لوجان 2010 سخنت جدا و مش راضيه تدور تاني

بسم الله الرحمن الرحيم
دلوقتي يا جماعه العربيه عندي لوجان 2010 يوم الوقفه الصبح وانا بداورها لقيتها مبرجله شويه وبابص علي استهلاك البنزبن لقيته علي جدا 12لتر / 100 كم المهم روحت مشواري و وانا راجع العربيه سخنت جداا ولمبه الحراره نورت واضطريت اركن واستني لحد ما هديت و زودتلها مايه خضرا بس الميه كانت بتنقص جامد من القربه ومافيش اي تسريب من تحت العربيه زودتلها جركن كامل وبردو بتنقص ودلوقتي مش راضيه تدور بمعني اصح اول مالف المفتاح في الكونتاكت بتدور ببرجله وصوت عالي وتبطل في ساعتها
مش عارف بقي العبيب من ايه

جوان وش السلندر ضرب .. والوش فيه ريجه اكيد
على وشك انها متدورش نهائي بعد كده

طيب حضرتك ماتعرفش الجوان الجديد يتكلف كام و هوا موجود اصلا جديد ولا استيراد

حاجتها كلها في صقر قريش المعادي
الجوان مش غالي اخره 120 جنيه
بس اكيد هتحتاج خراط برده مش اقل من 100 جنيه
غير مصنعيه الميكانيكي
غير المياه الحمرا

عموما ديه توقعات
الميكانيكي هو اللى هيقول لك
بس ديه الاعراض
عموما بص على غطا قربة المياه او المياه في القربه ممكن تكون بدات تعمل طحينه
ولو المياه بتنقص بسرعه كبيرة ومفيش تسريب ديه من اعراض تلف الجوان
برده تاخير الدوارة الصبح والبرجله وهي دايره
كتمه في العربية ومفيش سحب
استهلاك بنزين عالي
نقص الزيت والمياه
كل ديه اعراض تلف الجوان