انا اش ضمني ان بكرا وبعده بنتي تضطر تطلع منها وتنتقل لمدينة تانية انا فكرتي عن امريكا الجنوبية سيئة جدا حتى الشعوب دي شوفت ناس منهم في امريكا كانو وحشين بجد ومعروفين انهم مجرمين والناس بتكون حذره منهم فانا مش مرتاحة خالص للاوروجواي بسبب السمعة دي لامريكا الجنوبية

فخلاص انا بجهز طلب تحويل البعثة لكندا وبكلم شركة امريكا تبعتلي العقد الجديد

هما وفقوا على بدل سكن لاني عايزة اختار سكن قريب من الشغل ومن مدرسة بنتي هما هيدفعوا 2000 دولار في الشهر بدل سكن بس مش عارفة هيدفع مع المرتب ولا هيدفع ازاي

كدا افتكر العرض يستحق المغامرة مرتب مع بدل سكن 6000 دولار

و لانهم مرنين في التعامل جدا فممكن ارتاح معاهم وممكن اقدر اثبت نفسي واستمر

بس لو جالي رد بالموافقة على تحويل البعثة انا هكون في حيرة تانية بين العقد وبين البعثة الجديدة

مش متحامل ... الأتراك طباعهم صعبة حقيقي
اللي بتشوفيه في المسلسلات لا يعكس 1% من واقعهم بس البلد جميلة
أنا أخدت شقة في مشروع سكني في أسطنبول القسم الأوروبي
وبيت في فتحية و عارف الوضع كويس
البلد ممكن يتعاش فيها بس في مجتمع الطبقة الراقية

و المرتب وبدل السكن كويسين كدا متتفاوضيش أكتر
وإمشي في الإتجاهين لحد ما تتضحلك الصورة كاملة عن الأفضل
الإتنين كويسين

المشاركة الأصلية كتبت بواسطة إنسانة

انا محتاجة اروح البحرين عشان العملية

الضرس طالع مدفون تماما و ماثر على اللي جنبه

فانا عايشة على المسكنات لحد ماشيلهم واخلص

فهروح البحرين اعمل العملية وارجع مفتكرش هتحصل كارثة في يوم العملية والمستشفى الي هعملها فيها !

والرخصة امرها اسهل ابقى اعملها في المدينة دي او حتى بعد ماسافر

طيب حاولي بقدر الإمكان تكون وسط الأسبوع
وتنقلك يكون بسيارة من البحرين
لأن سيارات السعوديين ممكن يحصل إعتداء عليها

للأسف الشيعي ممكن يعتدي على جاره السني
أو طفل أو مسن أو إمرأة
وفاق تعتبر صوت المعارضة والمتنفس الوحيد للشيعة

المشاركة الأصلية كتبت بواسطة إنسانة

مشكله

انا سالت وحدة بتروح البحرين قالت فيه مشاكل بس في مناطق محددة بس هي محصلهاش حاجة سمعت عن ناس تعرضت لمشاكل

انا يمكن استمر على المسكنات لما اسافر ولا اقنع الوكيل يوقع ويخلصني من الهم دا

هو فيه مطالبات باسقاط نظام الولي تفتكر ممكن يجيب نتيجة

المشكلة دي عملية .. وتخدير .. يعني صعب يغير وجهة نظره
وأنا بصراحة مافضلش إنك تكلميه تاني
هسألك لو ممكن تتعمل في مستشفى في الخبر بدون موضوع الولي
موضوع إسقاط الولي
طبعًا .. هيتم إسقاط نظام ولي الأمر .. مش براحتهم
لإن دي خطة الأمم المتحدة للتنمية المستدامة
تم طرحها في مؤتمر الجمعية العامة للامم المتحدة 2015
أطلق عليه ( التنمية المستدامة 2030 ) (sustainable development 2030 )

اللينك عربي
ملصقات تثقيفية - التنمية المستدامة
اللينك إنجلش
Communications material - United Nations Sustainable Development
لاحظي الهدف رقم 5

ودي الرؤيا اللي أعلنت عنها كل الدول العربية ومنها السعودية تحت شعار

أو مصر تحت شعار


إستجابة للأهداف المطلوب تحقيقها خلال المدة المحددة
وهنا جزء خطة تطبيق الهدف رقم 5 المساواة التامة بين الجنسين
الهدف 5. المساواة بين الجنسين

'ستؤدي تكنولوجيا المعلومات والاتصالات دوراً هاماً في تحقيق المساواة بين الجنسين وتمكين المرأة. وتسمح تكنولوجيا المعلومات والاتصالات للنساء والفتيات بالحصول على المعلومات ذات الأهمية لأداء أدوارهن الإنتاجية والإنجابية والمجتمعية والحصول على موارد إضافية. ومن شأن النفاذ إلى تكنولوجيا المعلومات والاتصالات تمكين النساء من الحصول على صوت أقوى في مجتمعاتهن وحكوماتهن وعلى المستوى العالمي. وتوفر تكنولوجيا المعلومات والاتصالات للنساء أيضاً المرونة من حيث الزمان والمكان ويمكن أن تكون ذات قيمة خاصة بالنسبة للنساء اللاتي يواجهن عزلة اجتماعية.'

فأتت المطالبات خلال الـ 20 يوم الماضية تمهيدًا للإسقاط للبدأ بمسيرة التساوي المطلق بين الجنسين
ولذلك نشط هذا الهاشتاج لنشر الحملة خلال الـ 20 يوم الماضية ... #سعوديات_نطالب_باسقاط_الولا ية

وطبعًا فيه شبكات عالمية تستهدف تثقيف المرأة الرقمي في الدول اللي مش واخدة فيها كامل حقوقها
هنا مثلًا
Telecentre Foundation | Telecentre tagline

الإسقاط هيحصل طبعًا ولكن المدة الزمنية اللي هيستغرق فيها التمهيد للمجتمع وتوعية المرأة هتاخد وقت
ولكن الإتجاه العالمي الآن اللي أقرت بيه كل الدول الأعضاء هوا تحقيق مطالب الأمم المتحدة
وطبعًا تم طلب إسقاط نظام الولي بالحرف ... من السعودية
ولكن هناك الكثير من الأمور المخالفة للدين في هذه الخطة
لا أتكلم عن موضوع نظام الولي بشكله الحالي .. ولكن أمور أخرى .