تقرير عن BMW X3
http://nileup.com/up/uploads/nilemotors_14764868792.jpg
الشكل الحالي و كوده F25 نزل سنة 2011 و تم عمل facelift ليه في 2014
العربية بتاتي بابعاد
طول: 4657
عرض: 1881
ارتفاع: 1678
و قاعدة عجلات: 2810
سعة تانك البنزين: 67 لتر
سعة الشنطة: 550 لتر و 1600 مع طي المقاعد الخلفيه
ال Drag Coefficient ليها: 0.34
وزن العربية بيتراوح من 1755-1845 حسب المتور و التجهيزات
الخلوص الارضي: 212 ملم
http://nileup.com/up/uploads/nilemotors_14764868791.jpg
العربية متوفرة بتلات محركات بنزين رئيسية بينزل منهم 2 بس في مصر
الاول و بينزل في ال 20i و ده بيكون 2000cc مع تكنولوجيا ال Twin power turbo و بيكون بقوة 184 حصان من 5000- 6250 RPM و عزم 270 نيوتن من 1250-4500 RPM و تسارع من 0-100 في 8.2 ثانية و سرعة قصوي محددة الكترونيا ب 210 كم/ساعة
الثاني (و ده مش بينزل مصر) بينزل في ال 28i و ده بيكون 2000cc مع تكنولوجيا ال Twin power turbo و بيكون بقوة 245 حصان من 5000- 6500 RPM و عزم 360 نيوتن من 1250-5000 RPM و تسارع من 0-100 في 6.5 ثانية و سرعة قصوي محددة الكترونيا ب 230 كم/ساعة
الثالت و ده الكبير بقي و بينزل في ال 35i و ده بيكون 3000cc مع تكنولوجيا ال Twin power turbo و بيكون بقوة 306 حصان من 5800- 6400 RPM و عزم 400 نيوتن من 1200-5000 RPM و تسارع من 0-100 في 5.6 ثانية و سرعة قصوي محددة الكترونيا ب 250 كم/ساعة
و للعلم ال Twin Power Turbo مش معناه انهم Twin Turbo
ال Twin Power Turbo هو الاسم التجاري اللي مستخدماه BMW و العربيات بتكون Turbo واحد بس بمروحتين Twin Scroll و ده لتفادي ال Turbo Lag و ده من اسباب طلوع العزم على RPM واطي كده لان المروحتين بتكون واحده صغيرة و واحده كبيره
الصغيره بتشتغل على ال RPM الواطي لحد ما يبقي في عادي كفايه يشغل المروحه الاكبر
و كلهم بينزلوا بالفتيس الشهير ال ZF8 و اللي BMW تعتبر احسن شركة ظبطت ال ratios بتاعتة مع مواتيرها
من حيث الاوبشنز فحدث و لا حرج
ال 20i و اللي تعتبر اقل فئة متوفره و في مصر بفرش جلد, Navigation مع نظام iDrive الشهير مع شاشة 8.8 انش, جنوط سبور حجم 17 انش, كراسي كهرباء مع memory, مثبت سرعه, سقف بانورما و تلات انظمة القياده ECO, Comfort, Sport
طبعا عوامل الامان لا تهاون فيها
العربيه بتنزل ب 8 ايرباجز
Dynamic Stability Control (DSC)
Anti-lock Braking System(ABS)
Dynamic Traction Control (DTC)
Hill Descent Control (HDC
ال 35i بتزيد جلد طبيعي بدل الصناعي و ب 3 الوان , جنط 18, فوانيس زنون مع DRL, حساس مطر و نور, نظام ال Dynamic Damper Control و مرايات ضم
شخصيا انا سقت ال X3 هنا في الكويت و كانت ال 28i
و بشكل عام العربيه تتميز باسلوب قيادة رياضي حتي و هي من فئة ال SUV العربية ثباتها هايل في الملفات و راسية في الطوالي, الدريكسيون حساس و دقيق و بينقل احساس الطريق, المتور استجابتة عاليه و تسارع هايل و شخصيا شايف انها احسن عربية من حيث متعة السواقة في فئتها
التقفيل محترم جدا و الخامات جيدة جدا و متوقع انها تعيش لمده طويله
يعيب العربيه ان التصميم الداخلي ابتدي يقدم خصوصا مع تطور المنافسين و طبعا من المتوقع ان ده يختلف تماما مع الجيل الجديد اللي هينزل 2018
اخر سعر ليها حسب التوكيل
580 الف للنسخه ال 20i
690 لل 35i
https://www.netcarshow.com/bmw/2015-...llpaper_01.htm
https://www.netcarshow.com/bmw/2015-...llpaper_0c.htm
https://www.netcarshow.com/bmw/2015-...llpaper_14.htm