الموضوع: الناس اللي عندها ايفون تدخل للاهمية القصوى

اه من حق نسيت اقول لكم على قصة بنت خليجية طرحت مشكلتها في احد المنتديات نظامها اندرويد طبعا تلفونها متوصل بالواي فاي دايما في البيت لها حساب تويتر الحساب ده محمي محدش يقدر يقرأ المحتوى الا الاصدقاء وصاحب الحساب

لكن واضح انها نزلت برنامج له صلاحيات كتير ففجأه لقت شخص عربي مضاف للاصدقاء ولا تعرفه فحذفته فضاف نفسه تاني لانه عارف الباسورد وقال لها اعرف عنك تفاصيل اكتر انتي اسمك كذا وحكى لها على قصص وحكايات حصلت لها داخل المنزل مثلا وهي بتكلم مامتها او اخواتها

البنت مصدقتش من الصدمة اول ناس شكت فيهم اخواتها وافتكرت انهم عاملين ده مقلب فيها لان محدش يعرف بالكلام ده غير الاسره بما ان الحوار في البيت

باختصار شديد قوي للقصة لأن البنت عانت فترة شهر تقريبا وانهيار عصبي من شدة الخوف والشكوك الناس اللي فاهمه شكت في برامج التلفون بتاعها وشكهم في محله

المخترق كان بيفتح المايك ويسمع حوارات البنت داخل المنزل مع اهلها وعرف عنهم تفاصيل كتير اوي

المهم طلبنا منها اخراج الذاكرة على جنب مؤقتا

وطلبنا منها عمل فورمات كامل للجهاز وتنزيل نسخة اندرويد جديدة وتغيير الباسوردات كلها ثم عمل فورمات كامل للميموري كارد في اي هاتف اندرويد غير هام لان الميموري كان عليه برامج ايضا وربما فيروسات

تم المطلوب ومشكلتها انتهت اصبح المخترق لا يعرف عنها اي تفاصيل جديدة لكنه من شدة غيظه هددها بأنه سحب صورها كمان وممكن ينشرها الحوار للاسف بينه وبينها كان بيتم في الرسايل على تويتر نصحناها باخذ صورة من تهديداته باحد البرامج المتخصصة وطلبنا منها تهديده هو بأنه في حالة نشر اي شيء سيتم احالة الامر للجهات الامنية ورغم ذكائه الا انه غبي المفروض كان يعرف انها استشارة ناس والناس دي فاهمه ووجهوهها وممكن تستدرجه في الكلام وتاخد دليل ضده وده اللي حصل طلبنا منها استدراجه لمعرفة صورته وبعض المعلومات عنه والغبي وقع في الفخ والبنت صادته وهددته بعد كده بانها هتبلغ هيئة الامر بالمعروف والنهي عن المنكر ( الشرطة الدينية ) والشرطة المدنية الجبان تاني يوم قفل حسابه وخاف لكن البنت توعدته واقسمت ما تتنازل عن حقها
واللي اعرفه في قضايا زي دي اللي بيتمسك بيتجلد ويتحبس
انا بمجرد انتهاء المشكلة ظللت فترة اتابع الموضوع لكن لا جديد يبدو ان البنت كرهت الانترنت كمان وسابته ويمكن كمان بلغت ومسكوه

انا اتكلمت باستفاضه عشان البنات تاخد بالها كويس قبل تمزيل اي برنامج من بلاي ستور دققي في الصلاحيات اكتر من مره لو شكيتي لا تنزلي البرنامج هتلاقي برامج مثله تؤدي نفس الغرض وصلاحياته محدوده

بالمناسبة مش انا لوحدي اللي كنت بوجه البنت تعمل ايه كان فيه تقريبا ٦ اعضاء فاهمين وكان لهم فضل كبير ولاني دارس قانون طلبت منها تمسكه بدليل ادانه وتستدرجه وبعدين تهدده عشان تخلص منه


واسف على الاطالة بس قلت اطرح الموضوع للعبرة والفائدة والتحذير

المشاركة الأصلية كتبت بواسطة imnotim

انا جربت النظامين ومليش مصلحة مع اي شركة لكن بقول الحقيقة الاندرويد نظام هش مع الوقت بيحصل تهنيج وملفات مؤقته وفيروسات وشكله الجمالي ونسبة الامن والاستقرار فيه رديئه نيجي بقى لبرامج الاندرويد والبلاي ستور مسخرة بمعنى الكلمة اي مطور ممكن يبرمج برنامج ويرفعه على البلاي ستور

في الايفون لازم البرنامج يمر على فريق امني في ابل لمراجعته لو طلع غير امن بيترفض وينطرد المطور للابد

لو جيت نزلت برنامج من بلاي ستور بتلاقي له صلاحيات كتير وانت بحسن نيه تنزل البرنامج بدون النظر للتصاريح والاوذونات اللي هتخترق جهازك بدون علمك

مثال على ذلك برنامج المصحف الكريم وظيفته معروفه قرأة القران الكريم وتتصفحه او تسمعه لكن تلاقي من ضمن صلاحيات البرنامج الوصول للكاميرا وتحديد موقعك والوصول للصور والمايكرفون وقراءة الرسائل فده ما يسمى دس السم في العسل

بمجرد تنزيله المبرمج من حقه فتح كاميرا هاتفك وتصويرك بدون علمك تشغيل المايك والاستماع لما يدور حولك معرفة موقعك سحب صورك او اضافة صور جديدة للالبوم وغيره المزيد من الاختراقات والناس مش واخده بالها ده ممكن يوصل لايميلك نفسه والباسوردات

الاجنبي تلاقيه ناصح جدا قبل تنزيل البرنامج يقرأ صلاحياته مره واتنين وبعدين يقرر اما احنا موافقه وتنزيل على طول

برنامج زي المصحف مثلا اقصى صلاحياته الوصول للسماعات عشان تسمع القاريء

الوصول للحساس عشان يستشعر دوران الهاتف

الاتصال بالانترنت وده عادي عشان لو هتنزل تلاوات جديدة

اكتر من كده صلاحيات يبقى تجسس واختراق

علاوه على ذلك وانا مش متعصب لابل اطلاقا لكني افضل الاقوى في الحماية والعتاد جهاز ابل قوي يستحمل صدمات ويعيش معاك كتير مستحيل ينهار النظام بعكس الاندرويد لكن ممكن تحصل لو عامل جيلبريك فوق كل ده لو بحثت في متجر ابل عن مضاد فيروسات مش هتلاقي لأن النظام امن تماما ومفيش برامج متفيرسه

اظن الوقت كلنا عرفنا اجهزة الايفون غالية ليه

كلام صح

بس هل انت عندك شك .. ان جميع انظمه التشغيل بها ابواب خلفيه و برامج اختراق لاجهزه المستخدمين ؟؟

بما فيها ويندوز و اندرويد .. و ابل لن تختلف عنهم

و طالما كلهم كده .. يبقى استخدم الاسهل بدون تعقيدات

انا كان عندي نفس المشكلة من فترة و لما عملت Reset all settings الموضوع اتحل بعديها و مش عارف ايه السبب
حضرتك جرب تعمل كده و ان شاء الله مشكلتك تتحل بس اعتقد هتفقد كل الصور و البيانات اللي علي الموبايل.

المشاركة الأصلية كتبت بواسطة elawany13

اللى بيتعامل مع الانترنت سواء كمبيوتر أو موبايل لازم يكون حذر
وياخد باله
انا بقالى اسبوع بحاول انقل ملفات mp3 وفيديوهات على الايفون كل محاولاتى بائت بالفشل
ومره واحده شوية ملفات mp3 اتنقلت ومعرفتش اعملها تانى لحد ما زهقت
عمال اتابع فيديوهات شرح ومقالات على الانترنت وانزل فى برامج ووجع دماغ فى حاجه تافهه جدا بتتعمل فى الاندرويد ايه التعقيد ده !!!

كل الشروحات مش هتفيدك اد كده لازم جيلبريك سبب فشلك في تنزيل اغاني ان ستيف جوبز اصلا مانع تنزيل لي برامج من مصادر مجهوله خوفا عليك وعلى امان جهازك حتى الاندرويد الضبط التلفائي سامح لك تختار تنزل من مصادر مجهوله او لا ولك حرية الاختيار لكن الاندرويد مبينصحش بها يعني على مسؤوليتك

للاسف ابل مش بتسمح بالاغاني الا بدفع فلوس على منحرها تشتري الالبوم يعني ونادرا لو حد اشترى الكل بينتظر الجيلبريك لكسر قيود ابل

المشاركة الأصلية كتبت بواسطة tasaka

كلام صح

بس هل انت عندك شك .. ان جميع انظمه التشغيل بها ابواب خلفيه و برامج اختراق لاجهزه المستخدمين ؟؟

بما فيها ويندوز و اندرويد .. و ابل لن تختلف عنهم

و طالما كلهم كده .. يبقى استخدم الاسهل بدون تعقيدات

لا معنديش شك حضرتك بس اقلهم ضرر نظام ابل يوم هيتجسس عليك بيجمع شوية احصائيات تافهه وفي قضية بين ال fbi وابل الاف بي اى طلب من ابل مساعدته في فتح واسترجاع بيانات ايفون ارهابي تم قتله واسترجاع البيانات وفتح الايفون هيوصلهم لعناصر اجرامية ومعلومات مهمه وكان ظابط ايفونه انه بعد ادخال كلمة مرور ١٠ مرات خطأ يقوم الايفون بحذف كافة البيانات اللي عليه بحيث يصبح جديد وطبعا شركة ابل رفضت وقالت ان لها نظام بتحترمه لا يمكن ان تتخطاه وهو احترام خصوصية مستخدميها والقاضي وافق على اقوال ابل لو شركة تانيه هتوافق وفي شركات بتبيع بياناتك لشركات الدعاية وغيره بل كان ممكن fbi يدفع لابل بدون لجوء للقضاء

باختصار شديد وتجربة سنين ابل اقل ضررا
نقطة مهمة الجيلبريك جميل مفيش كلام لكن بيضعف حماية الايفون جامد وبيكون الايفون عرضه للاختراق لذلك ابل بتحاربه

المشاركة الأصلية كتبت بواسطة dongol123

انا كان عندي نفس المشكلة من فترة و لما عملت reset all settings الموضوع اتحل بعديها و مش عارف ايه السبب
حضرتك جرب تعمل كده و ان شاء الله مشكلتك تتحل بس اعتقد هتفقد كل الصور و البيانات اللي علي الموبايل.

شكرا لك جربت الطريقة حذف كل البيانات من جديد بحيث يصبح الايفون جديد وده كان في نظام ٨ عملتها مره واحده فقدت البيانات وللاسف متحلتش ومكنتش واخد نسخة احتياطية