موضوع اكتر من رائع
عرض للطباعة
موضوع اكتر من رائع
بسم الله ماشاء الله معلومات قيمة وشرح رائع وبسيط وعطاء بلا حدود
ربنا يباركلك ويكرمك ويزيدك من فضله
موضوع رائع
موضوع ممتاز شكراً على المعلومات القيمه .
تسلم ايدك، كلام زي الفل
بيتهايئلي الكاوتش اللي بيعدي علي انتاجه 6 سنين حتي لو لم يستخدم خالص بيبقي خلاص انتهي، بيسموة مشمس
حسب لغة بتوع الكاوتش
مش كاوتش العربية بس هو اللي عمره 5 سنين
أي قطعة كاوتش في العربية ليها نفس العمر...
وده السبب الرئيسي في كون العربيات بتفتح بقها في الصيانة بعد الـ5 سنين... لإن كل شوية هتلاقي عندك خرطوم اتقطع... جوان أو أويلسيل بيسرب.. عزل باظ... كاوتش مقص شقق.
دي طبيعة الكاوتش اللي ربنا خلقه.
وده بردو نفس السبب اللي بيخليني أقول "ركنة العربية خسارة"... لإنها بوقفتها دي عمالة تبوظ من غير أي استفادة أو استمتاع بالعربية.
هحكيلك على موقفين حصلوا معايا بسبب الكاوتش القديم ده...
أول مرة اشتريت فردة كاوتش مستعمل (لأسباب مادية).. والكاوتشة كانت تيوبلس وشكلها فعلا زي الجديد ..
كنت ماشي على الصحراوي نازل القاهرة من اسكندرية .. وحوالي الساعة 11 الظهر قبل الرست بشوية كنت ماشي على الشمال خالص وفي النص عربية بمقطورة..
وأنا بعدي من جنبه (على سرعة 110 تقريبا) وكنت وصلت عند الكابينة تقريبا.. الفردة المستعملة ضربت (ستر ربنا إنها تيوبلس)...
سبحان الله.. ربنا أراد إني أفكر في تزويد السرعة وأعدي من قدام المقطورة علشان أركن على اليمين.. معرفش ازاي سيطرت على العربية.. بس ربنا ستر.
طبعا نزلت أبص على الكاوتش مالقيتش النقشة بتاعته... طارت وبقت فرافيت.
الموقف التاني..
كنت ماشي على محور التعمير في اسكندرية.. وكنت بردو مركب فردة مستعملة بس ركبتها ورا.. وكان معايا الزوجة والأولاد.
وأنا ماشي في عند "أليكس وست" (منطقة كانت فاضية خالص) الفردة اياها ضربت... وربنا ستر بردو لإن الطريق كان فاضي تماما.. وقدرت أوقف العربية بالراحة.
نزلت أبص.. ألاقي الكاوتش مشقوق بالطول والنقشة بقت فرافيت بردو.
بعد كده حلفت ما هركب أي كاوتش قديم أو مستعمل... حتى لو هركن العربية تحت البيت وأنزل آخد تاكسي.
قوللي بقى..
تحب تعرض نفسك أو الناس اللي بتحبها لخطر زي ده؟؟؟ وتكون انت السبب فيه.
...
السلام عليكم ورحمة الله وبركاته والله ياهندسه الموقفين دول اسوء كابوس حد ممكن يشوفه خصوصا لو كان ع السريع وجانبك نقل تقيل لا يرحم علشان كده لا يمكن الواحد يمشى بكاوتش امامى على الاقل فى اى مشكله ولازم الشباب ياخد باله خصوصا فى طريق العالمين الشباب بيجرى بجنون عربيات حديثه وكله بيجرى فوق 200 كيلو انا بخاف لو وصلت 140 ودول زى المجانين وبشوف حوادث كتير بسبب الكاوتش لان مفيش حد بيكشف ويظبط الهواء قبل السفر بيوم لازم تكون العربيه جاهزه كاوتش وصيانه ومياه وزيوت موتور وفتيس وفرامل لازم والكاوتش اهم جزء لانه ببلدى ماشيين على هواء وبنصح كل الزملاء اللى طالعين مصايف ومسافرين على طول ظبط الزوايه ورصص العجل واظبط الهواء لان دول من الاسباب اللى بتبوظ اى كاوتش حتى لو كان ماركه كبيره طالما فى مشاكل فى العفشه مش هيفرق كله بيبوظ وربنا يسترها علينا كلنا ؟
موضوع رائع .................. ومدعوم بالصور التوضيحيه ربنا يكرمك ويكفيك ويكفينا والجميع شر الطريق .