الموضوع: العمل في امريكا أفضل ولا الاكمال في دراسة الطب في بريطانيا ؟

المشاركة الأصلية كتبت بواسطة إنسانة

انا محبطة من المطلوب وحاسة ان سكة استراليا مفهاش امل

طالبين سنة خبرة في مدرسة وانا خبرتي في مركز ومطلوب اشراف 45 يوم ودا مستحيل وطالبين 12 شهر وانا مكملتش الشهور دي ومعنديش استعداد اعمل اللي طالبينه

خلاص بلاش تتعب نفسك مفيش امل

و مليش نفس افتح اي كتاب وصلت لمرحله اني مش عايزة اعمل حاجة خالص

و العقد خايفة اسافر وافشل في اني انجح بسبب احباطي اصلا مفيش اي دافعيه للسفر

الي عندي مش حيره انا لا استطيع التفكير

فين المدرسة ؟
مفيش مدرسة ..
راجعي .. بس بعدين مش دلوقتي
موضوع السنة بس لو مش كاملة هوا المشكلة على ما أعتقد
و بصي
لما بمر بحالة إحباط ونفسيتي تسوء باخد بعضي واسافر
ممكن تسافري دولة هادئة
تعيشي كام يوم بعيدًا عن الدراسة أو الشغل

إنسي كل حاجة .. الشغل والدراسة
سيبي كل حاجة وسافري ...
كنت هقولك تركيا بس الدنيا مقلوبة دلوقتي
والبحرين مش مطمئنة ...
عارفة لو تسافري دولة مابتتكلمش لا عربي ولا إنجليزي ..
لغة ماتفهميهاش هيكون أحسن
بس سافري بغرض الراحة النفسية ..

الأوروغواي .. بونتا ديل إستي .. معتدلة الطقس وآمنة وجميلة معظم الفصول .. ومش غالية
هتاخدي إقامة دائمة خلال شهر وتنتظري فيها الهجرة
الدولة ( مدينة بونتا تحديدًا ) ممكن تعجبك وتقرري البقاء فيها

وبعدين بالمناسبة كندا أفضل من استراليا بمراحل وشروطها أقل

اللينك لوزارة الهجرة الكندية ( شوفيه لما تكوني بنفسية مناسبة )
Immigrate to Canada

وياريت توضحي تفاصيل العقد
هل فيه تأمين صحي ؟
هل فيه تذاكر ؟
أي مدينة ؟
ومش لازم تحددي نفسك بالدول الناطقة الإنجليزي
وتعلمي أي لغة بالممارسة والتعايش مش لازم تضغطي نفسك بمدة دراسة محددة
خدي الموضوع كطريقة للتعرف على دول و لغات وإكتساب خبرات
وعلى مهلك على الآخر .. بتجري ليه ؟ مفيش حاجة هتطير

المشاركة الأصلية كتبت بواسطة إنسانة

مالها البحرين المفروض هروحها الاسبوع الجاي عندي جراحة في الاسنان مالها مش مطمئنة ليه

وايه حكاية الاورجواي وهل امريكا الجنوبيه يتعاش فيها

متخيلاها عصابات و صحرا وهل روحتها ولا سمع

وانا دلوقتي روح السفر و الدراسة والشغل منعدمة

جراحة !! سلامتك إيه السبب ؟ ومش هتعمليها في السعودية ليه ؟

البحرين مش آمنة لإن الحكومة حلت جمعية وفاق ودي مقر تخطيط الشيعة
فممكن تحصل فيها مقاومة من الشيعة
والبحرين طلبت جنود من السعودية اليومين اللي فاتوا
دا بالإضافة للإعتداء على سيارات السعوديين

بخصوص حالتك يمكن سببها عدة أمور مجتمعة
الظروف النفسية اللي بتمري بيها
ومعرفش حالتك الصحية بس لو عندك مشكلة في الأسنان يبقى كمان حالتك الصحية ليها أثر
و كثرة الخيارات أحيانًا بتكون مشكلة بحد ذاتها
اللي حصلك دا بسبب كثرة العروض غالبًا
لو مفيش إلا أمريكا كنتِ هتستميتي وتثبتي نفسك في الوظيفة
لو مفيش إلا استراليا كنتِ شوفتي المطلوب شيء بسيط ونفذتيه
لو مفيش إلا سويسرا كنتِ هتتقبلي تتعلمي لغة جديدة
لو مفيش إلا البعثة كنتِ زمانك مركزة في الدراسة
وكمان الحالة النفسية بتلعب دور جايز لو العروض دي في وقت تاني كنتِ هتحددي مستقبلك بقرار حاسم
في النهاية محدش بياخد كل حاجة
وأنا شايف إنك عايزة مكاسب كتير بدون جهد موازي لها
لازم تفصلي شوية وترجعي بتركيز
ودا الطبيعي على فكرة
المهم سيبك من كل دا
الجراحة إيه سببها

المشاركة الأصلية كتبت بواسطة إنسانة

ضرس العقل هشيل الاربعة

السعودية المستشفى قال اختاري نوع التخدير

اخترته عام عشان مش هستحمل الموضعي قالي يبقى لازم توقيع ولي امرك وكلمت الوكيل بعد ما جه من اجازته قعد يتفلسف وقال للدكتور المشكلة في كام ضرس قاله واحد بس قاله شيله هو بس وبتخدير موضعي ورفض يوقع على الاربعه فهروح البحرين اعملها براحتي مانا مش هعمل تخدير وشغلانه واشيل واحد بس

الوكيل معاه حق ..
بعدين واحد عنده مشكلة في عين وهيخدروه
يقولهم بالمرة شيلوا التانية مانا مش هعمل تخدير وشغلانة عشان عين وحدة بس ؟
طالما مفيش مشكلة فيهم تشيليهم ليه ؟

والبحرين فعلًا مش آمنة وفيها مشاكل

بخصوص سؤالك عن أمريكا الجنوبية .. مش كلها زي مابتتصوري
طبعًا زرتها مش مجرد سماع ومش صحراء
خضراء ولكن اللون الأخضر باهت شوية زي الدول العربية
دي صورة هناك و تظهر شكل الطبيعة


بالمناسبة بلادنا بس اللي كلها صحراء لكن كل دول العالم فيها نسبة طبيعة مريحة
الأوروغواي وتشيلي جمال بس تشيلي زلازل وبراكين لا تنتهي ..
فالأوروغواي متفوقة من ناحية كل حاجة على دول أمريكا الجنوبية
البرازيل سيئة بمعنى الكلمة . عصابات .. فقر .. عنصرية .. مشاكل الشعب مع الحكومة
دا بالإضافة لإن سكانها منتمين لديانة المسيحية في غالبيتهم والتعاليم المسيحية منتشرة وفيه تعصب
مزدحمة والعشوائية فيها قاتلة .. نسبة الأمية عالية .. عددهم يفوق 200 مليون

الأوروغواي آمنة وفيها مدن شبيهة بأوروبا .. هادئة والناس متعلمين بنسبة 98%
تعداد السكان 3.4 مليون
اللادينيين فيها 40% و الـ 60% من مذاهب مسيحية وأديان أخرى .. لكن غير متعصبين ومفهاش مشاكل مذهبية إطلاقًا
عندك العاصمة مونتفيدو ومدينة بونتا و كاراسكو
العاصمة فيها كل شيء لكن فيها مليون نسمة
بونتا فيها حوالي 10 آلاف نسمة غالبيتهم سياح متقاعدين قرروا يقضوا بقية عمرهم فيها
جميلة جدًا وهادئة وآمنة شبيهة بمدن سويسرا ولكن طبعًا ليست بنفس الجمال والألوان الزاهية
محتاجة 2500 دولار شهريًا عشان تعيشي برفاهية عالية في المدينة دي..
الدولة بتهتم بشكل كبير بالفن .. الفرق الموسيقية العالمية والمحلية موجودة في الشوارع في مواسم السياحة ( الصيف )
سينمات متطورة نوادي فخمة بأسعار زهيدة
الإقامة الدائمة تاخديها لما توصلي وتثبتي مقدرتك على جلب 1500 دولار شهريا من خارج البلاد
مفيش أي شروط تانية وخلال 3 سنين من إقامتك الدائمة تاخدي الجنسية
طبعًا التعليم الحكومي قوي جدًا وشهادتها مش محتاجة معادلة لما تروحي أمريكا أو كندا
جوازها يدخلك حوالي 139 دولة منها كل دول أوروبا بدون تأشيرة
ولكن لازم تتعلمي الأسباني في الأوروغواي نفسها لإنها تختلف عن أسباني المكيسك مثلًا
فالمدن اللي يتعاش فيها زي دول أوروبا
Montevideo
Punta del Este
Carrasco