القدرة الحصانية

**جندى مجند** · 01-05-2007 08:03 PM

شوف يا سيدى بالنسبة للسرعة القصوى أنا عندى الموتور 1500 سى سى و القدرة الحصانية المكتوبة فى الكتالوج 110 حصان و السرعة القصوى فى الأمبير 220 كم/ساعة ... يبقى أعتقد السيفيك حتكون أعلى من كدة بـ 20 أو 30 كم ... بالنسبة لموضوع ان أقصى قدرة حصانية عند rpm عالى فدى حاجة طبيعية جداً فى كل العربيات عشان العلاقة بين قدرة الموتور و سرعة دورانه علاقة خطية (أو شبه خطية) ... و الرسم دة يوضحلك انا قصدى ايه:

الشكل دة بيوضح آداء موتور 1500 VTEC المستخدم فى السيتى ... الخط اللى مكمل طوالى لفوق دة خط الHorsepower يعنى القدرة عند السرعات الطبيعية للسيارة عند 3000 لفة حوالى 55 حصان فقط ... و ال110 حصان دول تأخذهم عند حوالى 6000 لفة ... الخط المنحنى دة خط العزم ... الشكل دة حتلاقيه متشابه الى حد كبير فى جميع المواتير لكل السيارات و الاختلافات بتبقى فى القيمة القصوى كام و عند كام لفة.

**hazem_khidr** · 02-05-2007 07:55 AM

انا ركبت الهوندا السيفيك 2006 اللي هيا 2007 برضه في الامارات و كانت معايا لمده يومين و كان موتورها 1800 سي سي و كان كل المجلات اللي بقراها قالت ان الموتور دا قوته 140 حصان و بيقول ان من مميزاته انه بيدي قوه موتور ال 2000 سي سي و استهلاكه في الوقود نفس استهلاك مواتير ال 1500 سي سي و بالفعل كان استهلاكه جميل جدا و سحب العربيه ما شاء الله كان ممتاز بتكييف او بدون و جبت بيها حولي 208 و كانت تجيب اكتر بس الطريق مكنش مساعد و علي فكره هيا سحبها بيبدا يقل بعد ال 180 !!!!!!انما اللي بتنزل مصر هنا دي ما اعرفش الموتور دا جاي منين؟؟هوندا ماعندها مواتير صغيره في اعتقادي حاليا الا ال 1500 و ال1800.يمكن يكون الوكيل مدخل الموتور ال1800 دا علي انه 1600 او حاجه و الله اعلم زي البي ام الفئه التالته برضه نازل في كل العالم بدايه من موتور 2000 سي سي انما هنا في مصر نازله برضه 1600 مع ان بي ام لغت الموتور دا بالنسبه للفئه التالته من حوالي سنتين او اكتر .عموما هيا عربيه كويسه جدا و سواء الموتور 1600 او 1800 ف هي اكتر من رائعه و بصراحه انا بعتبرها من احلي العربيات اللي سوقتها في حياتي .
حاولت اطلع فيها عيب ما عرفتش خالص رغم اني كنت بتلكك ليها علشان احاول اطلع عيب ثبات او سحب او جوده تجهيزات او او مش لاقي

**MMamdouh** · 02-05-2007 10:25 AM

اول حاجة مواتير الهوندا مواتير بتكنولوجيا عالية فا محدش يستغرب اى ارقام للHP بتاعت مواتير الهوندا و دة من اسباب ان الهوندا عربيات جراية جدا... السيتى ال1300 الاوتوماتيك طلعت من اللانوس ال1500 مانوال و نوبيرا 1600 اوتوماتيك و بعد دهشة طويلة و نظرة على الموتور عرفنا ان الهوندا متقدمة تكنولوجيا حوالى 50 او 60 سنة عن دايو و دة اللى سبب الفرق

مواتير الهوندا بتحب اللفات العاية خصوصا الVTEC فا عادى ان تلاقى الرد زون فى موتور هوندا عند 7200 او اكتر

السرعة القصوى لاى عربية ملهاش علاقة باخر العداد... انا عربيتى عدادها اخرة 200 بس هى اخرها 172 و الانوس 2 عدادها 220 و اخرها 172 برضة و اللانوس ال1.6 اخر عدادها 200 او 220 حسب اذا كانت 1 او 2 و اخرها 185 فالى قال ان اخر العداد هو اخر سرعة العربية ميعرفش يعنى ايه عربية اساسا و دة يبين ان الناس اللى بتبيع فى المعارض كفتجية

لما عزم الدوران يبقى على RPM عالى دى حاجة مش كويسة... عزم الدوران مهم فيه بيجى عند لفات قد ايه و كل ما تبقى قليلة يبقى احسن... يمكن دة العيب الوحيد فى مواتير الهوندا

و اخيرا افضل مصدر للمعلومات بيبقى على النترنت... خش على جوجل و ابحث عن ايه حاجة انت عايزها حتلاقيها و معلوماتك حتبقى صح بدل الفتى اللى بتفتيه الناس فى مصر

MMamdouh

**Mohsens** · 02-05-2007 10:37 AM

يعنى كل التغيير اللى عاملينه أعتقد انهم كاتبين فى مواصفات العربية انها 1600 بدلاً من 1800

مخاطرة كبيرة لا أظن ان مجموعة زي الفطيم تاخدها....و لو فكروا في كدة مفيش شركة Multinational فى الدنيا تقبل بالغش ده فما بالك ب هوندا !....

**جندى مجند** · 02-05-2007 10:42 AM

لما عزم الدوران يبقى على RPM عالى دى حاجة مش كويسة... عزم الدوران مهم فيه بيجى عند لفات قد ايه و كل ما تبقى قليلة يبقى احسن... يمكن دة العيب الوحيد فى مواتير الهوندا

كلام سليم بس لو حضرتك لاحظت الchart اللى أنا حاططها فوق حتلاقى الtorque curve أفقى فى المنطقة من 2500 الى 3500 لفة و قيمته 13.5 كجم.م (يعنى حوالى 135 نيوتن متر) بينما أقصى عزم عند حوالى 4800 لفة و قيمته حوالى 14.8 كجم.م ... بمعنى آخر ان ابتداءً من 2500 لفة بتبدأ تاخد من الموتور دة حوالى 91% من قيمة أقصى عزم للموتور و دة رقم ممتاز .. و أنا فعلاً بأحس ان الموتور عندى عزمه بيبقى رائع ابتداءً من 2500 لفة

**جندى مجند** · 02-05-2007 10:48 AM

مخاطرة كبيرة لا أظن ان مجموعة زي الفطيم تاخدها....و لو فكروا في كدة مفيش شركة Multinational فى الدنيا تقبل بالغش ده فما بالك ب هوندا !....

أصل الحل التانى انهم يكونوا مصنعين موتور 1600 مخصوص لمصر و دى صعبة شوية بصراحة برضة
:roll:

**hazem_khidr** · 02-05-2007 10:49 AM

هوندا عاوزه تبيع و خلاص و معلش انا ما اسميش دا غش بصراحه لو كانو عملو كده يبقي شكرا ليهم انهم دخلو عربيه ممتازه مصر و بالسعر المعقول دا (الالنترا علي ما اعتقد ب 120 الف كوري و تقفيل مصري) يبقي انا اركب ايه؟؟حتي لو اقسط الباقي او ازود القيمه علي القسط او اصبر شويه لحد ما اجمع الفلوس و اركب عربيه خمس سنين علي الاقل و انا مرتاح..

حسأل سوال و اللي يعرفوا يجاوب عليه
انتو عارفين العمال و المهندسين في مصنع هوندا في اليابان بيلبسو ايه ؟؟؟